16 დეკემბერს გამართულ ლანჩხ­უთის მუნიციპალიტეტის საკრებულოს რიგგარეშე სხდომაზე, რომელიც მერის წინადადების სა­ფუძველზე გაიმართა, ურთიერთდა­პი­რისპ­ირების საგანი სტიქიით და­ზარალებული ოჯ­ახებისათვის სა­ცხ­ოვრებელი სახ­ლების გადახურ­ვის თემა გახდა. ოპოზიცია ამტკი­ცებდა, რომ წინაა­საარჩევნოდ სტიქ­იით დაზარალებულ მოსახლეობას საცხოვრებელი სახლის გადახურ­ვისა­თვის გაწეული დახმარ­ება (თუნუქის ფურცლების გამოყოფა) პოლიტიკური ვაჭრობის საგანი იყო, რადგან დაზარ­ალ­ებ­ულთა შე­რ­ჩევა მოხდა პოლიტიკ­უ­რი ნიშნით, რასაც უმრვლესობა კატ­ეგორიულად უარყოფდა. სხდომას საკრებულოს თავმჯდო­მარე ბესიკ ტაბიძე უძღვებოდა.საკრებულოს რიგგარეშე სხდო­მის დღის წესრიგი ერთი საკ­ითხისგან შედგებოდა. „ლანჩხუთის მუნიციპალიტეტის 2021 წლის ბიუჯეტის დამტკიცების შესახებ“ ლანჩხუთის მუნიციპალიტეტის საკრებულოს 2020 წლის 25 დეკემბრის N21 და­დგე­ნილებაში აღნიშნული ცვლი­ლ­ება საკრებულოს წევრებს საფინანსო-საბიუჯეტო სამსახურის  უფრ­ოსმა როლანდ ლაშხიამ გააცნო.
,,სტიქიის შედეგების სალიკვიდაციო ღონისძიებების განხორციე­ლების თაობაზე  საქართველოს მთ­ავ­რობის 2021  წლის 11 მარტის N33 განკარგულებაში საქართ­ველოს მთავრობის მიმდინარე წლის 10 ნოემბრის N1985 განკა­რგულებით  შე­სული ცვლილებით ლა­ნჩხუთის მუნიციპლიტეტს  სტი­ქიური მოვ­ლ­­ენების შედეგების სალიკვიდაციო ღონისძიებების გან­ხორციელების მიზნით დამატებით გამოეყო 85 0000. აქედან: აცანის ადმინისტრ­აციული შენობის სახურავის რეა­ბილიტაციაზე უნდა მიიმართოს 127104 ლარი, სუფსის კულტურის სახლის სახურავის რეაბილიტა­ცი­ისათვის - 89967 ლა­რი. გზების მოხრეშვასა და სასტუმრო ლაშთ­ანთან წყლის კოლექტორის მოწ­ყობაზე მიიმართოს 209952 ლარი. მრავალბინიანი სახლის და საცხოვრებელი სახლების სახურავის მას­­ალების შეძენაზე და სუფსის ადმ­ინისტრაციულ ერთეულში სტი­ქიის შედეგად დამწვარი სახლის რეაბილიტაციაზე მიიმართოს 422­977 ლარი.’’
სტიქიის სალიკვიდაციო სამუშაო­ებისათვის გამოყოფილ თანხებთან მიმართებაში ოპოზიციას გარკ­ვე­ული შენიშვნები ჰქონდა.
აღნიშნულ თანხაში არ არის გათვალისწინებული სტიიქიის ყვ­ელა შემთხვევა რაც მოხდა, აღნიშნა ჯუმბერ ბლაგიძემ (ფრაქცია ,,საქ­ართველოსათვის“)მან ჩამოთვალა ის ქუჩები და ტერიტორიები, სადაც სტიქიამ დააზიანა საცხოვრებელი სახლები და ასევე გზები, რომლებიც საჭიროებს მოწესრიგებას, ხოლო ისინი ამ ნუსხაში არ მოხვდნენ.
