რა ახალი დეტალები გამოიკვეთა ილია ტუღუშის საქმესთან დაკავშირებით?

tugusi8546 651873080098559561 nსაქართველოში ღრმად აქვს გადგმული ფესვები ,,ხელზე გამაზვის“ ტრადიციას, რა მოხდა ამ შემთხვევაში?!

როგორც მოგეხსენებათ, 6 დეკემბერს ლანჩხუთისა და ფოთის საზღვარზე, მალთაყვის ტყეში გარდაცვლილი იპოვეს 33 წლის ლანჩხუთლი მსაჯი ილია ტუღუში. საქმეზე გამოძიება ფოთის პოლიციამ დაიწ საქართველოში ღრმად აქვს გადგმული ფესვები ,,ხელზე გამაზვის“ ყო, გამოძიება სსკ-ის 115 მუხლით მიმდინარეობს, რაც ადამიანის თვითმკვლელობამდე მიყვანას გულისხმობს.
თავიდანვე რამდენიმე ვერსიამ გაიჟღერა, აღსანიშნავია, რომ ყველგან ფიგურირებენ გიორგი იმნაიშვილი, ირაკლი ბახტაძე და ნუგზარ ჩხაიძე. ოჯახი ამტკიცებს, რომ ეს სამი პიროვნება იმყოფებოდა აწ გარდაცვლილი ტუღუშის ოჯახში, ეძებდნენ მსაჯს და იმუქრებოდნენ. გარდაცვლილის მეუღლის თქმით, გიორგი იმნაიშვილმა წასვლის წინ დაიბარა, რომ ის ქვეყნიდან გადიოდა, მაგრამ ისეთ ხალხს ტოვებდა, რომლებიც მიხედავდნენ ამ საქმეს. როგორც ოჯახის წევრები აცხადებენ, საუბარი იყო 5000 ლარზე, რომელიც იმნაიშვილის თქმით, მან ილო ტუღუშს ასესხა. გარდაცვლილის ახლობლებს მიაჩნიათ, რომ ილო ტუღუშს დაავალეს კონკრეტული მატჩის, ,,გურია- ,,თელავის“მოსყიდვა, სანაცვლოდ კი ფული წინასწარ გადაუხადეს. მაგრამ, ,,გურიამ“ აღნიშნულ მატჩში წარმატებას ვერ მიაღწია და გეგმებიც აერიათ, ამიტომ პასუხი ჩოჩხათელ მსაჯს მოთხოვეს.
ყველაზე რეალურ ვერსიაზე საუბრობს ტუღუშის ერთ-ერთი ახლობელი, რომელმაც ინკოგნიტოდ დარჩენა ისურვა. ის ამბობს, რომ ის ადამიანები, ვინც ტუღუშს პასუხს სთხოვდა, არიან ,,მაზავშიკები“. მართალია, მათ ილოს მხოლოდ 5000 ლარი მისცეს, მაგრამ ,,გურიის“ ლიგაში ვერ დარჩენის გამო ისინი უკან გაცილებით დიდ თანხას ითხოვდნენ, ანუ იმ თანხას, რომელიც ,,გამაზეს“ ამ თამაშზე და შესაძლოა მეტსაც. მართალია ინკოგნიტო რესპოდენტი პირდაპირ არ ამბობს, მაგრამ მისი ნათქვამიდან შეიძლება დავასკვნათ, რომ ტუღუშმა თავის თავზე აიღო ამ მატჩის შედეგი, რაშიც 5000 ლარი გადაუხადეს. თუმცა როგორც ტუღუშის ახლობელი ამბობს, ,,აქ გათვალისწინებული ვერ იქნა ერთი მომენტი, ის ფეხბურთელი, რომელმაც თერთმეტმეტრიანი შეასრულა, შესაძლოა მეორე მხარის მიერ ყოფილიყო მოსყიდული, ფეხბურთელმა წაქცეულ მეკარეს ხელებში მისცა ბურთი“-აცხადებს ინკოგნიტო.
რატომაა ეს ვერსია ყველაზე რეალური? პირველ რიგში დასადგენია, საქართველოს რომელიმე ტოტალიზატორში ხომ არ გაკეთდა უჩვეულოდ დიდი ფსონი ლანჩხუთის ,,გურიის“ მეორე ლიგაში დასარჩენად? დავუშვათ, დადგინდა რომ ასეთი ფაქტი არ დაფიქსირებულა, ეს სულაც არ ასუსტებს აღნიშნული ვერსიის ნამდვილობას. სამწუხაროდ, საქართველოში ღრმად აქვს გადგმული ფესვები ,,ხელზე გამაზვის“ ტრადიციას, შესაძლებელია როგორც ნაღდ თანხაზე თამაში, ასევე ,,პოსლეზე“. ჩვენ არაფერს არ ვამტკიცებთ, უბრალოდ გთავაზობთ ამ ვერსიის ჩვენეულ ანალიზს, რა შეიძლება მომხდარიყო სინამდვილეში? სასწორზე