ჰო და არას ჭიდილია ერთადერთი გზა ჭეშმარიტების აღმოჩენისა და პოვნისა ილია

"ჰო და არას ჭიდილია ერთადერთი გზა ჭეშმარიტების აღმოჩენისა და პოვნისა" ილია

რაიმე ვაკანსია გაქვთ ლანჩხუთში?!

რაიმე ვაკანსია გაქვთ ლანჩხუთში?!
6-04-2022, 13:14

დავინახე ახლაგაზრდა გოგო ჩამოვიდა ტაქსიდან, პირჯვარი გა­დაისახა და თვალებიდან ცრემლები წამოუვიდა, ამასობაში ტე­ლეფონმაც დარეკა თურმე რაღაც ვაკანსიაზე დაუძახეს,  ენით აუწერელი სევდა იყო მის თვალბში, აი სადამდე მივედით, რაზეა ლაპ­არაკი? თუ­მცა არახალია ეს ყველაფერი. მუ­დამ ლაპარაკია სამუ­შაოზე, რომელმაც პურის ფული და საარსებო წყარო უნდა მოგ­იტა­ნოს. კიდევ მეორე შემთ­ხვევა მინდა დავასახელო ასეთი: რაიმე ვაკანსია გაქვთ ლანჩ­ხუთში?  წერს მავანი სოცი­ალურ ქსელში და არაფერ განმარტებას არ იძ­ლევა. სამუშაოს  დაწყება კი გი­ნდა, მაგრამ რა უნდა გააკეთო კო­ნკრეტულად? რომ ჰკითხო ამ­ის ავტორს, ალბათ გაუკვირდება, იმიტომ, რომ არ არსებობს სპეციალისტის მცნება, არც  პროფესიულ-ტექნიკური სასწავლებ­ლე­ბი. რაღაც კურსები ნამდვილად არის, რომელი სანდოა და რომელი არა კაციშვილმა არ იცის. გადაიხადე 600 ლარი, მიიღებ სამ პროფესიას და ჩამოთ­ვლილია: ფსიქოლოგი, სკოლამდ­ელი აღძრდის სპეციალისტი და კიდევ ერთი რაღაც. ამას როგორ უნდა დაუჯერო? ფსი­ქოლოგია პროფესიაა, რომლის­თვი­საც არსებობს უმღლესი სასწავლებელი და იქაც რთულია პროფესიის დაუფლება. სამწუხაროდ, ამგ­ვარ ფსიქ­ოლოგებსაც ვხედავთ დასაქმებულს, რომლებიც აბრურდულ რჩევებს აძლევენ ადამიანებს ან სუ­ლაც ეუბნებიან, ასეთ რამეს: დილით გაიღვიძე კმაყოფილი და მადლობა უთხარი უფალს, რომ გაჩნდი ამ ქვეყანაზე, ან წადი მოძღვართან და ცოდვები მოინ­ანიე. ამისთვის რად გინდა ფსიქ­ოლოგის მომსახურება, მეგობარი არ გყავს ვინმე, მოუყევი შენი გაჭირვება და გეტყვის რა­ღაცას.
რაც შეეხება, პურის მცხობელს, შემდუღებელს, დურგალს და ა.შ. ამ პროფესიებს,  რომლებიც სან­თლით საძებარია კი არ სწავ­ლობენ ივიწყე­ბენ, იმიტომ, რომ ამაზე მოთხოვნილება არაა, ურთი­ერთშე­ბრუნებული რამ აღვნიშნეთ, სან­თლით საძებარია, მაგრამ მოთხ­ო­ვნადი მაინც არაა. რამ განაპირობა ეს? თუ შეიძლება გახდე დეპუტატი, გქონდეს მაღალი ხელფასი და არაფერი გქონდეს საქმე, ან იყო საჯარო მოხელე, მაინც არაფერი გქონდეს საქმე, ან კიდევ მუშაობდე ა(ა)იპში და მაინც არაფერი გქონდეს საქმე. პროფესია რაღად გი­ნდა?!.
