სუფსელი ვირტუოზის ოცნება: ,,მინდა საკუთარი ბენდი მყავდეს“

gეს ის შემთხვევაა, როდესაც ჩვენი წერილის გმირი თამამად შეიძლება დავაყენოთ ნებისმიერი ქვეყნის ,,ნიჭიერის“ სცენაზე. გიორგი ჭაია ჯერ 17 წლისაა და სუფსის საჯარო სკოლის მეთერთმეტე კლასელია. იგი ბავშვობიდან გატაცებულია მუსიკით, თუმცა ბოლო დროს ხელოვნების რამდენიმე დარგში წარმატებულად სცადა ბედი. გიორგი ჭაჭია შესანიშნავად უკრავს გიტარაზე, ფანდურზე, ჩონგურზე, ტამტამზე, დოლზე, ჰარმონიკზე, პიანინოზე და ამ ყველაფრის ათვისება სულ რაღაც ორი წლის განმავლობაში შეძლო, თან ისე, რომ ახლა თვითონ ითავსებს ხოლმე პედაგოგის ფუნქციებს.

ვრცლად: სუფსელი ვირტუოზის ოცნება: ,,მინდა საკუთარი ბენდი მყავდეს“

კატასტროფული მდგომარეობა ლანჩხუთის კულტურის სახლში!

jლანჩხუთის კულტურის სახლში მართლაც კატასტროფული მდგომარეობაა, შენობის პირველ სართულზე დგას საშინელი სუნი, თითქმის ყველა კუთხეში ყრია ჯართის გროვად ქცეული აპარატურა, კედლებიდან ბათქაში ცვივა. მაგრამ ნამდვილი კოშმარი მეორე სართულიდან იწყება, მთლიანად ამორტიზირებულია იატაკი, ჩამოვარდნილია შპალერები.

ვრცლად: კატასტროფული მდგომარეობა ლანჩხუთის კულტურის სახლში!

დიდებული სპექტაკლი, რომელსაც ცოტა მაყურებელი ესწრებოდა!

teatrinohod12 იანვარსს ლანჩხუთის ეგნატე ნინოშვილის სახელობის ლანჩხუთის სახალხო თეატრმა წარმოადგინა სპექტაკლი მარკ კამელოტის პიესა ,, F A M I L Y ფრანგული გარნირით”. სპექტაკლის რეჟისორი დავით წერეთელი. ლანჩხუთელმა ახალგაზრდა მსახიობებმა წარმოადგინეს „ოჯახური იდილია“ სცენაზე. მონაწილეობდნენ: გურამ იმნაძე, ბაჩანა პატარაია, ქრისტინა ლორია, თეკლა დვალიშვილი, ლელა ჭეიშვილი, ბაჩი ხუხუნაიშვილი. სპექტაკლი ნამდვილად პროფესიონალურად იყო დადგმული, რა თქმა უნდა, ამაში განსაკუთრებული წვლილი რეჟისორს_დავით წერეთელს მიუძღვის. სამწუხარო მხოლოდ ერთი ფაქტი იყო, ეს ჩვენთვის ,,ერთი ფაქტი“, თორემ არტისტებისთვის მთავარი. სპექტაკლს არცთუ ისე ბევრი ხალხი ესწრებოდა, თვალში საცემი იყო სკოლის მოსწავლეების მაღალი ინტერესი. სპექტაკლს ოფიციალური პირებიც ესწრებოდნენ: ლანჩხუთის მერი, მერის პირველი მოადგილე და საკრებულოს რამდენიმე დეპუტატი. ეს იყო ნამდვილად გამორჩეული ერთი საათი ლანხუთის კულტურულ ცხოვრებაში. მსახიობები იმდენად კარგად თამაშობდნენ, რომ ალბათ დამსწრე საზოგადოებიდან არც ერთ ადამიანს სპექტაკლის დამთავრება არ უნდოდა. სასიხარულოა, როდესაც ასეთ მაღალ საშემსრულებლო კლასს აჩვენებენ ჩევნი მუნიციპალიტეტის ახალგაზრდა მსახიობები. ვფიქრობთ, რომ ყოფილიყო ორგანიზატორების მხრიდან საზოგადოების მეტი ინფორმირება, დარბაზში ბევრად ნაკლები სკამი დარჩებოდა ცარიელი. ლანჩხუთის საზოგადოება ნამდვილად არ არის განებივრებული მსგავსი საღამოებით და სპექტაკლზე დასასწრებ ძალზედ იაფიან (ორი ლარი) ბილეთში ფულის გადახდა არ დაენანებოდათ. სხვას რომ ყველაფერს თავი დავანებოთ, სპექტაკლს ის ხალხიც არ ესწრებოდა, ვისაც ხელოვნების სიყვარულზე და ცოდნაზე აქვს პრეტენზია. კულტურის გაერთიანების ცენტრში კი მუშაობს იმდენი ადამიანი, რომ სულ მცირე რამდენიმე რიგი კიდევ შევსებულიყო დარბაზში და რეჟისორისთვის, მსახიობებისთვის მეტი სტიმული მიეცათ. თუ თვითონ უკეთეს პროექტებს გვთავაზობენ და მისი მომზადებით არიან დაკავებულები, ამასაც მალე ვიხილავთ. ბრავო დავით წერეთელს, ბრავო მის მსახიობებს!
თორნიკე ჯიჯიეშვილი

ვალოდია წულაძის ნატერფალზე!

valkaთეატრი ხელოვნებაა, რომელიც ქვეყანაში მიმდინარე ცხოვრებისეულ სინამდვილეს განასახიერებს დრამატული მოქმედებით, იმ ადამიანების მიერ, ვისაც ეს ყველაზე უკეთ ეხერხებათ. ადამიანი, რომელიც ხშირად დადის თეატრში, თეატრის მოყვარულია და იგი კარგი მაგალითი უნდა გახდეს სხვებისათვის, განსაკუთრებით ჩვენი ნიჭიერი ახალგაზრდობისათვის.

