ლანჩხუთის ჭადრაკის  მოამაგეს,  ნუგზარ გვარჯალაძეს 75 წელი შეუსრულდა. იგი პროფესიით ისტორიკოსია, სა­ნამ ისტორიკოსი გახდებოდა მშობლების თხოვნით ბუღალ­ტერიაშიც მოუსინჯავს ბედი. ისტორიკოსებსა და ბუღალ­ტრებს  იმ დროში დიდი მომ­ა­ვალი ჰქონდათ, მაგრამ მაგაზე არც უფიქრია, პარტიის რაი­კომში დიდი ხანი არ უმუშ­ავია, შემდეგ ცოტა ხანი მას­წავლებლობდა და თან ჭადრ­ა­კსაც ასწავლიდა, თუმცა რო­გ­ორც თავად გვითხრა, მა­შინ სკოლებში  სსრკ-ს ის­ტო­რია ის­წავლებოდა,  ეს კი მისთვის მიუღებელი იყო, ამიტომ  თა­ვ­ი­სი კარიერა საბ­ო­ლოოდ და­უ­კავშირა ჭად­რაკს. მისი საჭ­ადრაკო მოღ­ვაწეობა 1980 წლიდან იწყება. პირველი სა­ჭადრაკო  ჯგუ­­ფები  1981 წე­ლს გახსნა. სწორედ ამან გა­ნ­აპირობა ლანჩხუთში მოს­წა­­ვ­ლეთა ,,მცი­­რე“ ჩემპიო­ნა­ტის ჩატ­ა­რ­ება და ჭადრაკის სახ­ლის აგება. ბატონი ნუგზ­არი დღე­საც ენერგიულად ემ­ს­ა­ხურება ჭადრაკის განვითა­რე­ბის ღირ­ს­ეულ საქმეს ლანჩ­ხუთში და წარმატებებს  ვეღ­ა­რც კი ით­ვლის. 50 წლის ას­აკში პირ­ველად გახდა გურ­იის ჩემ­პიონი. ამჟამად გურიის სა­მ­გზის ჩემპიონია. სულ 1200 მოსწავლეს შეასწავლა ჭად­რაკის ანბანი, ზოგიერთი მათ­განი წარმატებით მონაწილ­ეობს  სხვადასხვა შეჯიბრ­ებე­ბ­ში, მათ შორის ყველაზე წა­რმატებული გახლდათ  ქრის­ტ­ინე მჟავია, რომელიც არის ოთხგზის საქართველოს ჩემპ­იონი, განათლების სამინისტ­როს მიერ ჩატარებულ საჭა­დრაკო ტურნირებში 2004-7 წლებში გახდა საქართველოს ფინალური ჩემპიონატის ვერცხლის და ბრინჯაოს მედ­ლების პრიზიორი. მონაწილ­ეობდა ევროპისა და მსო­ფლიო ჩემპიონატებზე, ამ გოგონამ  სულ 14 მედალი მიიღო მისი მწვრთნელობის პერი­ო­დში.
ჩვენთვის ისიც გახდა ცნობილი, რომ მოსწავლეებთან მეცადინეობის საათებში სასუ­სნავები,  ყოველთვის   თან აქ­ვს, იმიტომ რომ ბავშვები ჭა­დ­რაკის სახლში პირდაპირ სკ­ო­ლიდან მიდიან და  სადი­ლ­ობას ვერც კი ასწრებენ, ის­ე­დაც მცირე ხელფასის 25 პროცენტს იმაში ხარჯავს, რომ შეიძინოს ორცხობილები,  ფუნთუშები, ვაფლი და სხვა ტკბილეული. თუ რა დაამახსოვრდა ყვე­ლ­აზე მეტად თავისი საჭად­რაკო ისტორიიდან, იგი ჩვენ­თან საუბარში ერთ ფაქტს იხ­სენებს: გურამ წილოსანის ხსოვნის მემორიალს ვატარებდი, გაიმართა მეორე განყოფილება, მაგიდასთან ასე ათი  თუ თხუთმეტი ვიქნებოდით შეკრებილი, ყველამ სათითაოდ თქვა სიტყვა, ბოლოს ერთ შემოსტუმრებულ  ადამიანს ხვ­და წილად სადღეგრძელოს თქმა და მან ასეთი რამე თქვა: მე როგორც ვხვდები ამ კაცმა იმდენი გააკეთა ლანჩხუთის ჭადრაკისათვის, რამდენიც: ევ­გრაფიმ, იმედომ და შალვამ ლა­ნჩხუთის ,,გურიისა­თვისო.“ ჩემთვის ეს სიტყვები ყველაფ­ერს ნიშნავს.
