_ მადლობა, რომ დაგვთანხმდი ინტერვიუზე. ია, მოგვიყევით ბავშ­ვობაზე, სად დაიბადეთ და გაიზ­არდეთ, სკოლის პერიოდიდან რა გახსენდებათ ყველაზე კარგად?
 _ მოგესალმებით, დავიბადე და გავიზარდე სუფსაში. იყო პერიოდი, როდესაც ძირითადად თბილისში ვცხოვრობდით, მაგრამ არდადეგებს სულ ვატარებდი ჩემს უსაყვარლეს ახალსოფელში. უნივერსიტეტის და­სრულების შემდეგ ძირეულად დავუბრუნდი ჩემს სოფელს და უკვე 10 წელია აქ ვცხოვრობ. სკოლის პერიოდიდან ყველაზე კარგად მახსენდება ჩემი პირველი მასწავ­ლებელი, რუსიკო მურ­ვა­ნიძე, რომელიც დღესაც სუფსის საჯარო სკოლის გამორჩეული პედაგოგია, რუსიკო მასწავლებელი არის საოცრად სათნო, თბილი, მოსიყვარულე, უზომოდ ზრდილობიანი და განათლებული ადამიანი. ძალიან მიყვარდა მა­სთან საუბარი, დედა­შვი­ლური დარიგებები, მისი ახსნილი გაკვეთლი დღე­საც მახსოვს და მინდა ამ ადამიანმა დიდხანს იცო­ც­ხლოს, იყოს ჯანმრ­თე­ლად და შეძლოს კიდევ ბევრი თაობის აღზრდა. 
_ ია, პროფესიით ვინ ხართ? სად სწავლ­ობდ­ით? 
_ პროფესიით ვარ იურ­ისტი, სწავლის პირველივე კურსიდან აქტიურად ვარ ჩართული იურიდიულ სფეროში, თავდაპირველად ვიყავი ,,თბილისე­ლების" ადვოკატი და უფასო იურ­იდიულ დახმარებას ვუწევდი საზოგადოებას, შემდეგ იყო ადვოკატთა ასოციაცია, თბილისის სააპელაციო სასამართლო, სახალხო დამცველის აპარატი და ახლა უკვე 8 წელზე მეტია ადგილობრივ თვი­თმმართვე­ლობაში ვარ დასაქმებული. ბაკალა­ვრი დავამთავრე ივანე ჯავახიშ­ვილის სახელობის თბილ­ისის სახელმწიფო უნივერსიტეტში და ვარ სამართალმცოდნე, ასევე გახლავართ ილიას სახელმწიფო უნივერსიტ­ეტის კერძო (ბიზნეს) სამართლის მაგისტრი და დღეს­დღ­ეობით ვსწა­ვლობ გრიგოლ რობა­ქიძის სახელობის უნივერსიტეტის დოქტორანტურაზე საჯარო სამართლის მიმა­რთულებით. 
_ ოჯახზე მოგვიყევით, ვინ არიან თქვენი ოჯახის წევრები? როგორ გაიცანით მეუღლე, და როგორი იყო პერიოდი, სანამ დაოჯახდ­ებოდით? 
_ ძალიან მიყვარს ოჯახზე საუბ­არი. ჩემი მეუღლე არის გურამ ბოლქვაძე, ერთმანეთი გავიცანით საკრებულოში და უკვე 5 წელია დაოჯახებული ვართ. ის არის ჩემი ყველაზე დიდი მეგობარი და საყვარელი ადამიანი, მის გარეშე ვერ წარმომიდგენია ჩემი ცხოვრება, თბილი და ჰარმონიული ურთიე­რთობა გვაქვს. გვყავს ერთი შვილი, დაჩი ბოლქვაძე, რომელიც მალე 3 წლის გახდება და გვაგიჟებს მისი ქცევებით, აზროვნებით. ყველა დედისთვის განსაკუთრებულად საყვარელია შვილი, მისი ყველა საქციელი ჩვენთვის სამაგალითოა, ამიტ­ომ ბევრ ქებას არ დავიწყებ. 
