1912 წელს, თბილისში გამოცემული საოხუნჯო ალმანახიდან ,,ალიაქოთი“
ქე ვიყავით ქვეყანა ყურწაგდებული. რაცხა ძაღლ-ღორობაი, მი­წყობილ-მოწყობილი, ერი და ბე­რი, ცხვარი და მგელი, ყმა და ბატონი, მიწა-პატრონი...დედავ, უცფათაი შეგვიჩ­ხიკინა რაცხა დუ­მაო და ზე არ აგვიფუნგა სას­თ­უმალი?  ხო, ჩემი ბატ­ონი ხარ, გავარდა ხმა: არიქა ბიჭებო, ჩვენი დეპუტატები დუმაშიო! გევი­ხედე თვარა და ჩამეიბრინჯა ოზურგე­თიდან ვინცხა წიონკალაი ტილ­ღვა ფერშალი. ჭკუა ნაშა­ლი, იწყო  ტრა­შალი, დაბზრიალდა მიხაკაი, აძუნ­ძულდა ხარიტონაი, დეიწყეს კარისკარ ჩანჩალი მე­საზანდრესავით-ფედერაცია-ავტ­ონო­მიაო და ასე ამგვარად მოძე­ბნეს მიძებნეს თუ სადმე იყო დემოკრატების მომდურავები, მემ­ამულე მოურავები, ტოლ­მაჩევის ნაფარეშევი, შავ რაზმში ნათა­რე­შევი, ავგულიანები, დიდფული­ანები, ავი და კაი, ზე ჩაგვერაზმენ კუროპატკინის ჯარსავით გოროდ ლანჩხუთში. 
აბა ბიჭებო! თხა თხის ვარესი მგელმა დაქიქნაო, შემოგვძახა ილარიონაის ბიჭმა, თუ არ მომკტარხართ კა მაგენსო. უუუო! უგრილეთ შავ-შავი, შენ ხარ ჩემი ბატონი, იგენის ყუთებში და ვი­ფრონეთ ყველაყაი ჭილ-ყვავ­სავით დაყურყუმალებული, დაგვი­რჩნენ მხოლოდ თოთხმეტში, ორი ვირი  და ჯორი, გასქდაბ კვერ­ცხ­სავით კაკალგულზე თავ­მჯდო­მარე - ვასილაი და დეჯახუნა გულზე ჯიღი- ზურგეთში გიზამთ ჩვენებურსო.


დედავ, წამოვკარი ხელი სატეხ-საკრეფელას თვარა მევიდა პრი­კაზი: უნდა უდურთოთ ოზურგე­თშიო, ოცოცხლეთ თქვა, კაი ავწუწკულდი, მარა, რას ვიზამდი- იგენის დეპუტატობას, აქეთ ვასილას ქადნა-ლაყბობას, ფედერალების ბზუკ-ამაყობას, სულ არ მოვიდეს ხეფსი, ჯობს-მეთქი, გადმოვხტი ღობეზე  და წვერი შევი­ხვი­ნტილე, ტანზე გე­ვისკვინჩილე, შუუარე აფხანაკებს და ვხრენგეთ ოზურგეთში კაკალ 12 საათზე.
გათენდა დილა მევიყარეთ თავი კონახში თვარადა, დეირაზმენ მარჯვნით,  ჩვენს მოპირდაპირეთ, ნაკაშიძე-გურიელები, ჯაყელი და ერისთავები. აქიდან მოჩანჩალდა აგი ლანჩხუთში შეცთომით ნა­შუარი ტყავგამძვრალი რწმუნებულები და ამ ტუზებს ზე ეე­ტუზენ გვერდში. აქეთ ეცენ,   იქეთ ეცენ, იყარეს კენჭი, მარა რომ გადათვალეს მო­წყენი­ლათ გამოაცხადა მარშალმა-ჩორნი გუ­რიელები და აბსოლუტური თე­თრი დემოკრატებიო.
მოგეცეთ ლხენა ჩვენ ვცოცხეთ შინისაკენ გახარებული. დედავ, ვართ შინ, ვბრიალობთ ყანაში ცოფიანსავით თავარა და მევიდა პრიკაზი: დეიშალა არჩევნები და თუ დელეყანტები ხართ, კიდო მობრძანდითო!... ვაი წავხთი ვი­ფიქრე გუნებაში, ახლა რაის იმ­ედი აქვენ? თუ გინდა მათი გაყეყილი ხუცესიანე დაორსულებულიყვენ და თითო სხვილი მემამულე გამიეშპუნებიენ მაინც რა ბოლოკს გვიზამენ მეთქი და გაცეცხლებულ გულზე იმავე საათში შვლეჭა მოვადინე ოზურგეთში მარა არ გაგიწყრეს დავითის მადლი, ბასილის რისხვა,  მათი მობარძღული ზარბაზანი დარჩა კურკანტელაით გატენილი და მოადინა ფშუკვა. ისთე დარჩა შავი შავათ და თეთრი თეთრად. ვერაფერი ვერც პრავაკატორულმა ტლიკინმა, ვერც სასაქიოთ შეკაზმულმა ჯაყელის ხვევნა დემაგოგიამ ვერ უშველათ. ასე მო­ჯაყული ქი წაძუნძულდენ ში­ნი­საკენ ფედერაცია, ხუცესი და სავრაზმელი იქითობას კი გაი­ძახოდენ - ოდელია ხეი ხეის!, მარა აქითობას მოტიროდნენ, მე­ვიჯაყეთ, ვაი ვაიო...
                                     ავტორი შხანკოლა
                                მოამზადა მაია კუკულაძემ