ფინანსთა სამინისტროს განცხადებით, 2017 წლიდან საჯარო სამსახურებში ხე­ლ­ფასების ზრდა შეჩერებული იყო, გარდა გა­რკვეული მიმართულებებისა, რამაც გა­მო­იწვია კვალიფიციური კადრების გადინება საჯარო სამსახურებიდან კერძო სექ­ტორში. 
ერთის მხრივ კვალიფიციური საჯარო მო­ხელე, რიგითი ადამიანის ინტერესიცაა, იმიტომ რომ, ბევრი პრობლემა, რომელიც საჯარო სექტორში ჩანს და გამოწვეულია საგარო მოხელის დაბალი კვალიფიკაციით, არასაკმარისი კომპეტენციით, აისახება მო­ქალაქეების ყოფა-ცხოვრებაზე.
ერთის მხრივ სახელმწიფო ხარჯავს ფულს საჯარო მოხელის მომზადებაზე, კვა­ლიფიკაციის ამაღლებაზე, ანუ საჯარო მოსამსახურე ძვირი უჯდება და მისი და­კ­­ა­­რგვა, არის პრობლემა საჯარო დაწ­ეს­ე­ბ­ულებისათვის, ამიტომ მთავრობამ მიიღო გადაწყვეტილება გაზარდოს ხელფასები სა­ჯარო სექტორში და დამატებით შეიმუშაოს ისეთი კანონმდებლობა, რომლითაც საჯარო მოხელის ხელფასების ზრდა მიბმული იქ­ნება  ქვეყანაში ეკონომიკურ ზრდაზე, ისე, რო­გორც პენსიების ზრდა, ანუ საჯარო მოხელის ხელფასიც ყოველწლიურად გაი­ზრდება.
ეს პრობლემა მეტად თვალშისაცემია დიდ ქალაქებში, რადგან იქ მეტია მოთხოვნა კვა­ლიფიციურ კადრებზე კერძო სექტორში, ამიტომ საჯარო სექტორში დასაქმებული კვალიფიციური კადრი შეიძლება დაუფიქ­რებლად გადავიდეს სამუშაოდ კერძო ბიზ­ნესში, უფრო მაღალანაზღაურებად სამუშ­აოზე.
რეგიონებში ასეთი არჩევანის საშუალება თითქმის არ აქვს საჯარო მოხელეს, კერძო სექტორის თითქმის არ არსებობის გამო. 
ხელფასების გაზრდა საჯარო სამსახურ­ებში, მათ შორის ახალი საშტატო ერთეუ­ლების შექმნა, საკრებულოს ე.წ. ,,მოადგილიზაცია“, შესაბამისად გაზრდილი ხელ­ფასებით, რიგითი, უმუშევარი და სოც­ია­ლუ­რი დახმარების იმედად მყოფი ად­ა­მი­ანებისთვის, რა თქმა უნდა, გამაღი­ზი­ან­ებელია. მათ მიაჩნიათ, რომ მიუხედავად წი­ნასაარჩევნო დაპირებისა, ხელისუფლებამ პირველ რიგში საკუთარ თავზე დაიწყო ზრუ­ნ­ვა და თუ ეს მაღალანაზღაურებადი, უზრუნველი თვითმმართველობა ვერ შეძ­ლებს რაიონში ეკონომიკის გაჯანსაღებას, ვერ მოიზიდავს ინვესტიციებს, არ შექმნის ახალ საწარმოებს და შესაბამისად, სამუ­შაო ადგილებს, სადაც ,,ღირსეული დასა­ქმება“ იყო დაპირებული, მაშინ რიგითი ად­ა­მ­იანები ჩათვლიან, რომ თვითმმარ­თვე­ლო­ბა, ანუ ხელისუფლება, კიდევ უფრო და­შორდა ხალხს და შეიქმნა რაღაც კასტა, რომელსაც ნაკლებად ესმის მოქალაქეთა პრობლემების.
ბურთი ხელისუფლების მხარესაა... 
მოსახლეობა ელოდება დანაპირების შეს­რულებას.
ოფიციალური სტატისტიკით ევროკავ­შირის ქვეყნებში სახელმწიფო  სტრუ­ქტუ­რებში დასაქმებული, მოსახლეობის 2,3 პრო­ცენტია. საქართველოში კი  _ 26 პრო­ცენტზე მეტი. რაც თვალში საცემი გა­ნ­სხვავებაა. ... და კიდევ _ არაფრით არ ეს­მით ევროპელ პოლიტიკოსებს, რატომ უნდა უნდოდეს წარმატებულ ბიზნესმენს დეპუტატობა ან მთავრობის წევრობა.
მომავალი გვიჩვენებს საით გადაიხრება ვექტორი. ხელისუფლება მართლა იზ­რუ­ნებს მოსახლეობის პრობლემების მოგვარებაზე თუ კიდევ უფრო და­შორდება მას.