_ ია, თქვენ ხართ სუფსის მაჟორიტარი დეპუტატი, მოსახლ­ეობამ არჩევანი სწორედ თქვენზე გააკეთა, რას ნიშნავს ეს თქვე­ნთვის? 
_ ეს არის ჩემთვის უდიდესი პას­უხისმგებლობა. ზოგადად ძალიან კომუნიკაბელური ვარ, ჩემი პროფესიიდან გამომდინარეც ყოველთვის მიყვარდა ხალხთან ურთიერთობა, ძალიან მიყვარს მათი მოსმენა. ვცდ­ილობ ყველა ადამიანს ყურად­ღება მივაქციო, თუ ადამიანი ჩემ­ამდე არ მოდის და ვიცი რომ პრობლემა აქვს მე თავად ვპოულობ და მივდივარ, თუ რამეში შემიძლია მაქსიმალურად ყველა მოსახლეს მინდა ყურადღება მივაქციო. გარდა ამისა, სუფსას მალე ძალიან ლამაზი ინფრასტრუქტურული პროექტები დაამშვენებს. ვმუშაობთ ქართული ოცნების გუნდი, რომ უფრო გაცო­ცხლდეს, გალამაზდეს სოფელი, ვზრუნავთ დასაქმებაზე, სოციალურ განვითარებაზე. რით შემიძლია გამოცხადებული ნდობისთვის სუფსას მადლობა გადავუხადო? რა თქმა უნდა, ყურადღებით და საქმით. ამიტომ, ჩემი უფლებამოსილების ვადა სრულად უნდა გამოვიყენო, მერის ალექსანდრე სარიშვილის და ქართული ოცნების გვერდით დგომით ბევრი სასიკეთო საქმე უნდა გავაკეთოთ სუფსაში.
_ ყველაზე განსაკუთრებული ერთი დღე მინდა გაიხსენოთ თქვენი ცხოვრებიდან.
_ ყველაზე განსაკუ­თრე­ბ­ული დღე იყო, როდესაც ჩემი შვი­ლი, დაჩი დაიბადა. ამაზე ამაღელვებელი და ბედნიერი გრძნობა არ არსებობს.
_ გყავთ თუ არა მისაბაძი ადამიანი და რა არის თქვ­ენი აზრით ყველაზე ღირებული ადამიანში?
_ მისაბაძია ჩემთვის ყვე­ლა, ვინც სიკეთეს აკეთ­ებს, ვინც არის მართალი და ზრდილობიანი ადამიანი. ჩემთვის ყველაზე ღი­რებული სწორედ სიმარ­თლეა. 
_ და ბოლოს, რას ნიშნ­ავს ლანჩხუთი თქვე­ნთ­ვის?
_ ლანჩხუთი და მისი შემადგენელი ნაწილი სუფ­სა, ჩემ­თვის მშობ­ლი­ური მხარეა, ამიტომ ძალიან თბილი დამოკიდებულება მაქვს, აქ არის ყველაზე ლამაზი და მოსიყვარულე ხალხი. ჩემთვის ლანჩხუთი არის ყველაზე სუფთა და საყვარელი. მე ხალხის მიმართ აღებული მაქვს ვალდებულება და ჩემი ქართული ოცნების გუნდის მხარდაჭერით, ახალგაზრდული შემ­ა­რთებით და ხედვებით ყველაფერს გავაკეთებ იმისთვის, რომ ლან­ჩხ­უთში გაუმჯ­ობესდეს საზოგადოების სოცია­ლური ცხოვრება და იყოს მეტად განვითარებული, იყოს ლამაზი ინფრასტრუქტურული პროექტები და ყველა ოჯახი კმაყოფილი, ბედნიერი. ამიტომ, ჩვენს გუნდს და მერს, ბატონ ალექსანდრეს მინდა წარმატებები ვუსურვო ხალხის საკეთილდღეოდ. ,,ჰო და არას" რედ­აქციას დიდ მადლობას მოვა­ხსენებ, რომ დაინტერესდა ჩემთან ინტერვიუთი და  დიდ წარმატებებს გისურვებთ!