ილია ტუღუშს არავითარი სამსახურეობრივი ურთიერთობა არ ჰქონია კლუბთან

gurisaiiaსაფეხბურთო კლუბი ლანჩხუთის ,,გურია“ ღრმა მწუხარებას გამოთქვამს ილია ტუღუშის გარდაცვალების გამო და სამძიმარს უცხადებს გარდაცვლილის ოჯახის წევრებს და ახლობლებს.
ილია ტუღუშს ყველა ნაცნობი ახასიათებს როგორც მოწესრიგებულ, განათლებულ და ოჯახის მოყვარულ პიროვნებას, რომელსაც ყველასთან ნორმალური ურთიერთობა ჰქონდა. იყო თავისი საქმის კარგი სპეციალისტი. დასანანია ასეთი პიროვნების უდროო დანაკლისი, როგორც ოჯახისათვის, ასევე სრულიად საქართველოსთვის.
ამასთან ვაცხადებთ, რომ ილია ტუღუშს არავითარი სამსახურებრივი ურთიერთობა არ ჰქონია კლუბთან. არ გააჩნდა პრო-2 ლიგაში ოფიციალური მატჩების მსაჯობის ლიცენზია. მსაჯობდა მხოლოდ ამხანაგურ მატჩებს. იგი როგორც ლანჩხუთელი, იყო ლანჩხუთის ,,გურია“-ს დიდი გულშემატკივარი და როგორც სხვა ლანჩხუთელი ხშირად ესწრებოდა მატჩებს.
ვინმე ირაკლი ბახტაძეს, არავითარი კავშირი არ ჰქონია კლუბთან და არც დასაქმებული არ ყოფილა. რაც შეეხება გიორგი იმნაიშვილს, ოფიციალურად არც ის ყოფილა დასაქმებული კლუბში. იგი როგორც ბიზნესმენი, ზოგჯერ ეხმარებოდა ფეხბურთელებს მკურნალობაში, რასაკვირველია თავისი ხარჯებით. ვინაიდან, კლუბს არ ჰყავდა სპორტული დირექტორი, ხოლო იმნაიშვილი წარსულში იყო ფეხბურთლი და ჰქონდა სპორტული გამოცდილება, სურვილი გვქონდა მოგვეწვია ის აღნიშნულ თანამდებობაზე, თუმცა ბოლომდე მოლაპარაკება არ ყოფილა მიღწეული.
რაც შეეხება გარიგებულ თამაშებს, ეს სრული აბსურდია, ამაზე მიმდინარე წელს ,,გურიის“ ,,წარმატებებიც“ მიუთითებს. ამასთან, დღევანდელი ფეხბურთის ფედერაცია განსაკუთრებულ ყურადღებას ამ საკითხებს და თუ არა მსაჯის უნებლიე შეცდომები, მათთან მოლაპარაკების გზით მატჩების მოგებაზე საუბარი გამორიცხულია. თუ გუნდი ძლიერია, ასეთი შეცდომები შედეგზე განსაკუთრებულ მნიშვნელობას ვერ იქონიებს.
გვინდა ვაღიაროთ, რომ მიმდინარე სეზონზე ჩვენ გვყავდა სუსტი გუნდი, რაც გამოწვეული იყო როგორც ობიექტური, ისე სუბიექტური მიზეზებით და სათანადო შედეგი მოვიმკეთ.
კლუბს ჰყავს ადმინისტრაცია, პრესცენტრი და ჟურნალისტებს ვთხოვთ, ობიექტური ინფორმაციის მისაღებად, საკადრო და კლუბში მიმდინარე სხვა პროცესებზე ჩვენ მოგვმართოს და არა რიგით თანამშრომლებს, რომლებიც ყველა საკითხში ვერ ერკვევიან, რის გამოც მკითხველიც და მაყურებელიც არასწორ ინფორმაციას იღებს, რაც მოცემულ შემთხვევაში ბახტაძის და იმნაიშვილის შემთხვევაში მოხდა. რაც შეეხება ნუგზარ ჩხაიძეს, ის ნამდვილად მუშაობს კლუბის აღმასრულებელი დირექტორის მოადგილედ.
