ჯანდაცვის მინისტრი გადადგა.
თავის დროზე, სერგეენკოს  გადადგომას,  მნიშვნელოვანი ცვლილება მო­ჰყვა სამედიცინო სფეროში, რომელიც ტიკარაძემ განახორცი­ელა. კერძო სამედიცინო სექტორის მიმართ სახელმწიფოს გადასახდელი ტარიფები შეი­კვეცა და ოპტიმალური გახდა. ამას მოჰყვა სამედიცინო სფეროს დიდი პროტესტი, მაგრამ  ტიკარაძემ ამას გაართვა თავი. 
პანდემიის მართვის რეჟიმში ჯანდაცვის სა­მინისტრო იყო ძალიან დიდი პრესინგის გა­რემოში. უამრავი გამოწვევა, არანაირი გა­მო­ცდილება... მთავრობასა და სამედიცინო სექტორს შორის მუდმივად იყო წინააღმდეგობა. თუმცა, როგორც სიტუაციამ აჩვენა, სამედ­იცი­ნო სექტორს უფრო მეტი პრეტენზია ჰქონდა მთავრობასთან, რომელიც ეკონომიკის გად­არჩენის მოტივით მოქმედებდა და წინააღ­მდეგობაში მოდიოდა სამედიცინო სექტორთან. მაგალითად, პირბადის  ტარებასთან დაკავ­ში­რებით, ჯერ მოხსნილი და ხელახლა შემო­ღებული რეგულაციები, ჩამოწერილი ჯარიმები, რომელიც პირბადის ტარების და კომენდანტის საათის დარღვევის გამო დაეკისრათ, რის შედეგადაც საზოგადოების მხრიდან მივი­ღეთ ინდიფერენტული დამოკიდებულება ნე­ბისმიერ რეგულაციასთან. თავიდანვე  ჩანდა, რომ  ეკო­ნომიკურ ჯგუფს მუდმივი წინააღ­მდე­­გობა ჰქო­ნდა სამედიცინო ჯგუფთან. შე­დეგად მივიღეთ პანდემიის მართვის ცუდი შე­დეგები. გარდაცვლილი 1200-ზე მეტი ადამიანიდან ნახევარზე ნეტი ბოლო 4 თვეში გარდაიცვალა. მიუხედავად დიდი მცდელობისა, მთავრობამ ვერ შესძლო ვაქცინების დროული შემოტანა და შემოტანის შემდგომ  მოსა­ხ­ლეობის დარწმუნება მის აუცილებლობაში. მიუხედავად მნი­შვნელოვნად მაღალი სიკვდი­ლიანობისა, მო­სახლეობის მხოლოდ 35 პროცენტია სრულად ვაქცინირებული. თუკი დღეს ყოვე­ლ­დღიურად ათი ათასი ადამიანი იცრება, მხოლოდ იმიტომ, რომ მათ 200 ლარს გა­დაუხდიან პირველი აცრისთანავე და არა იმ­იტომ, რომ მათ შეგნებული აქვთ, რომ ვაქცინაცია სწორი გადაწყვეტილებაა.
პარტიებმა არაფრად ჩააგდეს პანდემია, რაც გამოიხატა მრავალათასიანი ურთიერთსაპრო­ტე­სტო აქციებით, რადგან წინასაარჩევნო პერ­იოდში მთავარია თითოეული ხმის მობილიზება, მაგრამ მათ დაავიწყდათ, რომ ის გარდაცვლილი 12 600 ადამიანი მათი ამომ­რ­ჩეველი იყო და  გარდაიცვალნენ იმის გამო, რომ ვირუსიდან თავი ვერაფრით დაიცვეს.
დღეს ყველა სახის ვაქცინაა საქართ­ვე­ლოში, მაგრამ მიუხედავად ამისა, საპრო­ტესტო აქციები იმართება ვაქცინაციის წინა­აღმდეგ. საფრანგეთში, მაგალითადD შემ­ო­ღებულია სავალდებულო აცრა სამედიცინო და საჯარო მოსამსახურეებზე.  ასეთივე შეზ­ღუდვებია სა­მე­დიცინო მოსამსახურეებზე ევ­როპის ბევრ სხვა ქვეყნებში. იქ, რატომღაც ეს არ ითვლება დემოკრატიის შეზღუდვად და ჩვენთან, გა­დაპრანჭული თავისუფლების გარ­ემოში, სამედიცინო პერსონალიც კი არ არის სრულად აცრილი, მაშინ როდესაც, ყველაზე მეტი გარდაცვლილი სწორედ მათგან არის, რომელთა თავდადების ხარჯზეა პანდემიის მართვაც და უამრავი სიცოცხლის გადარ­ჩენაც.
მინისტრმა ტიკარაძემ  გადადგომის წინ მადლობა გადაუხადა სამედიცინო პერსონალს და ყველა იმ ადამიანს, ვინც ამ საქმეში იყო ჩართული და განაცხადა, რომ გარკვეული ეტაპი დასრულდა. ახლა უკვე სამედიცინო სექტორი ახალ ეტაპზე უნდა გადავიდესო.  იმედია, ახალ ეტაპს ახალი მინისტრი  განახორციელებს.