ოზურგეთის მერი კოტე შარაშენიძე გახდა!

ცესკოს მიერ გამოქვეყნებული პირველადიdownload მონაცემებით ოზურგეთის მერი კოტე შარაშენიძე გახდა. ,,ქართული ოცნება" ნასაკირალის უბნის ბათილად ცნობას მოითხოვს. თავდაპირველად 61უბნის მონაცემებით ბეგი სიორიძე იგებდა, გადამწყვეტი ნასაკირალის ხმები აღმოჩნდა. ოზურგეთში რეგისტრირებული ამომრჩევლის 56.9%  გამოცხადდა ხმის მისაცემად. სხვაობა ამ დროისთვის კანდიდატებს შორის 114 ხმას შეადგენს!

რა უნდა ლანჩხუთის პოლიციის უფროსს სოფელ ოზურგეთში?!

police,,პარლამენტართა საზოგადოების" წევრი ფიქრია მამარდაშვილი აცხადებს, რომ ლანჩხუთის პოლიციის უფროსი ნუკრი ცარციძე მას კატეგორიულად სთხოვდა ვიდეო-კამერის გადაცემას. შემთხვევა სოფელ ოზურგეთის საარჩევნო უბანთან მოხდა, როგორც მამარდაშვილმა ადგილობრივ მედიას განუცხადა, მან გადამღებით დააფიქსირა, როგორ ეწევიან ღია აგიტაცია-პროპაგანდას მმართველი პარტიის წარმომადგენლები. როდესაც მას გადაღებაში ხელი შეუუშალეს, გამოუძახა პოლიციას, მისი თქმით ადგილზე მივიდა ლანჩხუთის პოლიციის უფროსი და მანაც კამერის გადაცემა მოსთხოვა!

გია გოგუაძე პარტიას ტოვებს და პოლიტიკიდანაც მიდის

gia,,დავიღალე, 10 წელია სუფთა პოლიტიკაში ვარ, ამ დროის განმავლობაში მე და ჩემი ოჯახი სრული წნეხის ქვეშ ვართ. ყველა ჩემი ახლობელი და ნათესავი დაიტანჯა იმის გამო, რომ თურმე გია გოგუაძე განაგებს ლანჩხუთის რაიონში სიტუაციას. დღემდე მამაჩემის, დავით გოგუაძის პიროვნებით ვამაყობ და მომავალშიც ვიამაყებ, არასდროს შემირცხვენია მისი სახელი. ახლა დროა ოჯახს, შვილებს და შვილიშვილებს დავუთმო მთელი ყურადღება, მინდა დავამახსოვრდე მათ, როგორც კარგი მამა და ბაბუა"-ეს მცირე ამონარიდია გია გოგუაძის ინტერვიუდან, რომელსაც ხვალინდელ ,,ჰო და არას"ნომერში იხილავთ. წინასწარ გეტყვით, რომ ბატონი გია ძალიან ბევრ საინტერესო თემაზე საუბრობს. 

რატომ წავიდა გია გოგუაძე პოლიტიდან და რითია ის გაკვირვებული?