ილია ტუღუშის საქმეზე მიმდინარეობს გამოძიება, რომელიც დაადგენს ობიექტურ ჭეშმარიტებას და ყველა შესაძლო დამნაშავე, თუ კი რამე წვლილი მიუზღვის ტუღუშის დაღუპვაში, სათანადო პასუხს აგებს კანონის წინაშე. ამიტომაც, შესაძლო ვერსიებისგან და მკითხაობისგან ყველას თავის შეკავება მართებს.
თელავის ,,თელავთან“ ორივე შეხვედრაში იყო შეუპოვარი ბრძოლა, ობიექტური მსაჯობა და თელავის ახალგაზრდულმა გუნდმა დამსახურებულად გაიმარჯვა. მათ მხარეზე იყო ფორტუნაც, რამაც წარმატება მოუტანა მათ და გულითადად ვულოცავთ აღმასვლას. აწ გარდაცვლილ ი. ტუღუშს არავითარი კავშირი არ ჰქონია ამ თამაშებთან და თავისი კომპეტენციითაც არ შეეძლო რაიმე გავლენის მოხდენა. ამასთან, როგორც გავიკითხეთ, ის იყო უპატიოსნესი პიროვნება და ასეთ დანაშაულებრივ საქმიანობაში, არ გვგონია მონაწილეობა მიეღო, თუნდაც მასზედ წვდომა ჰქონოდა.
ამიტომაც გთხოვთ, ეჭქვეშ ნუ დააყენებთ მის პატიოსნებას და კლუბის რეპუტაციას. მოვითმინოთ, თუნდაც გამოძიების დასრულებამდე.
კლუბის ყველა თანამშრომელი ქედს იხრის ბატონი ილოს ხსოვნის წინაშე.
საფეხბურთო კლუბ ლანჩხუთის ,,გურია“-ს ადმინისტრაცია

,,მჯერა ობიექტური ჟურნალისტის მოკვლეული ფაქტების და დარწმუნებული ვარ, რომ დროულია ამ საკითხზე განგაშის ატეხა“.

china6,,ჰო და არა“ გასულ ნომერში დაიბეჭდა სტატია, სათაურით ,,სკანდალი- ლანჩხუთში მალე ბორდელი გაიხსნება?“ მას შემდე, რაც ეს წერილი წაიკითხა საზოგადოებამ, ჩვენს მობილურ ტელეფონებზე ზარები არ შეწყვეტილა. ვინც გვიკავშირდებოდა, მათი უმრავლესობა შეწუხებული იყო ბორდელის შესაძლო გახსნით და იმ მდგომარეობით, რაც ამ მიმართულებით გვაქვს ლანჩხუთში. ისინი მადლობას გვიხდიდნენ გაფრთხილებისთვის და ამავდროულად გვთხოვდნენ, რომ ყურადღება არ მოვადუნოთ. თუმცა, იყვნენ ისეთებიც, ვინც უკმაყოფილონი დარჩნენ. მათი თქმით, ჩინელები საქმისთვის არიან ჩამოსული და ცილს ტყუილად ვწამებთ, ,, ასეც რომ იყოს ქართველები უნდა იყვნენ წესიერად და პატიოსნად, ჩინელი არავის მოხტომიან ზურგზე, მეძავები და გათახსირებულები მუდამ იყვნენ და ამას ნურავის ნუ დააბრალებთ“- გვითხრა სატელეფონო საუბრისას ერთ-ერთმა მოქალაქემ, რომელიც დაფარული ნომრიდან რეკავდა რატომღაც და ვინაობის გამხელაც არ ისურვა, მისი საუბრის ტონი, რბილად რომ ვთქვათ, არ იყო მთლად ცივილიზებული. ჯერ ერთი, ,,ჰო და არა“ ცილს არავის წამებს, ჩვენ რეაგირება მოვახდინეთ შემოსულ ინფორმაციაზე და საზოგადოება საქმის კურსში ჩავაყენეთ. მეორეც, მიგვაჩნია რომ შექმნილი სიტუაცია არ არის სახარბიელო, არც ჩვენთვის და არც ჩვენი შვილებისთვის. მიუხედავად იმისა, რომ ჩვენ ვართ თავისუფალი პრესა და უნდა მოვერიდოთ პოზიციის დაფიქსირებას, საჭიროდ ვთვლით მსგავს შემთხვევაში გამონაკლისი დავუშვათ და ვიდგეთ იქ, სადაც ჩვენი ხალხის კეთილდღეობა ითხოვს. წერილს გამოეხმაურნენ საზოგადოებისთვის ცნობადი სახეები, მაგალითად: ყოფილი მოსამრთლე და გამგეობის ადმინისტრაციის სამსახურის უფროსი(ახლა ალბათ მერიისაც) მაგული კუნჭულია წერს: ,, აზრების გამოთქმის კი არა, მოქმედების დროა. არც ერთმა ვაჟკაცმა ლანჩხუთელმა არ უნდა დაუშვას ასეთი ფაქტი. ლანჩხუთი იმდენად პატარაა, საჭმელში ვინ რა სუნელს იყენებს ის იციან. ეს მოვლენა, ქუდზე კაცმა არ უნდა დაუშვას. ჩვენ მთელ საქართველოს ვერ გადავარჩენთ, მაგრამ ლანჩხუთს უნდა მივხედოთ. ასევე მიხედონ სხვებმა თავიანთ მუნიციპალიტეტებს. მე მჯერა ობიექტური ჟურნალისტის მოკვლეული ფაქტების და დარწმუნებული ვარ, რომ დროულია ამ საკითხზე განგაშის ატეხა“.