ნაციონალური მოძრაობის წევრმა, გიორგი გოგუაძემ თქვა, რომ  სტ­იქიას სჭირდება დროულად  და ეფექტურად აღმოფხვრა, უკან მიდევნებულ ლამპარს ჰგავს სექტემ­ბერში მომხდარ სტიქიაზე ახლა 850 ათასი ლარის გამოყოფა, მას მიაჩნია, რომ სექტემბერში მომხდარი სტიქიისთვის ახლა თანხის გამოყოფა დაგვიანებულია, ხოლო სახურავების თემა კი მთლიანად პოლიტიკის ნაწილია. ოპოზიცია იმუ­შავებს იმის გარკვევაზე  თუ რა კატეგორიის ადამიანებს გაეწიათ დახმარება.
,,იმ ფონზე, როცა ადამიანებს ორ­ჯერ გაუძვირდათ ცხოვრება, 80%-ს  გაყიდული აქვს ეს თქვენ მიერ მიცემული სახურავი“, _ თქვა მან. უმრავლესობის წევრმა კახა კვი­ტა­იშვილმა განაცხადა, რომ სტიქიით დაზარალებულთ მოსახლეობის პო­ლიტიკური ნიშნით შერჩევა და მათთვის სახურავების გამოყოფა არ მომხდარა,  მას შეუძლია დიდი სია­მაყით განაცხადოს, რომ არანაირი  ნიშნით არ ყოფილა  ადამიანების გა­რჩევა და თუ რაიმე ჯგუფს შექ­მნის ოპოზიცია ამ ყველაფრის და­სადასტურებლად თავადაც ჩაერთ­ვება.
უმრავლესობის მხრიდან კონკრეტული სახელი და გვარები დასახელდა, ვისაც სტიქიამ სახლის სახურავები დაუზიანა და დახმარება გაეწიათ, მათი თქმით, ამ ნუსხაში   ერთი სახელი და გვარის პოვნაც კი არ შეიძლება, ვინაც  პოლიტიკური ნიშნით მიიღო აღნიშ­ნული დახმარება. პარალელურად  კონკრეტული სახელი და გვარები დაასახელა ოპოზიციამაც, ვისაც სწორედ პოლიტიკური ნიშნით არ გაეწია დახმარება.
დასახელდა, სოფელ ქვიანის მკვ­იდრი, ალექსანდრე ჯინჭარაძე, ლანჩხუთში ქალაქის მაცხოვრებელი, ზურიკო ებრალიძე და აღი­ნიშნა, რომ  მსგავსი სახელი და გვ­არი ძალიან ბევრია, ვისი სახლიც დაზიანდა სტიქიისაგან, ხოლო დახმარება არ გაეწია. ასევე კომიისიის შექმნაზე ისაუბრა ენმ-ს წევრმა კახა ასკურავამ განაცხადა: თქვენს ადგილას რომ ვიყო, შევქმნიდი კომისიას, სადაც ოპოზიციის წარმომადგენლებსაც შევიყვანდი და  თითოეულად განვიხილავდი ყველა ოჯახს. როცა ოპოზიციაც აიღებდა პასუხისმგებლობას იმ ადამიანებზე, ეს თემაც სალაპარაკო აღარ იქნებოდა“
ის რომ სახურავების თემა გარ­კვეული მითქმა-მოთქმის საგანია და წინასაარჩევნოდ ამომრჩევლზე ზემ­ოქმედების მიზეზადაც მიიჩნევა, დეპუტატმა,  პარტია ,,ლელოს“ წევ­რმა გოჩა ჯანაშიამაც აღნიშნა, მან თქვა, რომ არაერთხელ გაისმა ამასთან დაკავშირებით შენიშვნები, ხომ არ აჯობებს, რომ მეტი გამჭირვ­ალე­ობისათვის შეიქმნას სპეციალური კომისია, სადაც ოპოზიციაც იქნება წარმოდგენილი, თუმცა რადგან კერძო საკუთრებასთან გვაქვს სა­ქმე, ეს საკითხი მაინც რჩება წინ­აასაარჩევნო მოსყიდვის მცდელ­ობად.