ძალიან დიდი თანხა იდო, ყოველგვარი ,,გამაზვის“ და ტოტალიზატორის გარეშეც. თუ ,,გურია“ დატოვებდა ლიგას, ცხადი იყო რომ კლუბს თითქმის 500 000 ლარამდე მოაკლებოდა დაფინანსება. თუ მივყვებით აღნიშნულ ვერსიას, პირებმა, რომლებისთვისაც ,,გურიის“ გავარდნა სერიოზული ფინანსური ზარალის მომტანი იქნებოდა, ისარგებლეს იმით, რომ აწ გარდაცვლილ ილო ტუღუშს რაღაც გარკვეული თანხა სასწრაფოდ სჭირდებოდა. ისინი მას არ ეუბნებიან ამ თანხაზე უარს, ოღონდ შემდეგი პირობით, ,,გურია“ აუცილებლად უნდა დარჩეს ლიგაში, ამასთან ამწვავებენ სიტუაციას და ეუბნებიან, რომ გარდა კლუბის სამომავლო გეგმებისა, აპირებენ დიდი ფული ,,გამაზონ“ ამ თამაშზე და მთლიანად ტუღუშზე არიან დამოკიდებული. ამის შემდეგ, 3 დეკემბერს ლანჩხუთის ევგრაფი შევარდნაძის სახელობის სტადიონზე სცენარი კრახით სრულდება, რაც წაგებული მხარის დიდ აგრესიას იწვევს. ისინი ითხოვენ ტუღუშისგან არამარტო 5000 ლარს, რაც მას გადასცეს, არამედ იმ ზარალის ანაზღაურებას, რაც ,,გურიის“ ლიგაში ვერ დარჩენით მიიღეს. ნაკლებ სავარაუდოა, რომ ადამიანს, რომელსაც ჰყავს რამდენიმე მანქანა, აქვს კარგი სახლი, აქვს ნორმალური სამსახური, თავი მოიკლას მხოლოდ 5000 ლარის გამო. კიდევ ერთხელ აღვნიშნავთ, რომ ეს არის ერთ-ერთი შესაძლო ვერსია და არაფერს არ ვამტკიცებთ.
სრულიად გამორიცხავენ რაიმე გარიგებაში შესვლას და თაღლითობას ის პირები, რომლებსაც ოჯახი ადანაშაულებს. ნუგზარ ჩხაიძის თქმით, ის ნამდვილად ახლდა გიორგი იმნაიშვილს ჩოჩხათში, რათა ნასესხები ფული უკან დაებრუნებინათ, ის კატეგორიულად უარყოფს მათი მხრიდან რაიმე მუქარას და ძალადობას. ანალოგიურ პასუხს იძლევა გიორგი იმნაიშვილიც, რომელიც ჟურნალისტებთან საუბრისას აღნიშნავს, რომ ,,ის კაცი არაა, 5000 ლარის გამო ვინმე დააშინოს და მით უმეტეს თვითმკვლელობამდე მიიყვანოს“. ის ამბობს, რომ ფეხბურთის სამყაროში მოღვაწე სხვა პიროვნებებსაც ხშირად დახმარებია ფინანსურად და ეს მისთვის პრობლემას არ წარმოადგენს. ამ დრომდე ვერ ხერხდება კონტაქტზე გასვლა მესამე პირთან, ირაკლი ბახტაძესთან. საფეხბურთო კლუბი ,,ლანჩხუთის გურია“ კატეგორიულად გამორიცხავს რაიმე შემხებლობას ლანჩხუთლ მსაჯთან, ისინი ამბობენ, რომ ყველანი პატივისცემით იყვნენ ტუღუშის პიროვნებისადმი განწყობილნი, თუმცა რაიმე სამსახურებრივი გადაკვეთა მათ არ ჰქონიათ. თავის მხრივ, საქართველოს ფეხბურთის ფედერაცია მზადყოფნას გამოთქვამს, ითანამშრომლოს გამოძიებასთან.
ჩვენს ხელთ არსებული ბოლო ინფორმაციით, ნუგზარ ჩხაიძე დაბარებული იქნა ზუგდიდის პოლიციის სამმართველოში, სადაც მას გამომძიებლების კითხვებზე მოუწევს პასუხის გაცემა. „ვიყავით კი, თანხას არ ვითხოვდით, თანხას ითხოვდა ის, ვინც ასესხა. როგორც მეგობარი ისე ვიყავი, იმიტომ, რომ ვიცოდი, რომ ასესხა. ჯერ მე მესესხა და მერე მას ესესხა. ჩემთან ვერანაირი ბრალდება ვერ ექნება ოჯახს, აბსოლუტურად ვერანაირი ბრალდება ვერ შეიძლება ჰქონდეს“- განუცხადა ზუგდიდში ჟურნალისტებს ნუგზარ ჩხაიძემ.

