აშშ-ის არჩეულმა პრეზიდენტმა, ჯო ბაიდენმა 1.9 ტრილიონი დოლარის ღირებულების ეკონომიკის სტიმულირების გეგმა წარადგინა.
ჯო ბაიდენის სტრატეგია სახელწოდებით „ამერიკის გადარჩენის გეგმა“ ვაქცინაციის პროცესის დაჩქარებას, ეკონომიკის გამოცოცხლებასა და სკოლების გახსნას ითვალისწინებს.
„აშშ-ს სასწრაფო დახმარება სჭირდება, ხოლო ის სარგებელი, რომელსაც ამ გეგმის განხორციელებით მივიღებთ, დანახარჯებს აღემატება“, – აღნიშნა ჯო ბაიდენმა.
კონგრესის მიერ დამტკიცების შემთხვევაში, ფინანსური პაკეტის ფარგლებში აშშ-ის თითოეული მოქალაქე 1 400 დოლარს მიიღებს, რისთვისაც, საერთო ჯამში 1 ტრილიონი დოლარია გამოყოფილი.
გარდა ამისა, კორონავირუსის საწინააღმდეგო ვაქცინაციის პროგრამას 415 მილიარდი დოლარი, ხოლო მცირე ბიზნესის მხარდაჭერას 440 მილიარდი დოლარი მოხმარდება.
უმუშევარი პირები კი ყოველკვირეულად 400 დოლარს მიიღებენ.