სრულიად საპირისპირო პოზიციას აფიქსირებს ლანჩხუთის გამგებლის ყოფილი მოადგილე ვახტანგ ზენაიშვილი: ,, ბავშვები ვეღარ გაგვიშვია გარეთ მაგათი შიშით, ისედაც ცისფერების და ვარდისფერების ხანა დადგა და კიდე ეს გვინდოდა?“- ეს ფრაზა ხომ თავისთავად სისულელეა და ვერც წერილის სულისკვეთება გავიგე. რაზე ხართ აღშფოთებული? ზრდასრული ადამიანები თუ სხვაზე არ ძალადობენ და სხვას არ ვნებენ, ნებაყოფლობით რა ურთიერთობებში შევლენ ერთმანეთთან ვისი რა საქმეა?!“. ბატონი ვახტანგი იქვე დასძენს: ,, პროსტიტუცია რომ ლეგალიზებული უნდა იყოს არც ესაა საკამათო!
ქალბატონი მაგულის კომენტარს პასუხს არ ვცემთ, ჩვენს მიერ ზემოთ დაფიქსირებული პოზიციის შემდეგ მიხვდებოდით, რომ ჩვენი აზრები ემთხვევა. რაც შეეხება ბატონი ვახტანგის კომენტარს, მიუხედავდ მისი პიროვნების მიმართ დიდი პატივისცემისა, სრულიად გაუგებრად მიგვაჩნია, თუ რატომ ცდილობს ის, თავისუფალი ნება და აღვირახსნილობა გააიგივოს. ,,ეს ფრაზა ხომ სისულელეა“აღნიშნავს ზენაიშვილი ერთ-ერთი მოქალაქის მიერ გამოთქმულ პრეტენზიაზე, რომელიც ვგონებთ სტატის ავტორის მიერ დაფიქსირებულ პოზიციად აღიქვა. ბატონო ვახტანგ! ეს არ არის სისულელე, თუ კი ადამიანები ცდილობენ, რომ ზნეობრივად სრულყოფილები იყვნენ, დაიცვან თავიანთი შვილები გარყვნილებისგან და მანკიერი ცდუნებებისგან, რა არის ამაში მიუღებელი? გვესმის, რომ თქვენ ორგანიზაცია ,,გირჩის“ აქტიური მხარდამჭერი ბრძანდებით და მათ პოზიციებს სრულად იზიარებთ, მაგრამ ეს აპრიორი არ ნიშნავს იმას, რომ ჭეშმარიტებას ღაღადებთ. სხვა დანარჩენი კი მუდმივად ცდება. აგრეთვე გვინდა პასუხი გავცეთ თქვენს მინაწერს, ,, პროსტიტუცია რომ ლეგალიზებული უნდა იყოს არც ესაა საკამათო!“- საბედნიეროდ, ჯერჯერობით საქართველოში არ არის პროსტიტუცია ლეგალიზებული, ასე რომ, ამაზე მართლაც არ ღირს კამათი.