ვრცლად: ვალოდია წულაძის ნატერფალზე!

თბილი ტანგო და მხიარული საღამო, რომელიც ლადო აფხაზავას მიუძვნა საქართველოს პედაგოგთა და მეცნიერთა თავისუფალმა პროფკავშირმა (ლანჩხუთის რაიონულმა ორგანიზაციამ)

MMMM743928 4990054062528344613 nსაღამომ, რომელიც ლელა ქურიძის ხელმძღვანელობით ჩატარდა, ძალიან თბილ და მეგობრულ გარემოში ჩაიარა. ლელა ქურიძე გახლავთ საქართველოს პედაგოგთა და მეცნიერთა თავისუფალი პროფკავშირის ლანჩხუთის რაიონული ორგანიზაციის ხელმძღვანელი. მოგეხსენებათ, რომ ლადო აფხაზავა გახდა მასწავლებლის ეროვნული ჯილდოს პირველი გამარჯვებული საქართველოში, ლანჩხუთელმა კოლეგებმა და შემოქმედებითი კუთხით მოღვაწე ადამიანებმა, გადაწყვიტეს ერთი დასამახსოვრებელი საღამო ეჩუქებინათ ლადოსთვის. ღონისძიებაზე მოწვეული სტუმრის რანგში იმყოფებოდნენ საქართველოს პედაგოგთა და მეცნიერთა თავისუფალი პროფკავშირის პრეზიდენტი მაია კობახიძე და მისი მოადგილეები, ლანჩხუთის საგანმანათლებლო რესურსცენტრის ხელმძღანელი ნინო ჩიტაძე, აგრეთვე ლანჩხუთის მუნიციპალიტეტის საკრებულოს თავმჯდომარე ბესიკ ტაბიძე, მისი მოადგილე ვლადიმერ ნანაძე და საკრებულოს ერთ-ერთი კომისიის თავმჯდომარე ალექსანდრე მახათაძე, ლანჩხუთის მერი საპატიო მიზეზის გამო ვერ ესწრებოდა აღნიშნულ საღამოს. საქართველოს პირველმა პედაგოგმა ცოტათი დაიგვიანა, ხოლო მის დარბაზში შემოსვლას ოვაციებით შეხვდნენ, ეკრანზე გადიოდა ის დაუვიწყარი მომენტები, როდესაც ლადო აფხაზავას მასწავლებლის ეროვნული ჯილდო გადასცეს. შეხვედრაზე იმყოფებოდნენ პედაგოგები მუნიციპალიტეტის თითქმის ყველა სკოლიდან, ზოგიერთმა მათგანმა საღამოს გმირს სიმღერა, ლექსი, ცეკვა მიუძღვნა. განსაკუთრებით გაახალისა დამსწრე საზოგადოება სუფსის კოლექტივმა, მათ ლადო აფხაზავას ვარსკვლავი გაუხსნეს. დარბაზი მთლიანად აიყოლია მარინა ბარამიძის და ლადოს ტანგომ. უნდა აღინიშნოს, რომ ზოგიერთი შემსრულებლის პროფესიის დადგენა გაგიჭირდებოდათ, იმდენად არტისტულები იყვნენ, საღამოზე აქტუალური იყო ,,კომედი შოუს“ სკეტჩები, სტუმრებმა განსაკუთრებით ისიამოვნეს ,,ბუთქუნა და თამაზას“, ასევე ,,ზოიას და მარინას“ ლანჩხუთური ინტერპრეტაციით. შეხვედრაზე აღინიშნა, რომ ხელისუფლება ყურადღებას იჩენს პედაგოგთა საზოგადოების მიმართ და მასწავლებლის ეროვნული ჯილდოს დაწესებაც ამის ნათელი მაგალითია, ხაზი გაუსვეს იმ გარემოებასაც, რომ აღნიშნულ ღონისძიებას ადგილობრივი მთავრობაც ესწრებოდა. ბესო ტაბიძე თავის სიტყვაში ძალზედ ემოციური იყო, მან ყველას შეახსენა, რომ ლადო აფხაზავა ნიგვზიანელია და ის ამით განსაკუთრებულად ამაყობს, მან გვერდით დგომა აღუთქვა პედაგოგებს და მადლობა გადაუხადა მათ, ღირსეული მოღვაწეობისათვის. საქართველოს პედაგოგთა და მეცნიერთა თავისუფალი პროფკავშირის პრეზიდენტის, მაია კობახიძის თქმით, მას ეს დღე არასდროს დაავიწყდება, ის აღფრთოვანებული დარჩა ლელა ქურიძის და ლანჩხუთელების მასპინძლობით. როგორც მან აღნიშნა, ლადო აფხაზავა იმსახურებს ასეთ სიურპრიზებს და ის მის გამო ბედნიერია. პედაგოგებმა მას სხვადასხვა სამახსოვრო საჩუქრები გადასცეს.
თორნიკე ჯიჯიეშვილი

მოიწონეთ სტატია