და მაინც, დაველოდოთ გამოძიებას, რომელიც იმედია სამართლიანად და პროფესიონალურად წარიმართება!!!
თორნიკე ჯიჯიეშვილი

სკანდალი: ლანჩხუთში მალე ,,ბორდელი” გაიხსნება?!

china6ინფორმაცია, რომელიც ჩვენს რედაქციაში შემოვიდა, თავიდან ცოტა სასაცილოდ მოგვეჩვენა, მაგრამ ჩვენი წყარო იმდენად ბევრ რეალურ ფაქტს ასახელებს, რომ საჭიროდ მივიჩნიეთ დაგვეწერა ამის შესახებ. როგორც ჩვენი წყარო ამბობს, ლანჩხუთში ,,ჩინელების ქალაქის“ მიმართულებით, ღამ-ღამობით ძალიან მოხშირდა ახალგაზრა გოგონების სიარული.
,,ჯერ იყო და ჩვენი ხალხი მონებად აქციეს და კაპიკებად ამუშავებენ, ახლა გადაწყვიტეს მონღოლებივით შემოგვესიონ და გადაგვაჯიშონ. უბრალოდ საშინელებები ხდება ღამით ჩინელების დასახლებასთან. ეს გარეწრები(ჩინელები) სარგებლობენ ჩვენი რაიონის მძიმე ეკონომიკური მდგომარეობით, ასევე ახალგაზრდა ქალების სუსტი ნებისყოფით და აბახებენ, ამ სიტყვის სრული მნიშვნელობით ახალგაზრდობას. ეს კატასტროფაა, ჩამოთრეული ჩინელები უკვე ყოველგვარ ზღვარს გადავიდნენ. ჩინელებთან დაახლოებულმა პირმა ისეთი ამბები მომიყვა, თმა ყალყზე დამიდგა, ჩემს გაგონილს და ნანახს, მისი ნასაუბრებიც დაემატა და საშინელი სურათი შეიქმნა. თითქმის უტყუარი ცნობები მაქვს იმის შესახებ, რომ მალე ლანჩხუთში ბორდელი გაიხსნება, სადაც იქნებიან როგორც ქართველი , ასევე ჩინელი მეძავებიც“- ამბობს ჩვენთან საუბრისას ადამიანი, რომელსაც ჯერჯერობით ვინაობის გამხელა არ სურს.
ჩინელები რომ შემოესივნენ ლანჩხუთს ფაქტია, მაგრამ ამდენს თუ გაბედავდნენ ნამდვილად არ გვეგონა. ჩვენ შევეცადეთ გადაგვემოწმებინა ინფორმაცია და რამდენიმე ადამიანს დავუკავშირდით, ისეთებს, რომლებსაც მეტ-ნაკლები შეხება აქვთ ჩინელებთან. ჩვენთვის მოულოდნელად, ისინიც ადასტურებენ, რომ მართლაც არსებობს საფრთხე ამ კუთხით და ჩინელები აქტიურად არიან ჩართულნი პროსტიტუციის თემაში. არც იმას მალავენ, რომ ქართველი ქალები ინტერესს იჩენენ აზიელების მიმართ, რა თქმა უნდა ფულის გამო. ,,ხშირია შემთხვევა, როცა ახალგაზრდა გოგონას ჩაიჯენს ჩინელი და ტაქსით მიდიან გაურკვეველი მიმართულებით, სამწუხაროდ ეს ხდება ყოველგვარი ძალადობის გარეშე, პირიქით იქეთ ეხვეწებიან და სთავაზობენ გარკვეული თანხის ნაცვლად სექსუალურ მომსახურებას. ბავშვები ვეღარ გაგვიშვია გარეთ მაგათი შიშით, ისედაც ცისფერების და ვარდისფერების ხანა დადგა და კიდე ეს გვინდოდა?“- ამას უკვე ჩინელებთან შედარებით ახლოს მყოფი ადამიანები ამბობენ.

