სოფელ გრიგოლეთში სასტუმრო „ლაშთანთან“ წყლის კოლექტორ­ის მოწყობისთვის 200 ათას ლარზე მე­ტი გაიხარჯა. ლანჩხუთის ადგილობრივი ხელისუფლების ინფორ­მაციით, 400 გრძივი მეტრის მშე­ნებარე არხი გზის და მიმდებარე ტერიტორიის დატბორვის პრობლემას მოხსნის. თუმცა, ირკვევა, რომ შესრულებული სამუშაოების ხარ­ის­ხით უკმაყოფილოა  ადგილობ­რი­ვი მოსახლეობა. საქმეს ის ართუ­ლებს, რომ ეს ხსენებული კოლექტორი 400 მეტრის სიგრძეზე გა­იჭრა, რის შედეგადაც მძიმე ტე­ქ­ნიკით გადაითხარა მწვანე ნარგავები, მიწის ნაკვეთები და მათთან მისასვლელი გზები. სწორედ ეს გა­ხ­ლდა იქ მაცხოვრებელთა პროტეს­ტის მიზეზი.
„შეხედეთ, რას გავს აქაურობა. მოსახლეობას მისასვლელი გზა ჰქო­ნდა გაკეთებული საკუთარი ხა­რჯებით, რომელიც გადათხარეს და დატოვეს ისე. ახლა შემოვლითი გზით უწევს აქაურებს სარგებლობა, ვერ გამოხვალ ისეთი მდგომარეობაა. რომ გადათხარეს ყველაფერი, დათხარეს ხეები, არ უნდა გა­ე­წმინდათ?!  ნაომარს გავს აქაურობა, ტურისტები დადიან ამ გზაზე, რა შთაბეჭდილება დარჩებათ?! არ შე­ეძლოთ ტრაქტორით გაესწორებ­ინათ ეს ადგილი ისე, როგორც ად­რე იყო, გადათხრილი რომ და­ტოვეს?! ვის მოწონს ასე გა­კე­თე­ბული?! ესაა დამთავრებული პროექტი?!“ - ამბობს ადგილობრივი გია გოგოლაძე. 
სასტუმრო „ლაშთანთან“ შესრუ­ლე­ბული ინფრასტრუქტურული პრო­ექტი ადგილობრივი ოპოზიციის კრიტიკის ობიექტიც შეიქნა. 
„პირველ რიგში უნდა ვთქვა, რამდენად ეფექტური იქნება ეს პროექტი, ამას დრო გვიჩვენებს. ეჭვებს ბადებს უშუალოდ კოლექტორის ზო­მები და რამდენად შეძლებს ის წყლის გამტარიანობას. სულ სხვა საკითხია იქ არსებული მდგომარეობა, რაც გამოიწვია უშუალოდ სამუშაოების შესრულებამ. საერ­თ­ოდ პროექტში უნდა არსებობდეს ობიექტის პირვანდელი სახის და­ბრუნების რაღაც მექანიზმი, მაგ­რამ რეალობა მიუთითებს, რომ ამ მხრივ არაფერი გაკეთებულა და არ­სე­ბული ტერიტორია, თანაც გასათ­ვალისწინებელია საკურორტო ზო­ლში, ვერავითარ კრიტიკას ვერ უძ­ლებს. ეს ყველაფერი ადგილზე ვნა­ხეთ და ცოტა არ იყოს გაოცებულები დავრჩით იქ ნახულით. ეჭ­ვგარეშეა, რომ ამის ასე დატოვება არ შეიძლება.“ - ამბობს პარტია „ლე­ლოს“ ადგილობრივი ლიდერი გოჩა ჯანაშია. 
გიორგი გახარიას პარტიის „საქა­რთველოსთვის“ ლანჩხუთელმა სახ­ემ ჯუმბერ ბლაგიძემ საკითხი სა­კრებულოს ბოლო სხდომაზეც გა­აჟღერა.
„ვერანაირ კრიტიკას ვერ უძლებს იქ შესრულებული სამუშაოები. იფ­იქრებ ატომური ბომბი ჩამო­აგ­დესო, ისეა იქაურობა მოქცეული. თუკი იქ სამუშაოები მართლაც დამ­თავ­რე­ბულია, საკრებულოს 27-ვე წევრს ვთხოვ მივიდეთ ადგილზე და სა­კუთარი თვალით ვნახოთ რაც ხდე­ბა. ისეა მისილული, რომ ვერანაირად ვერ იმუშავებს ეს კოლექტორი. გადათხრილი ადგილები სრუ­ლიად მოუსწორებელია, დასახ­ლებულ პუნქტამდე შესასვლელი მოსახლეობას ქონდა საკუთარი სა­ხსრებით გაკეთებული, ახლა კი ყველაფერი გადათხრილია, ხეები და­თხრილი-დაჩეხილია დაყრილი. ჩვე­ნი ოპოზიციური ფრაქცია  იყო ად­გილზე გასული, შეხვდა იქაურებს, მართლაც კატასტროფაა ადგილზე. მერიის ინფრასტრუქტურის სამსა­ხურში მოვიკითხე ამბავი და მი­თხრეს, რომ სამუშაობი უკვე და­მთავრებულიაო, არადა სირცხვილია რაც იქ ხდება “ - თქვა ჯუმბერ ბლაგიძემ. 
ირკვევა, რომ კოლექტორის მო­წყობის სამუშაოები გრიგოლეთში დასრულებულია და შემსრულებელს მეტი არავითარი ვალდებულება არ გააჩნია, თუმცა, მუნიციპალიტეტის მერი, ალექსანდრე სარიშვილი ირწმუნება, რომ არსებული სიტუაცია გამოსწორდება.
„ჩვენ ვესაუბრეთ შემსრულებ­ლებს და ტერიტორიის გაწმენდა  და­ვავალეთ, რაზეც მათგან თანხმობა მივიღეთ. ასე რომ, მეც უკმაყოფილო ვიყავი იმით, რაც ვიხილე და იმედი მაქვს, მალე ყველაფერი გამოს­წორდება“- განმარტა ალექსანდრე სარიშვილმა.