თორნიკე ჯიჯიეშვილი

აცანას კიდევ ერთი სალოცავი შეემატა

acaaaaana3471939 326179731118869 531472082198563234 nშაბათს 11 ნოემბერს, მისი მაღალყოვლადუსამღვდელოესი მიტროპოლიტი იოსების ლოცვა-კურთხევით სოფელ აცანაში, კვიჭიძეების უბანში იკურთხა წმინდა მარინეს სახელობის ტაძარი. თავდაპირველად ტაძრის მშენებლობას საფუძველი ძმებმა ლადო და ენვერ კვიჭიძეებმა ჩაუყარეს, სამწუხაროდ მათ არ დასცალდათ მადლიანი საქმის ბოლომდე მიყვანა. აცანის მკვიდრმა, ბიზნესმენმა სოსო(სოლომონ) ჩხაიძემ შეძლო და სრულყოფილი სახე მისცა ამ ტაძარს. აღსანიშნავია, რომ ოქონის ტაძარიც, რომელიც გამორჩეულ ადგილას მდებარეობს და ულამაზეს სანახაობას წარმოადგენს, სწორედ სოსო ჩხაიძემ ააშენა. აცანა  ტაძრების სიმრავლეს ნამდვილად არ უჩივის, თუმცა მრევლი  სანთლით საძებარია!

როგორც მთელს მუნიციპალიტეტში, ასევე შუხუთშიც, მოსახლეობა შიშ-კანკალით ელოდება ზამთრის დადგომას

suxutii3 4E3693CD80AD cx10 cy0 cw89 w1023 r1 sშუხუთის ტერიტორია დასახლებული იყო უძველესი დროიდან. ჩვ. წ. V-VI საუკუნეებში შუხუთის ტერიტორიაზე არსებობდა ციხე-ქალაქი. ციხე-ქალაქის არსებობა დასტურდება სოფლის ტერიტორიაზე ნაპოვნი მასალით: მე-5-6 საუკუნეების სასახლის ნაშთებით, 5-6 საუკუნეების მთავარანგელოზის ტაძრის ნანგრევებით, ე.წ. „თერმას“ ტიპის აბანოს ნანგრევები და აბანოს იატაკის მოზაიკური ფრაგმენტით, ასევე კერამიკული მილების საკმაოდ რთული სისტემით. სავარაუდოდ, ქალაქის არსებობას ხელს უწყობდა თიხამიწით და კირქვით მდიდარი მიწა. ციხე-ქალაქის არქეოლოგიური გათხრები 1961 წელს განხორციელდა.
ტოპონიმი შუხუთი მოხსენიებულია 1708 წელს. თქმულების მიხედვით იგი წარმოიშვა თურქებისაგან, რომლებმაც ამ ადგილს უწოდეს უხუთი (აუღებელი). სოფელში იდგა ღვთისმშობლის ქვით ნაგები ეკლესია, ქვის გალავნით და ქვისავე მთავარანგელოზის ეკლესია. 1855 წელს, ყირიმის ომის დროს მოხდა ბრძოლა რუსეთისა და ოსმალეთის ჯარებს შორის.
ლელო
შუხუთი ცნობილია ლელობურთის შეჯიბრით, რომელიც ყოველ აღდგომა დღეს იმართება. ლელოს ტრადიცია სათავეს შუხუთფერდის ბრძოლიდან იღებს. ლელოს გატანის წესები ასეთია: ბურთი იწონის ერთ ფუთს (16 კილოგრამს). ბურთის ტყავი ივსება სილით და ნახერხით. ძველად სანამ ბურთს ბოლომდე მოკერავდნენ, მანამდე აღდგომის წინა ღამეს, ბურთში აგუნას წვენს ასხამდნენ. აგუნა უძველესი წარმართული რიტუალიდან გადმოსული გაქრისტიანებული ღვინის დღესასწაულია. აგუნა შავი ღვინის, თაფლის, ბროწეულის წვენის ნაზავია. გამარჯვებული ის არის, ვინც ლელოს ღელის გადაღმა გადაიტანს თავის მოთამაშეებიანად.


