3 დეკემბერს, ლანჩხუ­თ­ის მუნიციპალიტეტის ახ­ა­ლი მოწვევის საკრებულოს პირველი სხდომა გა­­იმართა. 
27 წევრიანი ახალი სა­კრებულო ძველი და ახ­ალი სახეებით უკვე შეი­კრიბა, სადაც 2 ოქტო­მბრის არჩევნების შედე­გად ,,ქართული ოცნება“ 20 მანდატს ფლობს,  4 მანდატი ხვდა წილად  ,,ერთიან ნაციონალურ მო­ძ­რაობას“; ორი მანდატი აქვს გახარიას პარტიას ,,საქართველოსათვის“; ერთი მანდატი კი პარტია ,,ლე­ლოს’’ ერგო.  
სხდომას  რეპლიკები და ფრთ­ი­ანი გამონათქვამები არ მოჰკლებია. მაგალითად: ,,კრება იყო მხიარული’’; ,,ბრეჟნევის ხანაში მგონია თავი“; ,,წერეთელმა დაგვიბარა...“; ,,რა მბავია ამდენი მოადგილე ხელისმოსაკიდი ადგილი აღარ დარჩა“, ,,პრემიერა აწი იქნება...’’  და ა.შ. 
ნათქვამია, ხე ნაყოფით იცნო­ბაო და იქნება თუ არა ეს სხდომა ისტორიული,  მომავალი გვი­ჩვენებს. იქამდე, ის შეიძლება დავასკვნათ, რომ დემოკრატიამ ლანჩხუთში ორი თვალით თუ არა, ცალი თვალით მაინც ხომ შამეიჭიტინა, ამის ნათელი მა­გალითია ის, რომ მმრთველ პარტიას ლანჩხუთის საკრებუ­ლოში რიცხოვნულად ,,პარადი“ მიჰყავს, თუმცა ჰყავს მცირერიცხოვანი, მაგრამ აქტიური ოპოზიცია. აღსანიშნავია ისიც, რომ სხდომაზე ,,ნაციონალური მოძ­რაობის“ წევრები ქალაქ ბათუმის საკრებულოს აწ გარდაცვლილი  ოპ­ოზიციონერი წევრის, ნუგზარ ფუტკარაძის ფოტოებით მოვიდნენ. გარდა ამისა, მათ შემოიტანეს პლაკატი წარწერით: ,,თავისუ­ფლება მი­შას!“ ასევე ,,საფინანსო-საბიუჯეტო“ კო­მისიის თავმჯდომარედ ფრა­ქციის სახ­ელით დასახელდა ყოფილი გამგებელი, ნაციონალური მოძრაობის წევრი, გიორგი გოგუაძე, თუმცა არც არაფერი ყოფილა ამაში გასაკვირი რომ ეს წინადადება არ გავიდა.
 დავუბრუნდეთ  კვლავ სხდომას, კან­ონმდებლობით დადგენილი წესით, დარეგისტრირდა სამი ფრაქცია: „ქართული ოც­ნება დემოკრატიული საქართველო“ - თავმჯდომარე ია მოქია; მოადილეები: ვლა­­დიმერ ნანაძე, კარლო წილოსანი, ლო­ლიტა ურუშაძე, ნინო მშვიდობაძე, გოგი მორჩილაძე, სპარტაკ კვაჭაძე; მდივანი კარლო კვიტაიშვილი; ფრაქცის- ,,ერ­თიანი ნაციონალური მოძრაობა“ - თავმჯდომარე კახაბერ ასკურავა, მოადგილე გიორგი გოგუაძე, მდივანი ირმა მგელაძე, წევრი გივი ცინცაძე; ფრაქცია „ლანჩხუთი საქართველოსთვის“ - თა­ვმჯდომარე მაკა მშვიდობაძე; მოადგილე გოჩა ჯანაშია, წევრი ჯუმბერ ბლაგიძე.
