გამონაკლისია ორი ოლქი: ხაშურის #43 მაჟორიტარული ოლქი, სადაც `თოფაძე - მრეწველების~ კანდიდატი სიმონ ნოზაძე ლიდერობს და თბილისში, მთაწმინდის #1 მაჟორიტარული ოლქი, სადაც, წინასწარი მონაცემებით, დამოუკიდებელმა კანდიდატმა სალომე ზურაბიშვილმა გაიმარჯვა. აღსანიშნავია, რომ მთაწმინდის #1 საარჩევნო ოლქში `ქართულ ოცნებას~ კანდიდატი არ ჰყავდა. საპარლამენტო არჩევნების მეორე ტური 50 მაჟორიტარულ ოლქში გაიმართა, აქედან თბილისის - 18 და რეგიონების 32 ოლქში. არჩევნების მეორე ტური ყველა იმ ოლქში დაინიშნა, სადაც კანდიდატმა საარჩევნო კოდექსით განსაზღვრული 50%-იანი ბარიერის გადალახვა ვერ შეძლო. ცენტრალური საარჩევნო კომისიის მიერ ამ დროისთვის შეჯამებული მონაცემების მიხედვით, პარლამენტის მაჟორიტარული არჩევნების მეორე ტურის შედეგები შემდეგნაირად გადანაწილდა: მთაწმინდის #1 მაჟორიტარული ოლქი: ნიკა რურუა (ნაციონალური მოძრაობა) – 32,42% და სალომე ზურაბიშვილი (დამოუკიდებელი კანდიდატი) – 67,58%. ვაკის #2 მაჟორიტარული ოლქი: ელენე ხოშტარია (ნაციონალური მოძრაობა) – 24,48% და ბიძინა გეგიძე (ქართული ოცნება) - 75,52%. საბურთალოს #6 მაჟორიტარული ოლქი: სევდია უგრეხელიძე (ნაციონალური მოძრაობა) – 20,73% და ლევან გოგიჩაიშვილი (ქართული ოცნება) – 79,27%. კრწანისის #7 მაჟორიტარული ოლქი: ირაკლი აბესაძე (ნაციონალური მოძრაობა) – 27,1% და ბექა ოდიშარია (ქართული ოცნება) - 72,9%. ისნის #8 მაჟორიტარული ოლქი: გიორგი ონიანი (ნაციონალური მოძრაობა) – 25% და ირაკლი აბუსერიძე (ქართული ოცნება) - 75%. ისნის #9 მაჟორიტარული ოლქი: ბესიკ კვიციანი (ნაციონალური მოძრაობა) – 25,39% და დავით ჭიჭინაძე (ქართული ოცნება) - 74,61%. ისნის #10 მაჟორიტარული ოლქი: ზაზა კედელაშვილი (ნაციონალური მოძრაობა) – 26,4% და ბექა ნაცვლიშვილი (ქართული ოცნება) – 73,6%. სამგორის #11 მაჟორიტარულ ოლქი: ირაკლი ნადირაძე (ნაციონალური მოძრაობა) – 26,64% და გიორგი მოსიძე (ქართული ოცნება) - 73,36%. სამგორის #12 მაჟორიტარული ოლქი: დათო ჟღენტი (ნაციონალური მოძრაობა) – 29,6% და მარიამ ჯაში (ქართული ოცნება) – 70,4%. სამგორის #13 მაჟორიტარული ოლქი: გიორგი ხახნელიძე (ნაციონალური მოძრაობა) – 24,07% და შოთა ხაბარელი (ქართული ოცნება) - 75,93%. დიდუბის #15 მაჟორიტარული ოლქი: დავით ნაფეტვარიძე (ნაციონალური მოძრაობა) – 23,94% და ზაზა პაპუაშვილი - 76,06%. დიდუბის #16 მაჟორიტარული ოლქი: ირაკლი დვალი (ნაციონალური მოძრაობა) – 23,3% და ივლიანე წულაია (ქართული