გადავწყვიტეთ სოფელ შუხუთზე გაგვეკეთებინა რეპორტაჟი, რადგან ბოლო ხანს მომხდარი მოვლენების ეპიცენტრში სწორედ შუხუთია. როგორც მოგეხსენებათ, ე.წ ,,ფერმერთა სახლი“ დავის საგნად იქცა მუნიციპალიტეტსა და სოფელს შორის. შენობა, რომელიც თავის დროზე პარლამენტარმა გიორგი გოგუაძემ და პავლე ორაგველიძემ გააკეთეს, ეკონომიკის სამინისტრომ მუნიციპალიტეტს აუსახა თავის ბალანსზე. გადაწყდა, აუქციონით გარკვეულიყო ამ შენობის ბედი. აუქციონში მონაწილეობა არ მიუღია ჯლ-ის ფირმას, ანუ პავლე ორაგველიძის კომპანიას. კომპანია ,,ტოდინი“ერთადერთი იყო, ვინც ამ აუქციონში მიიღო მონაწილეობა და შესაბამისად გაიმარჯვა. ,,ჰო და არა“ დაუკავშირდა პავლე ორაგველიძეს, რომელმაც განაცხადა, რომ იწყებს სასამართლო დავას მუნიციპალიტეტის წინააღმდეგ. ,,სიმართლე ჩვენს მხარესაა და აუცილებლად გავიმარჯვებთ, უახლოეს ხანში ყველაფერს ნათელი მოეფინება, ბოლომდე ვიბრძოლებთ, რათა სოფლის ინტერესები დავიცვათ“- ამბობს ორაგველიძე. სავარაუდოდ, აღნიშნული საკითხი ხმაურისა და პრობლემების გარეშე ვერ გადაწყდება.
რაც შეეხება სხვა პრობლემურ საკითხებს, ჩინური კომპანიის წინააღმდეგ ამჯერად შუხუთელებიც გამოვიდნენ, მოსახლეობის თქმით, მათი ცხოვრება გაუსაძლისი გახადა კომპანიის მძიმეწონიანი მანქანების გადაადგილებამ. ,,ვერც ქუჩაში გამოვსულვართ და ვერც სახლში გავჩერებულვართ. მთელი ზაფხული ისე გავიდა, ერთხელაც არ მოურწყავთ გზა. გვესმის, სახელმწიფო მნიშვნელობის პროექტი ხორციელდება, მაგრამ ვის ხარჯზე?! ჩვენი და ჩვენი შვილების ჯანმრთელობა თუ შეიწირა ამ ამბავმა და მოვკვდით, რაღად მინდა მერე მაგათი გზა. კიდევ სამი წელი უნდა გაგრძელდესო და ამ დროში ვინღა დავრჩებით ცოცხალი?! ისეთი მტვრის ბუღია ირგვლივ, დავიხოცებით ყველა. ეგ უნდათ მგონი კიდეც. არჩევნები რომ იყო, ხომ დავუდექით გვერდით ხელისუფლებას, ახლა მოვიდნენ და თავადაც დაგვიდგენ გვერდში“- აცხადებენ აქციის მონაწილეები. ხელისუფლების მაგივრად, შუამავალი აქაც პოლიცია აღმოჩნდა, სამართალდამცავების თხოვნის თუ მოთხოვნის შედეგად, მძიმეწონიანმა მანქანებმა ჩვეულ რეჟიმში გააგრძელეს მუშაობა. მოსახლეობამ მიიღო დაპირება, რომ უახლოეს ხანში მათი პრობლემა მოგვარდება.
როგორც მთელს მუნიციპალიტეტში, ასევე შუხუთშიც, მოსახლეობა შიშ-კანკალით ელოდება ზამთრის დადგომას, ვინაიდან სოფლის მეურნების მოსავალი ამ შემოდგომაზე ნულს უტოლდება. პრობლემაა შეშის საკითხიც, მართალია გაზი შესულია ამ თემში, თუმცა უსახსრობის გამო ბევრ ოჯახს შეყვანილი არ ჰყავს სახლში. მაგალითისთვის მოგიყვანთ ბესარიონ იმნაიშვილს, 62 წლის კაცს, რომელიც სამჯერ არის ნაინფაქტარი და მეორე ჯგუფის ინვალიდია და სახელმწიფო პენსიის სახით 100 ლარს აძლევს, სოციალური დახმარება მოუხსნეს. მას არა აქვს არანაირი ფინანსური შესაძლებლობა გაზი შეიყვანოს სახლში, ის კი არადა, თავი ძლივს გააქვს, თუ ამას თავის გატანა ჰქვია. როგორც მოსახლეობა აღნიშნავს, იმ ფართობებში, სადაც შეწამვლა მოხდა, შედარებით არის მოსავალი, ხოლო იმ საყანე ფართობებიდან საერთოდ არ მიუღიათ მოსავალი, სადაც შეწამვლა არ მომხდარა. დასაქმება შუხუთშიც ტრადიციული პრობლემაა, საფრთხე ექმნებათ იმ დასაქმებულ შუხუთლებსაც, ვინც კომპანია ,,ტოდინში“ მუშაობს, რადგან როგორც პავლე ორაგველიძე და კომპანია GL აცხადებს, ,,ტოდინი“ ისე მოიქცევა, როგორც ისინი ეტყვიან და შეიძლება საერთოდ გავიდეს ბაზრიდან. ,, ,,ტოდინი“ ჩვენი ხათრით ჩერდება აქ, თორემ მისთვის ბევრად ხელსაყრელია ფოთში მუშაობა, ყველა დღე უწევთ სიარული ლანჩხუთსა და ფოთს შორის. თუ საქმე ჩვენს სასარგებლოდ არ გადაწყდება, მაშინ იძულებულლნი გავხდებით ,,ტოდინი“ აქედან გავუშვათ და ამდენი ხალხიც დაუსაქმებელი დარჩება“- ამბობენ GL-ში.
