2008 წლის 8 აგვისტოს საომარი მოქმედებების დროს სამი ლანჩხუთელი სამხედრო დაიღუპა: ემზარი წილოსანი, რუსლან წულაძე და ვასილ სმირნოვი. დილით აგარაკის ივერიის ღვთისმშობლის ხატის ტაძარში გმირების სულის მოსახსენებელი პანაშვიდი მამა გიორგი ცქიტიშვილმა აღავლინა, რომელსაც ადგილობრივი ხელისუფლების წარმომადგენლებიც ესწრებოდნენ. ხელისუფლების წარმომადგენლებმა ჯარისკაცების საფლავები გვირგვინებით შეამკეს, ომში დაღუპულ ჯარისკაცების ოჯახებს საჩუქრად 300-300 ლარი გადასცეს.