სახელმწიფო ინსპექტორის სამსახურის ყოფილი უფროსი, არასამთავრობო ორგანიზაცია „კანონის უზენაესობის ცენტრის” დირექტორ ლონდა თოლორაია „ბათუმელებისა“ და „ნეტგაზეთის“ დამფუძნებელისა და დირექტორის, მზია ამაღლობელისთვის აღკვეთის ღონისძიების სახით პატიმრობის შეუფარდებას ეხმაურება.
💬 „მზია ამაღლობელის მიერ სილის გაწვნა  არც პოლიციელზე თავდასხმაა და არც პატიმრობის გამოყენბის საფუძვე იყო სახეზე" რატომ?  მას ედავებიან სისხლის სამართლის კოდექსის იმ მუხლს, რომელიც ითვალისწინებს პოლიციელზე თავდასხმას მის სამსახულირებრივ საქმიანობასთან დაკავშირებით. სილის გაწვნა არაა თავდასხმა. თავდასხმა გაცილებით მასშტაბური რამეა, ვიდრე სილის გაწვნა (თავდასხმა იქნებოდა იარაღით, დანით, ჯგუფურად  ან სხვა უფრო საშიში ინტენსიური მეთოდების გამოყენებით ძალადობა); 
 ეს მუხლი, რომელსაც მზია ამაღლობელს ედავებიან, სისხლის სამართლის კოდექსში იმიტომ გაჩნდა, რომ განსაკუთრებულად დაეცვა კანონის დამცველი პირები. დღეს ჩვენ გვაქვს მოცემულობა, როცა ეს სიტემა აღარაა კანონდამცველი. ამ ინციდენტამდე, ამავე დღეს, პოლიციამ უკანონოდ დააკავა მზია ამაღლობელი. აღარაფერს ვამბობ იმ სისტემურ ძალადობაზე, უკანონო დაკავებებზე, რასაც ჩვენ 28 ნოემბრის შემდეგ ვხედავთ. ამიტომ, თქმა იმისი, რომ ეს ხალხი მის სამსახურებრივ მოვალეობას ახორციელებდა, არასწორია. პოლიციელის სამსახურებრივი მოვალეობა არაა უკანონო დაკავება, უკანონო ბრძანებების გაცემა, მოქალაქეთა ლანძღვა-გინება მაშინაც კი, თუ მას აგინებენ (დიახ, თმენის ვალდებულება აქვთ, ხოლო უკანონობის შემთხვევაში, კანონიერად დაკავების უფლება); 
 მაქსიმუმ რითიც შეიძლება საგამოძიებო უწყება მას ედავებოდეს ეს არის 126-ე მუხლი (ძალადობა), ისიც იმ შემთხვევაში, თუ დაზარალებულმა ტკივილი განიცადა. ეს დანაშაული მაქსიმუმ ერთ წლამდე თავისუფლების აღკვეთას ითვალისწინებს (და მასზე პატიმრობა ფაქტობრივად არ გამოიყენება), ხოლო არარსებული თავდასხმა, რასაც ახლა ედავებიან მზია ამაღლობელს, 4-დან 7 წლამდე თავისუფლების აღკვეთას ითვალისწინებს. რა იყო ამ ხელოვნური, მძიმე ბრალდების მიზანი? - მისთვის პატიმრობის შეფარდება და საზოგადოებისთვის იმის ჩვენება როგორ ,,ისჯება” ყველა განსხვავებული აზრის მქონე პირი....“