go,,ჰო და არას“ მიერ მოპოვებული ინფორმაციით, ლანჩხუთის ყოფილმა გამგებელმა, რამდენიმე მოწვევის საკრებულოს დეპუტატმა გია გოგუაძემ ,,ნაციონალური მოძრაობის“ რიგები დატოვა. გადავწყვიტეთ ინფორმაცია თავად ბატონ გიასთან გადაგვემოწმებინა, ამასთან საშუალება მოგვეცა ისეთ თემებზე გვესაუბრა მასთან, რაც საზოგადოებას ძალიან დააინტერესებს.
-ბატონო გია, როგორც გავიგეთ თქვენ პოლიტიკიდან წასვლა გადაწყვიტეთ და ამის შესახებ უკვე განუცხადეთ აწ უკვე ყოფილ თანაპარტიელებს, ეს ინფორმაცია სიმართლეს შეესაბამება?
-კი, ნამდვილად ასეა. დავიღალე, 10 წელია პოლიტიკაში ვარ, ამ დროის განმავლობაში მე და ჩემი ოჯახი სრული წნეხის ქვეშ ვართ. ყველა ჩემი ახლობელი და ნათესავი დაიტანჯა იმის გამო, რომ თურმე გია გოგუაძე განაგებს ლანჩხუთის რაიონში სიტუაციას. დღემდე მამაჩემის, დავით გოგუაძის პიროვნებით ვამაყობ და მომავალშიც ვიამაყებ, არასდროს შემირცხვენია მისი სახელი. ახლა დროა ოჯახს, შვილებს და შვილიშვილებს დავუთმო მთელი ყურადღება, მინდა დავამახსოვრდე მათ, როგორც კარგი მამა და ბაბუა. ახლა რაც შეეხება იმას, თუ რატომ გადავწყვიტე მაინცდამაინც ახლა ამ ნაბიჯის გადადგმა: ყველაფერთან ერთად მივხვდი, რომ მიუხედავად ადამიანების მოსყიდვებისა, ფულის დარიგებებისა, ტოტალური კონტროლისა და ა.შ ჩვენს მოსახლეობას როგორც ჩანს ამ რეალობაში სურს ცხოვრება. ამაზე დიდხანს ვფიქრობდი, ადრეც მსურდა წასვლა, მაგრამ გამოვედი პარტიის ინტერებიდან და კეთილსინდისიერად ვასრულებდი ჩემს მოვალეობას.
-ამბობენ, საკრებულოში რომ მოხვედრილიყო გია გოგუაძე, მაშინ არ წავიდოდა პოლიტიკიდანო...
- ყოფილი გამგებელივით ხატზე ფიცებას არ დავიწყებ, ვინც კარგად მიცნობს ეცოდინება ჩემი სიტყვის ფასი, ჰოდა, გეუბნებით: იმ შემთხვევაშიც კი, რომ შევსულიყავი საკრებულოში, ამ მოცემული რეალობიდან გამომდინარე, არ შევიდოდი საკანონმდებლო ორგანოში და ჩემს მანდატს ალალად დავუთმობდი მაგალითად გივი ცინცაძეს. იმ სიტუაციაში, როგორშიც დღეს იმყოფება ოპოზიცია, წარმოუდგენელია რაიმეს შეცვლა და ღირებულის შეტენა ლანჩხუთს რეალობაში. არ ვმალავ, რომ პარტიის ორად გაყოფამ ძალიან იმოქმედა ჩემზე, ეს იყო ძალიან ცუდი პროცესი, რომელმაც თავისი შედეგი გამოიღო. ვინც ამბობს, რომ გოგუაძე იმიტომ მიდის თურმე, რომ საკრებულოში ვერ შევიდა და თამაშგარეთ დარჩაო, მათ ვუპასუხებ: გია გოგუაძე იყო ის კაცი, ვინც თავის დროზე უარი თქვა გამგებლობაზე, იმიტომ რომ არჩევნებზე ხალხმა არ დაუჭირა მხარი. ამას დღესაც გვაყვედრიან, ურუშაძე თქვენ მოიყვანეთო. მოგეხსენებათ მაშინდელ საკრებულოში 22 კაციანი უმრავლესობა გვყავდა და თავისუფლად შემეძლო გამგებლის პოსტის ხელახლა დაკავება, მაგრამ არ ვიკადრე, ძალიან ცდებიან თუ ფიქრობენ, რომ სკამზე ჩაციკლული კაცი ვარ.