ახალი 2021 წელი ბატონი ნუგზარისათვის წარმატებით დაი­წყო: მოიგო ნოე ჟორ­დანიას სახელობის თასი, ეს იყო ჯილდო, რომელიც ნოე ჟო­რდანაის შვილმა, აწ გან­სვე­ნ­ე­ბ­ულმა რეჯებ ჟორდა­ნიამ დაა­­წესა და დააფინანსა, იგი ჩატარდა ლანჩხუთში
2017 წელს მონაწილეობას იღ­ებდა ბათუმის საერთა­შო­რისო ტურნირში, გია ჭან­ტ­ურიას სახელობის  თასზე, ეს იყო მის კარიერაში ყველაზე დიდი წარმატება: დიდოსტ­ატ­თან ყაიმით დაასრულა, ოს­ტატებს მოუგო და საპრიზო ადგილზე გავიდა, როგორც თავად აღნი­შნავს ამ ტურ­ნირ­ში მიღებ­ული მედალი მისი სავიზიტო ბარათია. იგი გახ­ლავთ საერ­თა­შორისო ტურნი­რის პრიზ­იორი. ეს გამარჯვება დასამახ­სოვრებელი იყო იმ­ი­თაც, რომ ტურნირის მიმდინარეობის პერიოდში მსაჯმა გამოაცხადა, რომ მისმა შვი­ლმა  დათო გვარჯალაძემ და­ი­ცვა სადოქტორო დისერტაცია, ნანოფ­იზიკაში თემაზე: ,,ნა­ნოფი­ზიკის საფუძვლები“ და გახდა ფიზიკის მეცნი­ერ­ებათა დოქტორი, ამ  საჭა­დ­რაკო გამარჯვებას მოჰყვა სო­ლიდური ფულადი ჯილდოც. გურიის ჩემპიონი მეს­ამ­ედ გახდა 2001 წელს, სულ 150 ტურნირი აქვს ჩატ­არე­ბული საკუთარი ორგანიზა­ტორობით, რომელიც საკმაოდ რთული იყო ეს იქნებოდა სპონ­სორების მოძიება თუ სხვა საორგანიზაციო საკითხ­ები. 2001 წე­ლს ჩაატარა გუ­­რამ წილ­ოსანის, ასალო გო­გეშვილის და რაიონის პი­რ­ველი ჩემპი­ონის, ნიკოლოზ კუკულაძის პირ­ველი მემორიალი, ამ სამ­ივე ტურნირიდან პირველი ად­გილი თავად ხვდა წილად.
ნუგზარის ბიჭებიც კარგად თამაშობენ ჭადრაკს, მაგრამ მამის კვალს არ გაჰყოლიან,  ცუდი ისაა, რომ ჯერ-ჯერ­ობით არც ერთი მათგანი არაა დაოჯახებული. ასევე შესან­იშნავად თამაშობს ჭადრაკს ნუგზარის მეუღლე, ნათელა ორაგველიძე.
,,ჰო და არა’’ იუბილეს ულ­ო­ცავს ამ შესანიშნავ ადამიანს, უამრავ წარმატებას, მხნ­ე­ობას, ჯანმრთელობას, უსურ­ვებს და რათა კვალავ აღზა­რდოს ლანჩხუთელი ჩემპი­ონები.
მაია კუკულაძე