გამოხმაურება წერილზე - ,,ღია წერილი პედაგოგიურ საზოგადოებას, ყველას, ვისაც განათლების სისტემაში არსებული პრობლემები აღელვებს!
მინდა გამოვეხმაურო სოსო კვაჭაძის წერილს, რომელიც ,,ჰო და არაში”  დაიბეჭდა. 
განათ­ლების სფეროში არსებული პრობლემები ბევრია, თუმცა არის მთა­ვარი, ასე ვთქვათ ყველა პრობლემის სათავე, კერძოდ, ეკო­ნომიკა, ანუ ადამიანთა ყოვე­ლ­დღიური საქმიანობა და ურთი­ერთობები და ეკონომიკური კან­ო­ნები. გან­ათლების სფეროც, ისევე როგო­რც სხვა ყველაფერი ეკონო­მიკის ობიექტურ ე.ი. ჩვენი ნებისგან დამოუკიდებელ კანონებს ექ­ვემდებარება. ალბათ ბევრს სმენია მოთხოვნა-მიწოდების უნივერსა­ლურ კანონზე - როგორიცაა მოთ­ხ­ოვნა ისეთია მიწოდება. ჩვენში, ჯერ კიდევ საბჭოთა დროიდან, არ არსებობს დაკვეთა ცოდნაზე, ჩვენ მხოლოდ საბუთი გვჭირდება, რომ ,,მცოდნე" და ,,განათლებული" ხა­ლხი ვართ და სისტემაც ჩვენს სო­ციალურ დაკვეთას ადექვატურად პასუხობს. თავის მხრივ  ამ არაჯანსაღ მოთხოვნას არაჯ­ანს­აღი, თავდაყირა დაყენებული ეკ­ონომიკური ურთიერთობები ბად­ებს. არ არსებობს კერძო საკუ­თრებაზე დაფუძნებული საბაზრო ურთიერთობები, ამდენად ყალბის და ნამდვილის შეფასების კრიტერიუმიც არ არსებობს. როგორც ყველაფერი, განათლების სისტემაც სახელმწიფოს მიერ ტოტალურ­ადაა მონოპოლიზებული. ხელშე­კრულია ყველა კერძო ინიციატივა. პედაგოგები უამრავი რეგულაციის, ლიცენზიების და ტრე­ნინგების ლაბირინთშია გამომწყ­ვდეული. რეალურად არ არსებობს სახელმწიფოსგან დამოუკიდებელი სკოლა. არ არის არჩევანი, არც მოსწავლისთვის, არც მასწავლე­ბლისთვის. არ არის კონკურენცია. ერთ ერთი პრობლემა უფლებების არასწორი, მხოლოდ პოზიტიურ ჭრილში გაგებაა. თავის დროზე, განათლების უფლებაზე ნეგატი­ური შინაარსით საუბრობდნენ, ანუ არავის აქვს უფლება წამართვას, ან შემიზღუდოს განათლების მიღების უფლება. დღეს მან პოზიტიური შინაარსი შეიძინა, რომ სახელმწიფო ვალდებულია მავანს განათლება მისცეს. აქედან საყოვ­ე­ლთაო სავალდებულო განათლ­ების სისტემაც. იძულებით შეი­ძლება ადამიანს რაიმე მისცე? ძალ­ით მხოლოდ წართმევა შეიძ­ლება...
სავალდებულობა ბადებს მიწერებს. ქმნის წარმატებების ყალბ სურათს. თვალთმაქცობაშია ჩართ­ული პედაგოგიც და მოსწავლეც. ასე იყო საბჭოთა დროს, ასეა დღეს. არაფერი შეცვლილა, უბრ­ალოდ რაც დრო გადის სისტემა უფრო ყანყალებს!