სოფელ ნინოშვილში, მარგალიტა­ძეების ექვსულიანი ოჯახი, სადაც ორი მცირეწლოვანი ბავშვიც ცხოვრობს, წლ­ებია სტიქიას შიშველი ხელებით ებრძ­ვის. დაბზარულია ამ ოჯახის საცხოვ­რებელი სახლის კედლები, განადგურებულია ეზო და სასაფლო-სამეურნეო ნაკვეთი. ოზურგეთი- ნინოშვილის საავტომობილო გზის გასწვრივ უკვე წლ­ებია იზრდება სტიქიური ზონა და ამ ტერიტორიიდან რამდენიმე ოჯახი უკვე განსახლდა.  გზის სავალ ნაწილზე, სად­აც გადატვირთული საავტომობილო მოძრაობაა და ავტომანქანების ნაკადი არ წყდება, რამდენიმე ადგილას გზა მეწ­ყრისგან იმდენად ჩაზნექილია, საცაა მთლიანად ჩავარდება. აქვეა მინიშნებაც ,,დამეწყრილი ზონა.“ ამ ტერიტორიაზე არ არის მოწყობილი გარე განათება, რაც საავტომობილო შემთხვევის რისკს უფრო მეტად ზრდის, გზის ერთ მხარეს რამდენიმე საცხოვრებელი სახლია, მათ შორისაა მარგალიტაძეების ექვსსულიანი ოჯახის საცხოვრებელი სახლი და საკარმიდამო ნაკვეთი. როგორც სახ­ლი, ისე ეზო და საკარმიდამო ნაკვეთი მეწყრისაგან უკვე წლებია ზიანდება, ამ ოჯახში, როგორც ვთქვით, ორი მცირეწ­ლოვანი ბავშვია, ორი კი მძიმე ავადმყოფი. ოჯახის უფროსი, სულიკო მარგ­ალ­იტაძე გვიყვება, რომ აქ ცხოვრება უკვე გაუსაძლისია, მან 2018 წლის ოქტომბერში რამდენიმე ტელევიზიის ეთერით მიმართა შესაბამის უწყებებს, რომ დახმარებოდნენ, თუმცა იმის შემდეგ მდგომარეობა უარესობისკენ შეიცვალა. საავტომობილო გზა, რომელიც მარგალიტაძეების საცხოვრებელ სახლსა და სასოფლო-სამეურნეო ნაკვ­ეთის შუაში გადის, მეწყრულ ზონას წარმოადგენს და როგორც ზემოთ აღვნიშნეთ, ტრანსპორტის მოძრაობა აქ მეტად სახიფათოა, ერთად ერთი მხო­ლოდ ნაკვეთის ღობეა, რომელიც გზის გასწვლივ ჯებირის მოვალეობას სწევს, ამ გზას არ გააჩნია სანიაღვრე არხები, გაბიონები და მეწყრისაგან დამცავი არცერთი პირობა. ,, ძველი ურემი მოვიტანე და სიმბოლურად დავტვირთე ქვე­ბით, ასე მოტანილი დღემდე ქვებით მქონდა აქაურობა გამაგრებული და ახლა თავად ხედავთ რა მდგომარეობაა. სანიაღვრე კვალი არ იყო გაკეთებული და წყლების არასწორმა მიმართულებამ გამოიწვია ის, რომ წაიღო ეს მონა­კვეთი, 2018 წელს, როცა რამდენიმე ტელ­ევიზიამ გააშუქა ეს ამბავი, იქედან მოყოლებული დღემდე რასაც ვითხ­ოვდი, არ არის გაკეთებული, ჩემი საკ­უთარი ღობე ამაგრებს ამ წუთას გზას ზევითაც და ქვევითაც, სახლი ხომ დამიზიანდა და დამიზიანდა, მერე მთლ­იანად ნაკვეთი წაიღო. საშვილიშვილოდ მქონდა მოშენებული კარმიდამო, არც ერთი ბეტონი არაა ნახმარი აქ გამა­გრებისათვის, არც რკინა. შედეგი გვაქვს ასეთი, თავადაც ხედავთ, ახლა წამო­ბრძანდით ეზოში და ნახავთ იქ რა მდგომარეობა“ - გვითხრა მან. 