- ისე საინტერესოა, ელოდით თუ არა იმას, რომ ,,ნაციონალური მოძრაობა“ სამ კაცსაც ვერ შეიყვანდა ლანჩხუთის საკრებულოში? რამ გამოიწვია თქვენი დაბალი პროცენტი თვითმმართველობის არჩევნებზე?
-რომ გითხრათ, დიდად გაკვირვებული დავრჩი მეთქი მოგატყუებთ. თითქმის არ გვქონდა ფინანსები, ასევე პარტიის მენეჯმენტიც არ იყო ჩემთვის იდეალური. კახა ასკურავა საუბრობდა თქვენთან ინტერვიუში და იმ ზეწოლის ფაქტებს აღარ ჩამოგითვლით, რასაც ჩვენს მიმართ ჰქონდა ადგილი. ძალიან შეგვიშალა ხელი იმან, რომ ხალხი ვერ გაერკვა, ვინ დარჩა ,,ნაციონალურ მოძრაობაში“ და ვინ წავიდა ,,ევროპულ საქართველოში“. ის ხმები რაც 2-მა ნომერმა აიღო, რა თქმა უნდა, კონკრეტულად ნაციონალებს მოაკლდა. ისე მიკვირს, რას ერჩის ლანჩხუთი ,,ნაციონალურ მოძრაობას“, კი ბატონო შესაძლოა ის რეჟიმი, რაც ქვეყანაში იყო ადამიანებს არ მოსწონდათ, მაგრამ ლანჩხუთში ხომ ძალიან ბევრი კარგი საქმე გაკეთდა იმ დროს. გადახედონ ჩვენი ხელისუფლების პერიოდში რა კეთდებოდა რაიონში და ახლა რა კეთდება. რის გამოც ,,ნაციონალურ მოძრაობას“ მიწასთან ასწორებდნენ, ვგულისხმობ ძალადობას, ამაში ხომ ჩვენი, ადგილობრივი ორგანიზაციის ბრალეულობა ნულის ტოლია. სასიამოვნოდ გაოცებული ვარ ახალგაზრდული ფრთის მუშაობით, გივი ცინცაძემ, ემზარ ბერიძემ, კახა პატარაიამ და სხვებმა პოზიტივი შემოიტანეს პარტიაში. გივი ცინცაძე საერთოდ ცალკე განსახილველი თემაა, არ შეიძლება ასეთი პიროვნებების დაკარგვა. ადამიანმა სასწაულები შეძლო, კარდაკარ დადიოდა, გვერდით ედგა გაჭირვებულებს, ეხმარებოდა ბაღებს და სკოლებს პრობლემების მოგვარებაში. ის, რაც ვერ გავაკეთეთ ჩვენ, ანუ ,,ვეტერანებმა“, გააკეთა ამ ხალხმა. როდესაც ჩემი წასვლის შესახებ განვუცხადე თანაპარტიელებს, იქვე შევთავაზე კახას, რომ აღმასრულებელი მდივნის პოსტზე ჩემს მაგივრად გივი ცინცაძე დანიშნონ. მე პოლიტიკიდან მივდივარ, თორემ მუდამ ამ ხალხის გვერდით ვიქნები, ჩემთვის ადამიანური ღირებულებები ძალიან ბევრს ნიშნავს. საბოლოო ჯამში, მივიღეთ ის, რაც მივიღეთ. როგორც ზემოთ აღვნიშნე, ალბათ ჩვენს საზოგადოებას ასეთ რეალობაში ცხოვრება უნდა და ვერაფერს გავაწყობთ.
- ვერ ავუართ გვრდს ,,რუხი კარდინალის“თემას. სადაც არ უნდა იყოთ, მაინც მუდამ ისაუბრებენ იმაზე, რომ ყველაფერს თქვენ განაგებთ ლანჩხუთის რაიონში. ეს მართლა ასეა?
