17-24 ივნისამდე ქ. ბათუმში გა­იმარ­თა­ ტრადიციული რესპუბლიკური ტურნირი ჭადრაკში. ლანჩხუთის მუნიციპალიტეტიდან მო­ნაწილეობდა სპორტული ცენტრის (დირექტორი დ. მარშანი­შვი­ლი) 14 მოჭადრაკე. გათამაშება 4 კატეგორიაში გაიმართა: ასაკობრივი 8-10-12 და ღია ტურნირი 20 წლა­მ­დე. შვეიცარული სისტემა 7 ტუ­რად.
რვა წლამდე გოგონათა შორის ღირსეულად იასპარეზა 6 წლის ანასტასია ებრალიძემ, რომელმაც 4 ქულით გოგონებში მეორე ადგილი დაიკავა და ვერცხლის მედალს დაე­უფლა. მეხუთე საპრიზო ადგილზე გავიდა ნინი ებრალიძე. ბიჭებს შორის 5,5 ქულა დააგროვა ნიკო­ლოზ ჟორდანიამ, მან მხოლოდ ერთი პარტია წააგო, მაგრამ დამატებითი მაჩვენებლების გამო, მხოლოდ მე-4 საპ­რიზო ადგილს დასჯერდა. ძალიან კარგად იასპარეზეს ჩვენმა პატარებმა, 5 წლის დაჩი ზარნაძემ და საბა ებრალიძემ და 6 წლის საბა ყეი­ნაშვილმა, რომლებმაც 4-4 ქულით საპატიო ათეულში დაიკავეს ადგი­ლი. ლანჩხუთელთა ტრიუმფით დასრულდა 10 წლიან გოგონათა ჩემ­პიონატი I-II ადგილზე გავიდნენ ლანჩხუთელები სარა ცომაია და ანასტასია კვირკველია. მათ თანა­ბარი ქულები დააგროვეს, მაგრამ კოეფიციენტი უკეთესი  აღმოაჩნდა და ჩემპიონი გახდა ჩიბათის სა­შუალო სკოლის მოსწავლე სარა ცო­მაია. მესამე ადგილი თბილის­ელმა ბარბარე მიქელაიშვილმა დაიკავა. კარგად იასპარეზა ბიჭებში სპარტაკ ხუნთელიამ, რომელმაც ოთხი ქულა დააგროვა. 12 წლიან გოგონებში ბრწყინვალედ იასპარეზა ჩვენმა ტიტულოვანმა, ლილე ფირ­ცხალაიშვილმა, რომელმაც კიდევ ერ­თხელ დაამტკივა თავისი კლასი და დიდი კონკურენციის პირობებში ჩემპიონობა მოიპოვა. აღსანიშნავია, რომ ბოლო ტურში ლიდერ ლიზი ვასაძეს ერთი ქულით ჩამორჩებოდა და კომპიუტერულმა კენჭისყრამ  სწორედ ეს ორი მოჭადრაკე და­უპირისპირდა ერთმანეთს. ლილეს მხოლოდ მოგება აძლევდა ხელს, მან ძალიან დაძაბული და უშეღავათო ბრძოლა უმაღლეს დონეზე ჩაატარა და ღირსეულად მოიპოვა ოქროს მედალი. ლილე ლანჩხუთის სას­ულიერო გიმნაზიის მოსწავლეა.
მოსწავლეთა შედეგების მიხედვით გაიმართა მწვრთნელთა კონკურსი, შეირჩა ხუთი საუკეთესო, სადაც დი­დი უპირატესობით გაიმარჯვა და ტურნირის საუკეთესო მწვრთნელი გახდა სპორტული ცენტრის მთა­ვარი მწვრთნელი ადამი ხუხუ­ნა­იშვილი.
ბავშვები შეჯიბრებისთვის მოამ­ზადეს მწვთნელებმა: ადამი ხუხუნაი­შვილმა, ტარიელ ხუხუნაიშვილმა და ნუგზარ გვარჯალაძემ.