თხოვნით მივმართავ გურიის ეპ­არქიის ლანჩხუთის სასულიერო პირებს _ ჩვენო სულიერო მამებო, გთხოვთ გამოიჩინოთ გულის­ხმიე­რება  და ლან­ჩხუთის მუნიცი­პალი­ტეტისა და საკრებულოს შე­ნობა-ნა­გებობა, სადაც უნდა წყდებოდეს ლანჩხუთის რაი­ონისა და მისი მო­სახლეობის კეთ­ილ­დღე­ობის საკ­ითხ­ები, უფლის ნებით აკურთხოთ. ამ შენობაში ლა­ნ­ჩხ­უთ­ის ,,ქართუ­ლი ოცნების“ ეშმა­კუნებმა დაიდეს ბუდე და იქნებ ადამიანებისკენ მოა­ქციოთ, რადგან კოჰაბიტაციამ ისინი ნაცმო­ძრაო­ბის სამუდამო მონებად გახადა, ამიტომაც მათი ფსევდონიმი ,,ოც­ნაცებია“. ,,ქართული ოცნე­ბის“ ფრა­ქციას ლანჩხუთში 20 დეპუტატი წარმოადგენს, ბევრი მა­თგანი ჩემი მეგობარია, მაგრამ ეს პოლიტიკურ სივრცეში არაფერს ცვლის. ყველა მათგანი მეტნაკლებად ნაცების დაკრულზე ცეკვავს და ვერ გათვალეს, სადაც არა სჯობს, გაცლა სჯობსო, ვერ შე­იგნეს სხვის უბედურებაზე თა­ვისი ბედნიერების შექმნა, ბოლოს კარგს არაფერს მოუტანთ.
რაც შეეხება ლანჩხუთის ,,ნაც­მოძრაობიდან“ ბატონებსა და ქალბატონებს, ისინი უდავოდ ნამდვილად ჩამოყალიბებული პოლიტი­კოსები არიან. მათ კარგად გა­თვალეს 2021 წლის ადგილობრივი არჩევნების მოგება ლან­ჩხუთში, მა­თთვის ზედმეტი ვა­ლა­კიდა იქნებოდა. მათ ოპოზიციური სილაღე და თავისი პარტიის წე­ვრების კეთი­ლდღეობა აირჩიეს. ლანჩხუთის ,,ოცნების“ ბიუჯე­ტე­ლებმა ნაცების კეთილდღეობაზე ზრუნვით და ჭეშმარიტი ,,ქართ­ული ოცნების“ წევრების დის­კრედიტაციით, მოახერხეს თავიანთ სავარძლებში დარ­ჩენილიყვნენ და ნაცების მსახურები გამხდარიყვნენ, ხალხის გასაგონად კი ნაცების ლანძღვა-გინებით, ამასაც დოღლიანად ვერ აკე­თებენ. ისინი მთლიანად ნაცმოძრაობაზე არიან დამოკიდებული და ვერანაირ სა­კითხს ვერ გადაწყვეტენ დამოუკ­იდ­ებლად. ხალხში კი ეჭვი იბადება, ნუთუ ამას ყოველივეს ვერ ამჩნევს ,,გუბერნია”. თუ ამჩნევს და რეაგირებას ვერ ან არ ახდენს, გამოდის ლანჩხუთის ხელისუფლება მას აბუჩად იგდებს, ან უარესიც, გუბერნიის უმაღლესი პირები იგ­დებენ ხალხს აბუჩად და ზემოთწ­ოდებული ბიუჯეტელების წისქვი­ლზე ასხამენ წყალს, რა­დგან ალბათ ისინიც... თუმცა ფა­ქტი ჯიუტია.
აქედან გამომდინარე ხალხში რწმენა იკარგება და მომავალ თა­ობას ამათ ხელში კარგს ვერაფერს ვერ უწინასწარმეტყვე­ლებენ.
ყოველივე ამის გადასაფარავად თითქოსდა მომავლის საკეთილ­დღე­ოდ, ქალაქის კეთილდღეო­ბაზედ და­იწყეს ზრუნვა.
აგებენ სპორტულ მოედნებს, სადაც არც წყალია და არც სვე­ლი წერტილები, წინა საუ­კუნეშიც არ იყო ისეთი ტრენ­აჟორები, რო­გორიც სპორტსკო­ლისა თუ საცურაო აუზის, სამარცხვინო შე­ნობის ტერიტორიაზე არის დამონტაჟე­ბული. ქალაქის ცენტ­რში ისეთი ონკან­იდან მოედინება წყალი, სა­ქო­ნელიც კი არ კადრულობს დალევას, როდესაც ქალაქის წრიულზე ნე­ბივ­რობენ. ქალაქის ცენტრი სა­პირფარეშოდ გადააქციეს და ასე­თი მრავალი საკითხია მოსაგვარებელი, რომელიც მხოლოდ ქალ­აქის მოსახლეობას სტკენს გულს.
ჩემო ლანჩხუთელებო, ამას ყოველივეს ჩვენი რაიონისა და მომა­ვალი თაობის სიყვარული მალაპარაკებს და ამავე სიყვარულით უანგაროდ ვემსახურები ჩვენს მო­მ­ავალ თაობას. მათი სილაღი­სთვის ლანჩხუთის ერთ პატარა კუთხეში ჩემი ძალისხმევით შექ­მნილი პატ­არა ედემის ბაღი მი­ვუძღვენი მათ. ამ საქმეში არავინ მხარი არ ამი­ბა, პირიქით, ადგილ­ობ­რივი ხე­ლისუფლება ყოველივე ამისათვის ჩემთან წინააღმდეგ­ობ­აშიც კი მო­დიოდა.
ლანჩხუთელები ღირსნი ვართ გვყავდეს ისეთი ხელისუფალი, რო­­მელიც იტყვის: ,,მე ყოვლად ქა­რ­თველს, ყოველივე მიყვარს ქარ­თული” და სიმართლეს თვალს არ აარიდებს, და თუ ასეთი ადამიანი არ არსებობს, მაშინ ჩვენ ყველამ ერთად, მომავალი თაობის საკეთი­ლდღეოდ არა ისე, როგორც დღე­საა მოჩვენებით და თვალთმა­ქცუ­რად, არამედ ჭეშმარიტად დავდგეთ ერთად და ამ ხელისუფლებას ვაკეთებინოთ ის, რაც ჩვენს რა­იონსა და მომავალ თაობას წა­ადგება და ნუ გავხდებით ჩვენც მონები. თუ დავდგებით სიმართ­ლისთვის ვიქნ­ებით ჩემპიონები...