არაერთხელ დაუყენებია საკრებულოში საკითხი შუხუთის მაჟორიტარს აკაკი იმნაიშვილს ყოფილი კულტურის სახლთან დაკავშირებით, მოსახლეობასაც ხშირად მიუმართავს შესაბამისი სამსახურებისთვის, რათა ამ შენობის ბედი გადაწყვეტილიყო. მაგრამ, ეს შენობა დღემდე საფრთხეს წარმოადგენს მოსახლეობისთვის, შინაური პირუტყვისთვის. ულამაზესი ეკლესიის გვერდით, ასეთი უსახური შენობის არსებობა და ისიც საშიშ მდგომარეობაში, ნამდვილად არ მეტყველებს ინფრასტრუქტურის სამსახურის კარგ მუშაობაზე.
ხაზგასასმელია ერთი მნიშვნელოვანი ფაქტი, სადაც გავიარეთ, ვისაც არ შევხვდით, თითქმის ყველგან ერთი და იგივე გვესმოდა და კატეგორიულად მოითხოვეს დაგვეფიქსირებინა. როგორც აღმოჩნდა, შუხუთის მაჟორიტარი დეპუტატი დიდ ქველმოქმედებას ეწევა სოფელში, ,,არ არსებობს გაჭირვებული რომელსაც კაკო არ დახმარებია, არ ყოფილა შემთხვევა, რომ ვინმეს არ დახმარებოდა მატერიალურად თუ კი მას მიმართავდნენ, ჯიბის ფულით ეხმარება ხალხს, სოფლის ადმინისტრაციულ ცენტრს საკუთარი სახსრებით პატრონობდა და ადამიანებს ხელფასს უხდიდა, ცენტრის მოვლა-პატრონობაში“- ეს მცირე ჩამონათვალია, რაც მოსახლეობისგან გავიგეთ. ჩვენ ვაპირებდით ბატონ კაკო იმნაიშვილთან სოფლის საჭირ-ბოროტო თემებზე გასაუბრებას, მაგრამ ხალხის მიერ დაფიქსირებული პოზიციის გამო აღარ მივიჩნიეთ საჭიროდ მისთვის გვეკითხა, თუ რას აკეთებს სოფლისთვის.
შუხუთის ზოგიერთ უბანს წყლის, ხოლო თითქმის ყველა უბანს გარე-განათების პრობლემა აწუხებს. სოფლის მოსახლეობა იმედოვნებს, რომ ახლადარჩეული საკრებულო და ლანჩხუთის მერი გულისხმიერებას გამოიჩენს და მათ ყველა პრობლემის მოგვარებაში დაეხმარება.
თორნიკე ჯიჯიეშვილი

რა უარყოფითი შედეგები შეიძლება მოჰყვეს მთავრობის მიერ შემოთავაზებულ საპენსიო პროგრამას?!

GOCIII115277122140547 8776163632589019555 nიმედია, არ ვარ ერთადერთი ადამიანი საქართველოში, რომელიც ფიქრობს, რომ ხელისუფლება უნდა აზროვნებდეს საზოგადოებრივად და არა საკუთარ თავზე მორგებული პრინციპებით. შევეცადე დამენახა დღევანდელი ხელისუფლების მხრიდან საზოგადოებრივი მიდგომა საქმისადმი, მაგრამ ამაოდ. პირადი ინტერესი იცოცხლე ყველას აქვს. ვიზა-ლიბერალიზაციის საკითხი ავიღოთ თუნდაც, იმხელა ხელფასები და პრემია-დანამატები აქვთ მთავრობის წევრებს, რომ ნამდვილად აქვთ ფუფუნება საზღვარგარეთ გაემგზავრონ და გაერთონ, ჩვენ კი...