ასევე მეწყრისგან დაზიანებულია სახლის ეზო, სადაც ფეხით გავლაც ჭირს. დაბზარულია სახლის კედლები და დაწეულია მეორე სართულის აივნის რკინაბეტონის საფარი. ,,დღეს მოვა ტრაქტორი, ხვალ მოვა, ასე მარწმუნებდნენ, მოვიდა ტრაქტორი და ასე დამიტოვა მდგომარეობა, გაკეთების მაგივრად მთლად დამაქციეს, ეზოშიც ვეღარ ჩამოვდივარ, რომელი ადამიანი გაჩერ­დება ასე" _ გვითხრა ოჯახის უფროსმა და ისიც დასძინა, რომ თუ იძუ­ლებული გახდება გზის ამ მონაკვეთს გადაკეტავს. საქართველოს გარემოს და­ც­ვის და სოფლის მეურნეობის ეროვ­ნული სააგენტოს მიერ 2021 წლის 20 იანვრით დათარიღებულ დასკვნაში წერია: ,,შუქრი მარგალიტაძის საკარმიდამო ნაკვეთზე და საკარმიდამო სახლზე სააგენტოს გეოლოგიის დეპარტამენტის სპეციალისტების მიერ 2018 წლის ოქტომბრის თვეში გაცემულია ვიზუალური საინჟინრი -გეოლოგიური დასკვნა დეპარტამენტი ს სპეციალისტების მიერ, სადაც მითითებულია დამცავი ღონისძიებების შესახებ. კერძოდ, სახ­ლის მდგრადობის შენარჩუნებისათვის, დამეწყრული სხეულის სტაბილიზ­აცი­ისათვის საჭიროა: ფერდობიდან და სახურავიდან ჩამონადენი წყლების რეგულ­ირება-დრენაჟი; საძირკველის გარშემო ჰიდროსაიზოლაციო საფარის მოწყობა და ტექნოლოგიური ფერდის გასწვრივ სამაგრი კედლის მოწყობა, ხოლო საავტომობილო გზაზე უნდა გატარდეს მეწყერსაწინააღმდეგო ღონისძიებები. ამჟამად ვიზუალური დათვალიერებით მითითებული ღონისძიებები შესრულებული არ არის, ხოლო სახლის დაზიანების ხარისხი შედარებით მომ­ატებულია. მითითებული ღონისძიებების გატარების აუცილებლობა ძალაში რჩ­ება. მიგვაჩნია, ადგილობრივი ძალებით დაწესდეს მონიტორინგი. გართულების წარმოქმნის შემთხვევაში მოხდეს შეს­აბამისი გადაწყვეტილების მიღება.“
 სოფელ ნინოშვილში გზად შევხვდით უკვე ყოფილ საკრებულოს წევრს, დავით ჩხარტიშვილს. მან გვითხრა: ,,ძალიან მიხაროდა, რომ ეს გზა ჩავასმევინეთ მსოფლიო ბანკის პროექტში, შემდეგ შეჩერდა ეს პროექტი პანდემიის გამო". დავუკავშირდით ლანჩხუთის საკრებულოს თავმჯდომარეს და ამ სოფლის დეპუტატს, ბესო ტაბიძეს. მან გვითხრა: ,, ნინოშვილის გზასთან დაკავშირებით მე და მუნიციპალიტეტის მერს, ალექსანდრე სარიშვილს ჩამოყვანილი გვყ­ავადა, ირაკლი მაჩალაძე, საქართველოს საავტომობილო გზების დეპარტამენტის აჭარის საავტომობილო გზების სამსახურის უფროსი და თემურ ჯახვა, შპს, ,,გზამშენი-18"-ის ხელმძღვნელი. მან მოითხოვა ზედა მხრიდან გამაგრება მომ­ხ­დარიყო. შეთანხმდნენ იმაზე, რომ ქვედა მხრიდან, სადაც არის მეწყრული ზონა, წელს მომხდარიყო  გამაგრება, სანამ პროექტით გათვალისწინებული სამუშაოები დაიწყებოდა. შემდეგ ითხ­ოვა, რომ ეზოდან გამოეტანათ მიწის ნაკადი, ოთხი დღის განმავლობაში ტექ­ნიკა მიმაგრებული ჰყავდა. გამოიტანა მიწა და ეს მიწა დაყარა იმ ადგილას, სადაც გამაგრებითი სამუშაოები უნდა დაწყებულიყო. აქედან გამომდინარე მაქვს ინფორმაცია, რომ საავტომობილო გზების დეპარტამენტს მოთხოვნა გადაგ­ზავნილი აქვს საპროექტოში, პროექტი იქნება აპრილის თვემდე და აპრილში უკვე დაიწყება სამუშაოები და ყველა მეწყრული ადგილის შეკეთება მოხდება. მინდა გითხრათ, რომ 24 საათის განმავლობაში იმ ხელმძღვანელებთან მაქვს კომუნიკაცია, რომ უყურადღებოდ არ დარჩეს ეს ოჯახი და ასევე ის გზა, რომლითაც ჩვენი მოსახლეობა სარგებლობს’’_ გვითხრა ბესო ტაბიძემ.