- სწორედ ამ უაზრო ჭორებმა და ბრალდებებმა დამღალეს. როცა გამგებელი ვიყავი მაშინაც არ მაკლდა კრიტიკა, მაგრამ ვერავინ იტყვის, რომ საქმე არ კეთდებოდა იმ პერიოდში. როცა მართლა შემეძლო საკვანძო გადაწყვეტილებების მიღება, ამას დაუფიქრებლად ნამდვილად არ ვაკეთებდი.  გია ჭანტურია მეუბნებოდა: ,,ცხელ გულზე არაფერი გააკეთო, დღეს დაფიქრდი და ხვალ გადაწყვიტეო“. ორჯერ მინდოდა თანამდებობის დატოვება გამგებლობის პერიოდში, იმის გამო, რომ რაღაც საკითხები არ შემითანხმეს, მათ შორის იყო აკეთის ჩაის ფაბრიკის თემა. მაშინ პირდაპირ დავავალე ჩემს წარმომადგენელს აკეთის თემში - გიორგი მორჩილაძეს, რომ გადაეკეტათ ყველა გზა, რათა არ გასხვისებულიყო ფაბრიკის ქონება. შეცდომები ჩემს დროსაც იყო, ისე საქმე არ კეთდება, მაგრამ ის რაც ახლა ხდება, კატასტროფაა. თქვენი გაზეთის საშუალებით ვგებულობ, რომ ა(ა)იპ-ებიდან ხალხს უშვებენ, კიდევ უფრო მეტი ადამიანის გაშვება და სამსახურების რეორგანიზაციები მოხდება, მაგრამ მე ახლა სხვა რამე მინდა ვთქვა. როდესაც ჩემი ოფისიდან გამოვიხედავდი, დღის ნებისმიერ მონაკვეთში ვხედავდი, რომ სამსახურების თანამშრომლები ,,ბირჟაობდნენ“. მართლა რომ რაიმეს გადაწყვეტა შემძლებოდა, პირველ რიგში ამას არ დავუშვებდი. არც ის კაცი ვარ, ჩემი ურთიერთობები ბოროტად გამოვიყენო და ვინმე უხერხულ სიტუაციაში ჩავაყენო. ასე რომ, ხმები იმასთან დაკავშირებით, თითქოს ვინმესთან შეკრული ვარ ან გარიგებული, არის მოგონილი, რათა ავტორიტეტი შემილახონ. როგორც გითხარით, შემეძლო გამგებლობა და არ დავბრუნდი, ასევე უკვე წინა მოწვევის საკრებულოში კომისიის ჩაბარებაზე ვაცხადებდით პრეტენზიას, რათა ჩვენი რეალური ძალა გვენახვებინა, როდესაც ბიულეტინების გახსნა მიმდინარეობდა, ვხედავდით რომ ზოგიერთს გული დაეხატა და ზოგსაც სამკუთხედი, ალბათ მიხვდებით რატომაც. გარიგებაში ვარ კი არა, ჩემს ირგვლივ მყოფებიც კი შემომაცალეს, რაზეა საერთოდ საუბარი. ჩემი შვილი ქვეყნიდან გააქციეს და ზეწოლა დღემდე გრძელდება.
- გია გოგუაძე პოლიტიკის გარეშე მაინც ძნელად წარმოგვიდგენია. ფიქრობთ, რომ მოვა დრო და კვლავ ჩაერთვებით საქმეში?
- ამ ეტაპზე დასვენება გადავწყვიტე. სანამ ხელისუფლებები პოლიტიკის კეთებას ვერ ისწავლიან, მანამ ქვეყანაში სიტუაცია უკეთესობისკენ არ შეიცვლება. არჩევნები უნდა ჩაატაროს პარტიებმა და არა მთავრობებმა. ის შედეგი, რაც ,,ქართულმა ოცნებამ“ აჩვენა, საერთოდ არ არის პარტიის აქტივის დამსახურება, მთელი წინასაარჩევნო პერიოდი იმუშავა ხელისუფლებამ. იმედია მოვა დრო, როდესაც კვლავ გამიჩნდება პოლიტიკაში დაბრუნების სურვილი.
თორნიკე ჯიჯიეშვილი