ახლა მთავრობამ ,,არაჩვეულებრივი“გეგმა შემოვგვთავაზა, თურმე კარგი იქნება საკუთარ პენსიას ჩვენვე თუ გამოვიმუშავებთ. თვით აფრიკის ჩამორჩენილ ქვეყნებს შორისაც ვერ იპოვით სახელმწიფოს, რომელსაც მსგავსი უაზრო და უვარგისი განვითარების გეგმა გააჩნია. საქართველოში 500 ლარის ზემოთ ხელფასი საზოგადოების მინიმალურ პროცენტს შეიძლება ჰქონდეს, ისინი როგორმე შეძლებენ დანაზოგის გაკეთებას, მაგრამ როგორ მოიქცეს იმან, ვისაც ხელფასი საერთოდ არ აქვს? ამ კითხვაზე ზუსტი და ამომწურავი პასუხი არსებობს- ვერ დავაგროვებთ მომავლის პენსიას და მორჩა. მთავრობამ ისიც ვერ მოიფიქრა, რომ ამ პროგრამის შესასრულებლად, ქვეყნის მოქალაქეების დასაქმებაა საჭირო. ეს პროგრამა გახლავთ ხალხის აგდება, სრული ამ სიტყვის მნიშვნელობით. უნდა დავზოგოთ ფული, რომელიც არ გვაქვს, უნდა შევჭამოთ სიბერეში, როცა ახლა გვშია. პენსიონერთა საზოგადოება ითვლება საზოგადოების იმ კატეგორიად, რომელიც ყველაზე მეტად იმსახურებს დაფასებას, პატივისცემას და ყურადღებას. ჩვენს ქვეყანაში მათი ღვაწლი დავიწყებასაა მიცემული. როგორ შეიძლება ადამიანები, რომლებიც 18 წლიდან 60-65 წლამდე მუშაობდნენ, იყვნენ მედიცინის მუშაკები, პედაგოგები, ინჟინრები, თუნდაც უბრალო მუშები და ა.შ მათ წინაშე მთავრობა პასუხისმგებლობას იხდის 180 ლარით! ლარი კი სადაცაა კუპონს დაემსგავსება. 180 ლარი დღეს 18 ლარის ტოლფასია.
რამდენიმე დღის წინ სოფელ ქვიანში ჩავედი ახლობელთან, ერთი ბებო შევნიშნე, რომელსაც გადაადგილება უჭირდა და სახლამდე მივაცილე. ნამდვილი საცოდაობის მომსწრე გავხდი, ამ მოხუცებულის პატარა სახლს კრამიტები მთლიანად ჩამოსცვენოდა, ხოლო სახლი ოთხი ცალი ბამბუკით ჰქონდა შებიჯგული და გამაგრებული. სახელს და გვარს არ ვწერ შეგნებულად, ვინაიდან სოციალური დახმარებით სარგებლობს ეს ადამიანი, ერთადერთი უცოლო შვილი ცეროზით გარდაეცვალა. პატარა ,,კორფუჯის“ ფირმის ტელევიზორის და ორი ნათურის მქონე მოხუცებულს, დენის გადასახადი 31 ლარი მოუვიდა! ამ ბებოს შემხედვარე, თითქოს უსულო სხეულით წამოვედი. ხედავთ ძვირფასო მთავრობის წევრებო, რა დღეშია ხალხი? სანამ თქვენ პრემია-დანამატებს ჯილდოს არქმევთ, მანამ ხალხი ტანჯვა-წამებაში ლევს სულს. სამწუხაროდ, საბჭოთა კავშირის დაშლის შემდეგ, პენსიონერებს არასდროს ჰქონიათ დაფასება. ნუ იფიქრებთ ბატონებო მხოლოდ საკუთარ თავზე, თორემ ნათქვამია ,,დრონი მეფობენ და არა მეფენი“. საქართველოში მცხოვრებ ყველა პენსიონერს ვუსურვებ დიდხანს სიცოცხლეს და ჯანმრთელობას!
გოჩა პაპავა

მოიწონეთ სტატია