,,ჰო და არას:” სტუმარია საკრებულოს ყოფილი წევრი, ექიმი ნონა მურვანიძე
_ როგორ ანალიზს გააკეთებდით სა­ქა­რთველოში პოლიტიკური ცხოვრების 30 წლის შესახებ?
_  გავიარე საბჭოთა პერიოდის მოსწა­ვლეობის პერიოდი, ასევე საბჭოთა პერიოდის სტუდენტობა. უზრუნველი (ბრჭყალებში) ბავშვობა და სტუდენტობა.  შერჩა ვინმეს საბჭოთა დროის ნოსტალგია? არა მგონია, უფრო სწორად არ მინდა ასე იყოს. 9 აპრილი თავის­უფლებისათვის ბრძოლის საუკეთესო მაგალითია. 90-იანი წლების საშინელი პერიოდიც გავიარეთ. უშუქობა, სიცივე და უმეტესად უპურობაც, მაგრამ თავისუ­ფლებისათვის ბრძოლა გრძელდება. რუსეთი გაშმაგებით, შეფარულად თუ ღიად იბრძვის და დავკარგეთ აფხაზეთი. ესეც განსაცდელი. ჭუ­ბერის კადრები საშინელი სანახავია, ესეც განსაცდელი. მხედრიონის ბრძოლები და შემდეგ მათ მიერ ჩადენილი დანაშაულებები... ესეც განსაცდელი. ეროვნული მთავრო­ბის არჩევა და მალე ქვეყნის პრე­ზიდენტის, ზვიად გამსახურდიას გაურკვეველი სიკვდილი თუ მკვლე­ლობა, ესეც განსაცდელი. გრძე­ლდება ბრძოლა ერთმმა­რთველ რუსეთსა და თავისუფ­ლებისთვის მებრძოლ ჩვენი საუ­კეთესო მიწა-წყლის, ჰაერის, საუკეთესო გეო­გრაფიული მდებარეობის ქვეყნის მოსახლეობის დემოკრატიული გა­ნვითარების ინ­ტერესების წინაა­ღმდეგ, ესეც განსაც­დელი. თავის­უფლებისათვის ბრძოლის გზაზე 2003 წლის ვარდების რევოლუცია, უსი­სხლოდ დასრულდა ხალხის გამარ­ჯვებით. მოვინდომეთ და ვაჩვენეთ დანარჩენ სამყაროს, რომ გვინდა და­მოუკიდებლობა, გვინდა ვიცავდეთ საკუ­თარ და სხვის უფლებას; გვინდა რეფორმები; გვინდა კორუფციის ჭაობ­იდან ამოსვლა, არ იყო ადვილი ამის მიღწევა. წინა ხელისუფლებამ ეს შეძლო. წარმოგიდგენიათ, უშუქობა რომ ჩანა­ცვლდება? გზა და წყალი რომ კეთდება და მთავარი  _ მილიცია კანონმსახური პო­­ლიციით იცვლება. ყველაზე მთავარი, უკვე განვითარებული დასავლეთის ქვე­ყნები ცდილობენ დემოკრატიულ სამყაროს არ დააკარგვინონ ტერიტორიულად პატარა, მაგრამ საუკეთესო ხალხის ქვეყანა, საქართველო. 2008 წლის ომი. რუსეთის მიერ საქართველოს ტერიტორიაზე ბრძოლის რამდენიმე დღე... ესეც საშინელი განსაცდელი.
ქვეყნის საშინაო პოლიტიკაში წინა ხელისუფლების შეცდომები. ესეც საშ­ინელი განსაცდელი. 2011 წელი, სა­შინელი ძალადობა და ჩახშობა ხალხის პროტესტის. მშვიდობიანი მოსახლეობის მიტინგის დარბევა. ყველაზე მეტად დამწყდა გული, ყველაზე მე­ტად არ მინდოდა იმედების გაცრუება, ესეც განსაცდელი. რაც დასრულდა წინა ხელისუფლების ცვლი­­­ლე­ბით. კვლავ იმედები, ,,ქართული ოცნების" ხელისუ­ფ­ლებაში მო­სვლის წინ­ა­საარჩევნო დაპირებების კორიანტელი, რო­მე­ლიც ვთვლი, რომ არ შეს­რუ­ლე­ბულა.
