„ასე როგორ შეიძლება. ქობულეთში ყველამ კარგად დაინახა, რომ მასპინძელმა მცველმა აშკარად წააქია „გურიას“ ფეხბურთელი საჯარიმოში, მაგრამ რატომღაც ეს ვერ შენიშნა იქვე მდგომმა მსაჯმა. რა თქმა უნდა, შეცდომისგან დაზღვეული არავინაა, მაგრამ იმდენად ახლოს იდგა არბიტრი, რომ მისი ქმედება საეჭვოა. ამას გარდა, მან მეორე ტაიმში აშკარად ტენდეციურად იმსაჯა. ამას ყველა ხედავდა“ _ აცხადებს „გურიის“ წარმომადგენელი. ორშაბათს, ლანჩხუთის გამგებელი, ამავდროულად კლუბის პრეზიდენტი ზაზა ურუშაძე ამ თემაზე საგანმგებო განცხადებას გააკეთებს. კლუბის პრესსამსახური „გურიას“ ფეისბუქის გვერდზე ავრცელებს „შუქურა“-„გურიას“ მატჩის ვიდეოკოლაჟს, სადაც აშკარად ჩანს, რომ 81-ე წუთზე, როცა ანგარიში იყო 1:1, მასპინძლებმა საჯარიმოში აშკარად მოცელეს გია ჩადუნელი, მაგრამ იქვე ახლოს მდგომმა არბიტრმა წესების დარღვევა „ვერ დაინახა“. ცნობისთვის: „შუქურა“-„გურია“ 2:1 დასრულდა.