...პროსტიტუცია უძველესი დროიდან ხან ლეგალიზებული იყო და ხანაც კრიმინალიზებული. პირველად სწორედ ანტიკურ საბერძნეთში მოხდა მისი ლეგალიზება და გადასახადების დაწესება, რასაც შემდეგ მოჰყვა ბორდელების (დიქტერიონი) გახსნა. ამ დროიდან მოყოლებული დღემდე რიგ ქვეყნებში მკაცრი სანქციები დაწესდა, რიგ ქვეყნაბში კი საერთოდ სახელმწიფო ხაზინის შევსების წყაროდ იქცა. მიუხედავად იმისა, რომ საუკუნეების მანძილზე ბევრი რელიგია, მათ შორის ქრისტიანობა მკაცრად უდგებოდა პროსტიტუციის საკითხს და არაერთი რელიგიური სასჯელი დაწესდა, ვერაფერმა აღმოფხვრა იგი.

როგორც ჩანს საქართველოს მთავრობას მოსწონს შექმნილი სიტუაცია და ამას სათავისოდ იყენებს, ანუ ბიუჯეტის შესავსებად. აბა, რას უნდა მივაწეროთ ის ფაქტი, რომ თბილისში, ბათუმში, უკვე ქუთაისში, სხვადსახვა ქალაქებში იმდენი ,,ჩინური მასაჟის“ სალონია გახსილი, რომ თვლას ვერ აუთავდებით. აქამდე ქართველები თუ ,,ვაჟკაცდებოდნენ“ ჩინელებზე, ახლა აქეთ შემოუბრუნდნენ. ჭამა მადაში მოდისო, ნათქვამია... ეს ნამდვილად არაა სახუმარო თემა, მით უმეტეს როცა საქმე ჩვენ მშობლიურ რაიონს ეხება. „უკანონო, არაოფიციალურ ბორდელებს“ ხშირად ახსენებენ სიუჟეტებში ჟურნალისტები. საინტერესოა მაშინ, როცა საქართველოში პროსტიტუცია არალეგალურია, როგორ შეიძლება, ბორდელი ლეგალური იყოს?
თორნიკე ჯიჯიეშვილი