დასავლელი პარტნიორების ინტერესი გაზრდილიყო მეგობრული ურთიერთობა ჩვენს ქვეყანასთან, დაგვხმარებოდნენ მაღალი პასუხიმგებლობის სამოქალაქო დემოკრატიული ღირებულებების მქონე საზოგადოებად ჩამოყალიბებაში, რაც ნიშნავს დამოუკიდებელ სასამართლოს, ინსტიტუციების გაძლიერებას მათ დახმარების გაწევის მოტივაციას უქმნიდა. ჩვენი მეგობარი ქვეყნების, უპირველესად ამერიკის პარტნიორული ხელი და ურთიერთობა ძალიან განსხვავდება ავ­ტო­რიტარული რუსეთის სურვილისგან. დასავლეთის ქვეყნები ვალს დაიბრუნებს სასამართლოს უზენაესობის მიღწევით. ვალს დაიბრუნებს კოალიციური მმარ­თველობის არჩევანის მიღწევით. თავის­უფალი და დემოკრატიული არჩევნების ჩატარების მიღწევით.
მეტნაკლებად შევეცადე განსხვავება გა­დმომეცა ყოფილ ავტორიტარ ,,პატ­რონ” რუსეთსა და დემოკრატ მეგობარ ქვეყნებს შორის.
საქართველოს მთავარ ამოცანად რჩება ქვეყნის სუვერენიტეტის განმტკიცება და ტერიტორიული მთლიანობის აღდგენა. უკვე მეათე წელია ,,ქართული ოცნება" ხელისუფლებაშია, მოსახლეობა უკიდურესად გაჭირვებულია. სიღარიბის ზღვარს მიღმა მათი რიცხვი იზრდება. 
საშუალო ფენა წაიშალა, სამაგიეროდ პარლამენტში გვყავს მილიონერი დეპუტატები, რომლებიც უმრავლესობას წარმოადგენენ და საკანონმდებლო მუშაობა ხალხის პრობლემებზე არაა ორიენტირებული. სრული კრახია საგარეო ურთი­ერთობის კუთხითაც. სრული სიჩუმე, შეფარული ნაბიჯები, უმეტესად ოკუპანტი ქვეყნის და მათი მამა-მარჩენალის მაამებელი. დღევანდელ ხელისუფალთ რაც კარგი აქვთ და ვერ წაართმევ, ესაა საკუთარი ქონების დაგროვება ხალხის ფულის ხარჯზე. ესეც საშინელი განსაცდელი და აუცილებლად ვადამდელი არჩევნებით გადასაგორებელი.
_ ომი უკრაინაში, მოლოდინები, რა იქნება ხვალ?
_ დღეს ომია უკრაინაში. რუსეთი შეიჭრა უკრაინის ტერიტორიაზე და მშვიდობიან მოსახლეობას ხოცავს; კლავს ბავშვებს, ქალებს. ესვრის ავადმყოფებს, ორსულებს. ანადგურებს კორპუსებს, ღირსშესანიშნავ და ისტორიულ ძეგლებს. რუსეთი ოკუპანტია. პუტინი მკვლელი და ჯალათია. ამ ბრძოლაში ის უკვე დამარცხებულია. იმარჯვებს უკ­რაინა და ვიმარჯვებთ ჩვენც. დიდება უკრაინას! დიდება გმირ თავისუფლების მოყვარე ერს! ის იქნება ევროპის დომინანტი ქვეყანა!
_სად არის ამ ბრძოლაში ჩვენი ქვეყანა? 
_ ამისთვის ხელისუფლების ნაცვლად იზრუნა ჩვენი ქვეყნის საუკეთესო ნაწილმა, ჩვენმა მომავალმა, ახალგაზრდობამ. სამოქალაქო აქტივისტებმა და ოპოზიციურმა პარტიებმა. შეიძლება ითქვას, სხვა გამოსავალი არ დაუტოვეს ხელისუფლებას, ვიდრე ევროკავშირში შესვლისთვის მიემართათ. განაცხადი ამ წევრობისათვის მართლაც შანსია, ამ ძნელბედობის ჟამს. ჩვენი ქვეყნის ევროპული ქოლგის ქვეშ ყოფნა უსაფრთხოების გარანტიაა.
საქრთველოს მოსახლეობამ მსოფლიოს და უპირველესად უკრაინას აჩვენა მხარდაჭერისა და შესაძლო: მოხალისეობრივი და ჰუმანიტარული დახმარების უპრეცედენტო მაგალითები. 
საქრთველო საბოლოოდ დაიკავებს თავის ადგილს ევროპულ გაერთიანებაში, ამაში ღრმად ვარ დარწმუნებული, რისთვისაც დიდი შრომაა გასაწევი.