მიუხადავად ცხელი ზაფხულისა, როცა ადამიანები ყველა წესით უნდა ისვენებდნენ, ქვეყანაში ორომტრიალია... 
ეს ორომტრიალი მრავალმხრივია...
ადგილობრივი არჩევნები ახლოვდება. პოლიტიკოსები პოლიტიკოსობენ და ხშირად მოულოდნელი ფაქტის წინაშე აყენებენ საზოგადოებას. შეამჩნევდით, ხშირად თავადაც გაკვირვებულნი არიან ამა თუ იმ მოვლენით.
ყოველმა მომდევნო დღემ შეიძლება მდგომარეობა შეცვალოს, ამიტომ შესაბამისად, ყოველი მათგანის შანსიც მომავალ  არჩევნებში, გაუთვლელია.

სამწუხაროდ, როგორც ჩანს, საქმე იქამდეა მისული, რომ საზოგადოება ინდიფერენტული გახდა პოლიტიკური მოვლენების მიმართ, მიუხედავად იმისა, რომ სწორედ ქვეყნის პოლიტიკა განსაზღვრავს მოსახლეობის ბედს. მიზეზი გასაგებია _ მუდმივად იმედის გაცრუება. 
... თუმცა მაინც იმედს ვიტოვებთ, რომ საზოგადოებას ანალიზის, განსჯის უნარი, შერჩენილი აქვს და შეძლებს დასკვნების გაკეთებას. 
მანამდე კი ვინ იცის რა სპექტაკლები დაიდგმება. ვისი სპექტაკლი იქნება უფრო ნიჭიერად მოფიქრებული, რა ქმედებები იმუშავებს ხალხის ფსიქიკაზე ყველაზე მეტად.
ერთი რამ ცხადია, ჩვენი მომავალი, ჩვენი შვილების მომავალი ჩვენს გონიერებაზე, ჩვენს გადაწყვეტილებებზეა დამოკიდებული. თქვენ, მრავალი იმედგაცრუების შემდეგ ალბათ ფიქრობთ, რომ ეს ასე არ არის. მაგრამ ასეა, ასე!..
არ მოდუნდეთ! იცხოვრეთ იმ შეგნებით, რომ მთავარი თქვენი ხმაა!
          ნონა გიგინეიშვილი