რაც შეეხება გულისწყრომას, 25 ნოემბრის ბოლო მოწვევის საკრებულოს სხდომაზე ახალი ბიუჯეტის დამტკიცების შესახებ,  ეს საკითხი კვლავ გააჟღერა ენმ-ს წევრმა ირმა მგელაძემ: ,,არასოდეს არ ყოფილა ის, რომ ბიუჯეტი დამტკიცებულიყო ნოემბრის თვეში. გასაგებია, ქვეყნის მასშტაბით რაც ხდება და რატომაც ჩქარობდნენ სხვადასხვა მუნიციპალიტე­ტებში ბიუჯეტის დამტკიცებას, მაგრამ თქვენ ეს პრობლემა არანაირად არ გე­დგათ. რატომ იჩქარეთ, რატომ წა­გ­ვა­რ­თვით ჩვენ ის რაღაც ელემენტარული უფლებამოსილება, არ გვეცით პატივი არა მარტო ოპოზიციას, არამედ თქვენს ახალ წევრებსაც, რომლებიც აზრზე არ არიან ახლა რა გაქვთ მი­ღე­ბული“ - თქვა მან და ისიც აღნიშნა, რომ ოპოზიციის მაშინდელი ქმედება, როგორც უმრვლესობის წევრმა გიორგი ჩახვაძემ უწოდა, დადგმული სპექტაკლი არ იყო, ხოლო ახლა რაც მოხდება, ის არის პრემიერა სპექტაკლის, სადაც ყველას თავისი როლი აქვს და ყველამ იცის რა უნდა თქვას.
ფრააქცია ნა­ციონალ­უ­რი მოძრააობის სახელით ლნჩხუთის ექსგამგებლმა გიორგი გოგუაძემ განა­ცხა­და, რომ 2022 წლის ბიუჯეტს, რომლის განხი­ლვაში ახალ საკრებულოს მონაწილეობა არ მიუღია, ფრაქციის სხდომაზე ერთი თვის ვადაში განიხილავენ  იმ შენი­შვ­ნე­ბით, რაც ამ დოკუმე­ნტს აკლია.
ერთ-ერთი მთავარი სა­კითხი გახლდათ საკ­რ­ე­ბულოს  თავმჯდომ­არ­ის არ­ჩევა. დასახელებულიი იყო ორი კანდიდატი.  ,,ქართული ოცნებიდან“ საკრებულოს ყო­ფ­ილი თავკაცი ბესიკ ტაბიძე, ხოლო ფრაქცია ,,ლანჩხუთი საქართველოსათვის“ სახელ­ით ჯუმბერ ბლაგიძე. საბო­ლო­ოდ 18 ხმით 3-ის წინა­აღმდეგ საკრებულოს თავ­მჯდო­მარე ბესიკ ტაბიძე მეორედ გახდა. ნაციონალურ მოძრაობას არც ერთ კენჭის­ყრაში მონაწილეობა არ მიუღია.
საკრებულოს ახლადარ­ჩე­ული თავმჯ­დო­მარის პირ­ველ მოადგილედ აირჩიეს   ემზარ თევდორაძე, ხოლო მე­ორე  და მესამე მოადგილეები ვერიკო კვირკველია და გიორგი ჩა­ხვაძე გახდნენ. სამივე მათ­განი პარტია ,,ქა­რ­თული ოც­ნების“ წევრია.
რაც შეეხება კომისიებს, ხუთი მუდმივმოქმედი კომისიის  თავმჯდომარეები გახდნენ:  იურიდიულ საკითხთა და ეთიკის კომისია - გიორგი ხელაძე; საფინანსო-საბიუ­ჯე­­ტო კომისია - ალექსანდრე მახათაძე; სივრცით-ტერი­ტო­­რიული დაგ­ეგმარებისა და ინფრასტრუქტურის კო­მისია - გიორგი იმნაიშვილი;  ეკონომ­იკის, ქონების მართ­ვისა და ბუნებრივი რესურსების საკი­თხთა კომისია-ზაზა წულაძე;  სოციალურ საკითხთა, განათ­ლე­ბის, კულტურისა და ახალგაზრდულ საქმეთა კომისია - კარლო კვიტაიშვილი; 
დასასრულს ერთი რამ კი შეიძლება ხაზგასმით აღვნიშნოთ, რომ კიდევ ერთი ახალი ეტაპი ჩვენი მუნიციპალიტეტის ცხოვრებაში დაიწყო, რომლის შემფას­ებელი კვლავაც იქნებიან  ჯერ კიდევ არშემდგარი ქვეყნის, ღარიბი რეგიონის და კიდევ უფრო მწირშემოსავლიანი  რაიონის მაცხოვრებლები, რომლებიც ახლა მჟუტავი იმედის თვალით შესცქერიან ამ ახალი მოწვევის ადგილობრივ ხელისუფლებას და სულ ოდნავ ერთი ნაბიჯით წინ თუ წავალთ გაკეთებული საქმეებით, არ  შეიძლება ეს ჩვენმა ხალხმა არ იგ­რძნოს.