ოცნება) - 76,7%. ნაძალადევის #17 მაჟორიტარული ოლქი: მურმან თხელიძე (ნაციონალური მოძრაობა) – 22,47% და სოფიო კილაძე (ქართული ოცნება) – 77,53%. ნაძალადევის #18 მაჟორიტარული ოლქი: მამუკა გუგეშაშვილი (ნაციონალური მოძრაობა) – 26,84% და მიხეილ ყაველაშვილი (ქართული ოცნება) - 73,16%. ნაძალადევის #19 მაჟორიტარული ოლქი: ლერი დემეტრაშვილი (ნაციონალური მოძრაობა) – 29,01% და ზაზა გაბუნია (ქართული ოცნება) -70,99%. გლდანის #20 მაჟორიტარული ოლქი: ალექსანდრე ჩაფიჩაძე (ნაციონალური მოძრაობა) – 28,32% და კობა კობალაძე (ქართული ოცნება) -71,68%. გლდანის #21 მაჟორიტარული ოლქი: სერგო რატიანი (ნაციონალური მოძრაობა) – 30,25% და ლევან კობიაშვილი (ქართული ოცნება) -69,75%. გლდანის #22 მაჟორიტარული ოლქი: გიორგი ბარამიძე (ნაციონალური მოძრაობა) – 26,96% და ლევან კობერიძე (ქართული ოცნება) – 73,04%. საგარეჯოს #23 მაჟორიტარული ოლქი: ზურაბ ჭიაბერაშვილი (ნაციონალური მოძრაობა) – 20,82% და რომან მუჩიაშვილი (ქართული ოცნება) - 79,18%. გურჯაანის #24 მაჟორიტარული ოლქი: გიორგი ღვინიაშვილი (ნაციონალური მოძრაობა) – 21,46% და დავით სონღულაშვილი (ქართული ოცნება) - 78,54%. ლაგოდეხის #26 მაჟორიტარული ოლქი: გურამ კაკალაშვილი (ნაციონალური მოძრაობა) – 24,43% და გურამ მაჭარაშვილი (ქართული ოცნება) – 75,57%. თელავის #27 მაჟორიტარული ოლქი: გიორგი ბოტკოველი (ნაციონალური მოძრაობა) – 30,54% და ირაკლი სესიაშვილი (ქართული ოცნება) - 69,46%. ახმეტის #28 მაჟორიტარული ოლქი: შაქრო ტერტერაშვილი (ნაციონალური მოძრაობა) – 26,17% და გელა სამხარაული (ქართული ოცნება) - 73,83%. რუსთავის #29 მაჟორიტარული ოლქი: მამუკა ჩიქოვანი (ნაციონალური მოძრაობა) 27,75% და პაატა მხეიძე (ქართული ოცნება) - 72,25%. რუსთავის #30 მაჟორიტარული ოლქი: დავით კირკიტაძე (ნაციონალური მოძრაობა) – 32,43% და გიორგი ბეგაძე (ქართული ოცნება) -67,57%. მარნეულის #36 მაჟორიტარული ოლქი: აკმამედ იმამკულიევი (ნაციონალური მოძრაობა) – 27,85% და თამაზ ნავერიანი (ქართული ოცნება) – 72,15%. მცხეთის #37 მაჟორიტარული ოლქი: დიმიტრი ხუნდაძე (ქართული ოცნება) – 50,11% და ცეზარ ჩოჩელი (დამოუკიდებელი კანდიდატი) – 49,89%. კასპის #39 მაჟორიტარული ოლქი: ნუგზარ ნონიაშვილი (ნაციონალური მოძრაობა) – 24,04% და ირაკლი მეზურნიშვილი (ქართული ოცნება) - 75,96%. გორის #41 მაჟორიტარული ოლქი: ირაკლი ალასანია (თავისუფალი დემოკრატები) – 15,14% და იოსებ მაკრახიძე (ქართული ოცნება) - 