ერთ-ერთ დეპუტატს უშოვია საქმე, წერს პოსტებს ხალხს ასა­ქმებენო და მედია არ აპიარებს თურმე! მინდა შევუბრუნო კითხვა, უფასო ფული სადაა, რითაც კერძო სექტორი უნდა ამუშავებულიყო? რომელი ნავიც ჩამოივლის, იმ ნავში ჩახტომა კარგია,  მაგრამ მალე ჩა­ივლის ესეც და იქნებ ვეღარ ისკუპო იმხელაზე, რომ მომავალ ნავში გადახტე და პირდაპირ წყა­ლში მოადინო ტყაპანი, ამიტომ სიმართლე უნდა წერო, გამოგონილი სამუშაო ადგილები კერძო სექტორის განვითარებას ვერ წაადგება და ჩვენ 30 წლის მერედაც აღმოვჩნდებით გარდამავალ სოცი­ალ­იზმში და უფრო მეტიც და­ვ­ბრუნდებით უკან ოთხ­მოცდა­ათ­ია­ნებში.
მაღაზიებში ნისიების გრძელი და­ვთრები კვლავ ძალაშია, მუშა­ხელი რაიონიდან დიდი ხანია გასულია, ვინც დარჩა გასამჯელოს ,,პოს­ლეზე’’ უხდიან. მღებავი, მლესავი, მშენებელი თუ სანტექნიკი შიმ­ში­ლით არ უნდა კვდებოდეს, მაგრამ რად გინდა, იძულებული არ­იან შემ­დგომი ანაზღაურების იმ­ედად იმ­უშაონ, ყველაფერი  აწყო­ბილია გა­ფ­უ­ჭებული ტელე­ფონ­ივით.
ლანჩხუთში რამე ვაკანსია გა­ქვთო, ვინც იკითხა, იმან კარგად იცის, რომ ვაკანსია იყოს და მუ­შაობა რა საჭიროა. მიხვალ ყავას მოიდუღებ, დალევ. მთავარია დას­აქმებული გერქვას და ხელფასს იღებდე ბიუჯეტიდან, სოციალურ ქსელში კი დაწერ როგორ აყვავდა ტურფა ქვეყანა.
რით უნდა გაგაკვირვოთ თუ გე­ტყვით, რომ სამუშაო ადგი­ლები სინამდვილეში არ იქმნება. ვისაც უჩნდება ეჭვი, რომ ადგილობრივი მედია მიზან­მიმართულია და არ აპიარებს ადამინათა დას­აქმებას, იქეთ გვინდა რჩევა მივცეთ ასწიოს ერთი ადგილი და გაიაროს ხა­ლხში, ნახოს, როგორ არიან დასაქმებულები და რომელი სერიოზული წარმოება შეი­ქ­მნა ბოლო დროს სადაც ხალ­ხია დასქმებული და სად შე­იძლება შეისწავლო ლანჩხ­უთში პროფესიები, რომლებიც ყოველთვის მოთხოვნადი უნდა იყოს?
სხვა შემთხვევაში ყოველ­თვის იკითხავს ვიღაც, რაიმე ვაკანსია გაქვთ ლანჩხუთში? 
და ბოლოს ერთი ძველი ამბავი მინდა გიამბოთ: კომუნისტების დრო­ში ერთი ჭორიკანა მეზობელი უყვება მეორეს, ის გოგო შარვლით რომ დადის ხომ იცი? კი, რავა არა, პასუხობს მეო­რე. თურმე ,,გასტროლებზე’’ იარება! მართლა ცაა, მღერის თუ ცეკვავს ნეტა! რას ჩივი ცაა,  რაის მღერის და რაის ცეკვავს? ,,გასტროლები“ არ იცი რაია, გლახა საქმეზე იარება თურმე მაი მოსასპობი.
ხალხი გაზარმაცდა და მუშაობა აღარ უნდა, კვლავ გვაყვედრიან ადამიანები, რომლებიც ყოველთვის კარდაკარ დარბიან და ყოველთვის ყველა ხელისუფლებაზე მუშაობენ. უკაცრავად კი არ გაზარმაცდა, გააზარმაცეს არქიფო სეთურებმა.
,,გაიხურა კარი ასინეთა-კუდიანმა. გადაგორდა ტახტზე სეთური. იმდენი იცინა და იხარხარა, მეგონა, ფაშვი ჩაწყდებოდა და დასა­მარხი შეგვექნებოდა. იჯერა სიცი­ლით გუ­ლი, შეიმშრალა ცრემლები და გვითხრა:
- ასეა, მამა და შვილო, უწესო კაცები ხართ. ხომ გაიგონეთ, რა თქვა ასინეთამ!“ _ ჭაბუა ამირეჯიბი დათა თუთაშხია

            მაია კუკულაძე

განყოფილება: საზოგადოება
გადასვლები: 250
FACEBOOK კომენტარები
რეკლამა