რეაქცია ,,ჰო და არას“ წერილზე

davit chxartishvili89,,ჰო და არას“ წინა ნომერში დაიბეჭდა სტატია, სათაურით - ,,ღვთის ანაბარად მიტოვებული 19 წლის ბიჭი“, საუბარია სოფელ ნინოშვილის მკვიდრ დათო ხოფერიაზე. წერილს ეხმაურება ნინოშვილის მაჟორიტარი დეპუტატი, დავით ჩხარტიშვილი:
,,ამ ბიჭს, ჩემი კომპეტენციის და შესაძლებლობების ფარგლებში ფასდაუდებელი დახმარება გავუწიე, (ამას ვერ უარყოფს), მის პრობლემებში მთლიანად დამნაშავეა სადაზღვევო კომპანია, სადაც კორპორაციული დაზღვევა აქვს და საერთოდ არ უფინანსებს ოპერაციას. გამგეობას მხოლოდ თანადაფინანსება შეუძლია, რისთვისაც მზად არის. ხოლო ის, რომ ოჯახს სოციალური დახმარება მოეხსნა ამაში კანონმდებლობაა დამნაშავე.
ვფიქრობ და ვერ მომიფიქრებია, როგორ დავეხმარო ამ ადამიანს. ეს ჩემს შესაძლებლობებს აშკარად სცილდება. შინაგან საქმეთა სამინისტრომ უნდა იზრუნოს ამაზე. უძლიერესი ორგანიზაციაა და მისი თანამშრომელია ეს ბიჭი.“


ეს უკვე ომია მოსახლეობის წინააღმდეგ

omar xucishvil899სულ რამდენიმე დღე და თხილის სეზონი ნაადრევად დამთავრდება გურიაში. მოსავლის აღება დასრულდება, მაგრამ ხალხს არც თხილი ექნება გადანახული და აღარც მისი რეალიზაციიდან მიღებული დანაზოგი.
თუ ვინმემ მოახერხა და ცოტაოდენი გაყიდა, აღებული თანხა ვერ აანაზღაურებს დამხმარე მუშახელის და გარჩევის ხარჯებს.
არც რეალიზატორები არიან უკეთეს დღეში. თხილის კაკალს რომ შეხედავ, გარედან ისეთი ხარისხიანი ჩანს, მტერს დაუბრმავებს თვალებს. გატეხავ და შიგნით გული დამპალი, შავი მასით არის ამოვსებული. ამიტომ არის, რომ ყველა შემსყიდველი ჩაქუჩით არის შეიარაღებული. გასაყიდი ტომრებიდან სინჯს იღებენ, შენს თვალწინ დაამტვრევენ. რამდენი საღი გული აღმოაჩნდება თხილს, იმაზეა დამოკიდებული ასანაზღაურებელი თანხის რაოდენობა, რომელიც ძირითადად კილოგრამში 1 ლარიდან ლარნახევრის ფარგლებშია


ვრცლად: ეს უკვე ომია მოსახლეობის წინააღმდეგ

პოლიტიკური პარტიებისა და დეპუტატობის კანდიდატების საყურადღებოდ

 

ადგილობრივი თვითმმართველობის არჩევნები 2017 წლის 21 ოქტომბერს ჩატარდება.
ჩვენი რედაქცია მზადაა აქტიურად დაგიჭიროთ მხარი წინასაარჩევნო კამპანიის დაგეგმვასა და განხორციელებაში.
ჩვენ მივიტანთ თქვენს სათქმელს თითოეულ ოჯახამდე, თითოეულ ამომრჩევლამდე.
გწამდეთ: ჩვენი გამოცდილება, თქვენი წარმატების საწინდარი გახდება.
გჯეროდეთ: თქვენი გამარჯვების გზა გადის, ჩვენთან თანამშრომლობაზე.
გახსოვდეთ: 18 წელია ყველა გამარჯვებული აქტიურად თანამშრომლობდა ჩვენთან!
ვითანამშრომლოთ, ახალი გამარჯვებებისათვის!


მოიწონეთ სტატია