84,86%. გორის #42 მაჟორიტარული ოლქი: ბადრი ბასიშვილი (ნაციონალური მოძრაობა) – 26,08% და თენგიზ ხუბულური (ქართული ოცნება) – 73,92%. ხაშურის #43 მაჟორიტარული ოლქი: სიმონ ნოზაძე (თოფაძე-მრეწველები) – 61,55% და ვალერი გელაშვილი (ქართული ოცნება) – 38,45%. ახალციხის #44 მაჟორიტარული ოლქი: ვაჟა ჩიტიშვილი (ნაციონალური მოძრაობა) 30,17% და გიორგი კოპაძე (ქართული ოცნება) – 69,83%. ქუთაისის #47 მაჟორიტარული ოლქი: გიორგი თევდორაძე (ნაციონალური მოძრაობა) – 30,84% და გენადი მარგველაშვილი (ქართული ოცნება) – 69,16%. ქუთაისის #48 მაჟორიტარული ოლქი: აკაკი ბობოხიძე (ნაციონალური მოძრაობა) – 24,71% და დიმიტრი მხეიძე (ქართული ოცნება) – 75,29%. ქუთაისის #49 მაჟორიტარული ოლქი: გიორგი წერეთელი (ნაციონალური მოძრაობა) – 32,67% და კობა ნარჩემაშვილი (ქართული ოცნება) – 67,33%. ბაღდათის #51 მაჟორიტარული ოლქი: გიორგი რობაქიძე (ნაციონალური მოძრაობა) – 27,19% და კობა ლურსმანაშვილი (ქართული ოცნება) -72,81%. ზესტაფონის #52 მაჟორიტარული ოლქი: ბეჟან ბუცხრიკიძე (ნაციონალური მოძრაობა) – 21,37% და შალვა კიკნაველიძე (ქართული ოცნება) – 78,63%. ჭიათურის #56 მაჟორიტარული ოლქი: თეიმურაზ გაფრინდაშვილი (თავისუფალი დემოკრატები) – 36,06% და სულხან მახათაძე (ქართული ოცნება) – 63,94%. ლანჩხუთი #60 მაჟორიტარული ოლქი: ნინო წილოსანი (ქართული ოცნება) – 74,76% და აკაკი ჩხაიძე (დამოუკიდებელი კანდიდატი) – 25,24%. ფოთის #61 მაჟორიტარული ოლქი: ბექა ბასილაია (ნაციონალური მოძრაობა) – 24,47% და ირაკლი ხახუბია (ქართული ოცნება) – 75,53%. სენაკის #63 მაჟორიტარული ოლქი: კობა ნაყოფია (ნაციონალური მოძრაობა) – 24,7% და ირაკლი ბერაია (ქართული ოცნება) – 75,3%. ხობის #64 მაჟორიტარული ოლქი: მამუკა ჭოხონელიძე (ნაციონალური მოძრაობა) – 29,3% და ირაკლი ბერაია (ქართული ოცნება) – 70,7%. ზუგდიდის #65 მაჟორიტარული ოლქი: ლევან კონჯარია (ნაციონალური მოძრაობა) – 29,83% და მერაბ ქვარაია (ქართული ოცნება) – 70,17%. ზუგდიდის #66 მაჟორიტარული ოლქი: სანდრა ელისაბედ რულოვსი (ნაციონალური მოძრაობა) – 28,91% და ედიშერ თოლორაია (ქართული ოცნება) – 71,09%. წალენჯიხის #67 მაჟორიტარული ოლქი: ლევან ქარდავა (ნაციონალური მოძრაობა) – 31,44% და გოგა გულორდავა (ქართული ოცნება) – 68,56%. ბათუმის #68 მაჟორიტარული ოლქი: მირდატ ქამადაძე (ნაციონალური მოძრაობა) – 32,39% და ფატი ხალვაში (ქართული ოცნება) – 67,61%. ბათუმის #69 მაჟორიტარული ოლქი: გიორგი კირთაძე (ნაციონალური მოძრაობა) – 30,56% და ლევან ბეჟანიძე (ქართული ოცნება) – 69,44%. ბათუმის #70 მაჟორიტარული ოლქი: თეიმურაზ დუმბაძე (ნაციონალური მოძრაობა) – 28,36% და მუხრან ვახტანგაძე (ქართული ოცნება) – 71,64%. ქობულეთის #71 მაჟორიტარული ოლქი: ჯანსუღ ჯინჭარაძე (ნაციონალური მოძრაობა) – 28,76% და კობა ნაკაიძე (ქართული ოცნება) – 71,24%. ხელვაჩაურის #72 მაჟორიტარული ოლქი: მიშა ბოლქვაძე (ნაციონალური მოძრაობა) – 27,85% და ილია ნაკაშიძე (ქართული ოცნება) – 72,15%. `ოცნების~ კანდიდატების ასეთი მოგების შემდეგ მმართველმა ძალამ პარლამენტში საკონსტიტუციო უმრავლესობა მიიღო, მას უმაღლეს საკანონმდებლო ორგანოში 115 დეპუტატი ეყოლება. ბოლო დღეების მანძილზე ბევრს საუბრობდნენ საკონსტიტუციო უმრავლესობის დადებით და უარყოფით მხარეებზე. ხელისუფლების წარმომადგენლები გვიმტკიცებდნენ, რომ ეს იმიტომ იყო საჭირო, რათა დაპირებების შესრულება სრულად მომხდარიყო. მისია #1 შესრულებულია. დღეს მოქმედი რეალობიდან გამომდინარე პარლამენტში ბურთიც და მოედანის ერთი პარტიის კუთვნილებაა. მათ უკვე ნებისმიერი კანონის მიღება შეუძლიათ ზედმეტი პოლიტიკური კეკლუცობებისა თუ კოჰაბიტაციების გარეშე, მთავარია მალე არ გავიგონოთ _ რომ ავირჩიეთ, რა გააკეთაო! ეს ფრაზა ბევრისთვის ნაცნობია და უფრო ბევრისთვის იმდენად ახლობელი, რომ ხშირად ექნება ნათქვამი. მოკლედ, საპარლამენტო არჩევნები იმ შედეგებით დასრულდა, რომელიც `ოცნებას~ აწყობდა. პირველი ტურის მონაცემებს თუ გავითვალისწინებთ, შესაძლებელი იყო რამდენიმე ოლქში ოპოზიციის წარმომადგენლებს მიეღწიათ წარმატებისთვის. იგივე მარნეულში, ზუგდიდსა თუ ახალციხეში, სადაც 8 ოქტომბერს ნაციონალების კანდიდატებმა მაღალი შედეგები აჩვენეს. ვაჟა ჩიტაშვილს (ნაციონალური მოძრაობა) 12721 ხმა ჰქონდა, 44,07%. მეორე ტურში მან 8396 ხმა მიიღო, 4000-ზე მეტი ხმით ნაკლები. მარნეულში აკმამედ იმამკულიევმა პირველ ტურში 9645 ხმა მიიღო, 47,91%. მეორე ტურში კი 6372 ხმა ჰქონდა. ზუგდიდში სანდრა რულოვსმა მეორე ტურზე უარი განაცხადა. მიუხედავად ამისა, მას 28%-მა მაინც დაუჭირა მხარი. ახალი პარლამენტის პირველი სხდომა 20 ნოემბრამდე უნდა გაიმართოს. 3 კვირიანი აგიტაცია, არა საკონსტიტუციო უმრავლესობას, სრული კრახით დასრულდა. შესაბამისად, 2008 წლის შემდეგ მეორედ მივიღეთ ის მოცემულობა, რომ ერთ ძალას პარლამენტში დიდი უპირატესობა ექნება. ვინ გახდება მე-9 მოწვევის პარლამენტის თავმჯდომარე ამ ეტაპზე მედიისთვის უცნობია.