ჰო და არას ჭიდილია ერთადერთი გზა ჭეშმარიტების აღმოჩენისა და პოვნისა ილია

"ჰო და არას ჭიდილია ერთადერთი გზა ჭეშმარიტების აღმოჩენისა და პოვნისა" ილია

თაკო ჩარკვიანი: გიორგი ვაშაძის სახელი მხოლოდ რეფორმებს უკავშირდება

თაკო ჩარკვიანი: გიორგი ვაშაძის სახელი მხოლოდ რეფორმებს უკავშირდება
30-07-2020, 18:49

საქართველოს სჭირდება ახალგაზრდა ადამიანი, გიორგი ვაშაძის სახელი მხოლოდ რეფორმებს უკავშირდება, – ამის შესახებ პარტია „კანონი და სამართლის“ დამფუძნებელმა, თაკო ჩარკვიანმა, „სტრატეგია აღმაშენებლის“ საარჩევნო კამპანიის გახსნის ღონისძიებაზე განაცხადა.
„ჩვენ ნიჭიერი ხალხი ვართ. ორი წლის განმავლობაში ვუყურებდი ახალგაზრდა ადამიანს. რამდენჯერ გამარჯობა ვუთხარი, იმდენჯერ პროექტიო, მითხრა. გამარჯობათ, გიორგი, პროექტი, ქალბატონო თაკო. მივხვდი, რომ  ეს ადამიანი მიზანმიმართულია, რომ რაღაც გააკეთოს. რვა წელი თავზე ჩამოგვემსხვრა, არათუ ოცნება, სახელმწიფო ინსტიტუციები. ვიფიქრე ასე – ნორმალური თაობა რომ გაგეზარდოს, უნდა მისცე განათლება. განათლება რომ მისცე, უნდა მისცე სახსრები, სახსრები ვერ გექნება, თუ არ გაქვს ეკონომიკურად განვითარებული ქვეყანა. ეკონომიკურად განვითარებული ქვეყანა რომ გვქონდეს, არ უნდა იყოს კორუფცია. კორუფცია რომ არ იყოს, ქვეყანაში უნდა იყოს კანონი და სამართალი, რომელიც არ არის“, – განაცხადა ჩარკვიანმა.
მისივე თქმით, გიორგი ვაშაძე პრემიერ-მინისტრობისთვის შესაფერისი კანდიდატი იქნება.
„ერთხელ მკითხეს, ვინ არის თქვენი ამომრჩეველიო, ჩვენი ამომრჩეველია თაღლითი პოლიტიკოსებისგან გაძარცვული საქართველო. ამან მაფიქრებინა, რომ საქართველოს სჭირდება ახალგაზრდა ადამიანი. მე მსგავსი პრაქტიკოსი, რეფორმატორი, რომელმაც უკვე გვაჩვენა, რა ტიპის რეფორმები გააკეთა ყოფილი ხელისუფლების დროს, არ მინახავს. მისი სახელი მხოლოდ რეფორმებს უკავშირდება. ის ადამიანიც მინდა აღვნიშნო, რომელმაც მას საშუალება მისცა, რეფორმები გაეკეთებინა, ამასაც დიდი ნიჭი უნდა. მიხარია, რომ 2018 წელსაც ამ ადამიანმა კვლავ დაასახელა და თქვა, სავარაუდოდ, კარგი პრემიერი იქნებოდაო. შემთხვევითი არაფერია, როდესაც ახალგაზრდა კაცი გამოცდილი გყავს რეფორმებში, შემდეგ მას თამამად ასახელებ“, – განაცხადა თაკო ჩარკვიანმა.

განყოფილება: პოლიტიკა
გადასვლები: 35
FACEBOOK კომენტარები
ჰო და არა TV
რეკლამა