 

რატომ დაყვებოდნენ კახა ასკურავას პოლიციის თანამშრომლები მოსახლეობასთან შეხვედრებზე და რა ,,მასტერკლასი“ ჩაუტარა ხელისუფლებამ ოპოზიციას?!

 

askurროგორც მოგეხსენებათ, ცოტა ხნის წინ ჩატარებული ადგილობრივი თვითთმართველობის არჩევნებზე ,,ნაციონალურმამოძრაობამ“ იმაზე ბევრად ნაკლები ხმა მიიღო, ვიდრე ეს მათ წარმოედგინათ, ხოლო ლანჩხუთის საკრებულოში სულაც ორი დეპუტატით იქნებიან წარმოდგენილი. არჩევნების დასრულების შემდეგ ბევრს საუბრობდნენ იმაზე, შევიდოდა თუ არა კახა ასკურავა საკრებულოში, დატოვებდა თუ არა ადგილობრივი ორგანიზაციის თავმჯდომარეობის პოსტს და ა.შ... გადავწყვიტეთ თავად ლანჩხუთის პირველ ნაციონალთან გადაგვემოწმებინა ინფორმაცია, ასევე დავინტერესდით, თუ რას აბრალებს ასკურავა ასეთი დაბალი პროცენტის მიღებას.
-ბატონო კახა, არჩევნებამდე თქვენ ძალიან ოპტიმისტურად იყავით განწყობილი და ამბობდით, რომ 21 ოქტომბერი იქნებოდა ,,ოცნების“ დასასრულის დასაწყისი. მაგრამ, ,,ქართულმა ოცნებამ“ მოახერხა და არა მარტო ლანჩხუთში, არამედ მთელს საქართველოში ძალიან მაღალი შედეგი აჩვენა, რამ გამოიწვია ეს?
- ნამდვილად ვფიქრობდი და ვფიქრობ, რომ ,,ქართული ოცნება“არის ის ძალა, რომელიც არ უნდა მართავდეს ქვეყანას, ამის თქმის საფუძველს მაძლევს მათი არაპროფესიონალიზმი, არაკომპეტენტურობა, გულგრილობა მოსახლეობის მიმართ და სხვა უამრავი ფაქტორი. მოგეხსენებათ, ჩვენი წინასაარჩევნო კამპანია იყო ძალიან აქტიური და მოცულობითი, კარდაკარ სიარულის დროს ვხედავდით, თუ რამხელა პროტესტი იყო მმართველი ძალის მიმართ. მოსახლეობა იყო აღშფოთებული ხელისუფლების უმოქმედობით, უნიათობით, საქმისადმი დამოკიდებულებით, ამ ხალხს არ შეიძლება ოცნებისთვის მიეცა ხმა. ვნახეთ, რა ხდებოდა სოფლებში, როგორ უჭირს ხალხს, ფაქტიურად წელს სოფლის მეურნეობა თავზე დაგვექცა, ადამიანები შიმშილისთვის არიან განწირულები, ლარი კატასტროფულ მდგომარეობაშია, მოსახლეობის უდიდესი ნაწილი უმუშევრობას განიცდის და დღეს ,,ქართული ოცნების წევრები“ მიმტკიცებენ, რომ ისინი ხალხის რჩეულები არიან ? მინდა ხაზგასმით აღვნიშნო, რომ ეს იყო კარგად დაგეგმილი სპეცოპერაცია და არა არჩევნები, ლანჩხუთის მაგალითზე გეტყვით, არც ალეკო სარიშვილს და არც ერთ დეპუტატს წინასაარჩევნო კამპანია არ ჩაუტარებია, ეს იყო სპეცსამსახურების მიერ გატარებული ღონისძიებები. ძალიან ბევრ დეპუტატს ალბათ ახლაც სიზმარში ჰგონია თავი, ,,ვაა, საკრებულოში შევედიო“? პირადად მე დამყვებოდნენ ძალოვნები და მაკონტროლებდნენ, მაგალითად, ბაღლეფში სტიქიამ ძალიან დააზარალა მოსახლეობა. დავრეკე ტელევიზიებთან და წავედი ადგილზე სიტუაციის გასაცნობად. ხუთ წუთში პოლიციის პიკაპი მომყვა უკან. ძალიან დიდი შეცდომა დავუშვი თურმე, როდესაც მოსახლეობასთან ჩემს შეხვედრებს სოციალურ ქსელში ვაქვეყნებდი და ფოტოებს ვურთავდი, ამის შემდეგ ხდებოდა მათი იდენტიფიკაცია, მიმდინარეობდა ზეწოლა ამ ხალხზე, ვინ მოისყიდეს, ვინ დააშინეს და ა.შ... კოორდინატორების ჩასმას ვერ აუთავდნენ, გამოიყენეს ყველა ბერკეტი, რათა მოსახლეობის უდიდესი პროტესტი ჩაეხშოთ. სამწუხაროდ, ამის უფლებას ის კანონმდებლობა აძლევთ, რომელიც ფეხსაცმელივით მოირგეს. არც ერთი ფულადი ჯარიმა არ დაფიქსირებულა ამ არჩევნებზე, როცა ჩვენ 2000-2000 ლარით დავჯარიმდით 2012 წელს, იმის გამო, რომ რწმუნებულს სააკაშვილის ფოტო ეკიდა კაბინეტში.


-ამბობთ, ხელისუფლების მხრიდან გამოყენებული იქნა ადმინისტრაციული რესურსი, მაგრამ იქნებ ოპოზიციამ საკუთარ თავშიც უნდა ეძებოს პრობლემა?


-პასუხისმგებლობას არ გავურბივართ, ნამდვილად უფრო ფხიზლად უნდა ვყოფილიყავით და დაგვეცვა ამომრჩევლის ხმა, მაგრამ როგორც ეკა ბესელიამ თქვა, რაშიც 100%-ით ვეთნხმები_ ,,ხელისუფლებამ მასტერკლასი ჩაგვიტარა“. ყველაფერი გააკეთეს იმისთვის, რომ არჩევნები გარეთ გაყალბებულიყო და უკვე მზა სახით შეეტანათ ხმის მიმცემ კაბინაში. სრული პასუხისმგებლობით ვაცხადებ, ასეთი გაყალბებული არჩევნები მე არ მახსოვს. ძალიან კარგად იმუშავა ჩვენმა შტაბმა, შეძლებისდაგვარად მოვახერხეთ და ამომრჩევლებამდე მივიტანეთ პარტიის ხედვები და პროგრამები, ალბათ ამ დროს უკვე მუშაობდა გაყალბების სქემა და მმართველ პარტიაში ეღიმებოდათ. ხელისუფლებამ პატიოსან ბრძოლას ხალხის მოტყუება, შანტაჟი და მოსყიდვა ამჯობინა. სახელებს და გვარებს შეგნებულად არ ვასეხელებ, პირდაპირ შემომითვალეს ვერ ეღირსები იმას ,,რაზეც ოცნებობო“.
-თქვენ უფინანსობას უჩიოდით...
-კი, ეს იყო ჩვენთვის ძალიან მძიმე თემა. მოგიყვანთ რამდენიმე მაგალითს: გამომდინარე იქედან, რომ ყველა მსურველი, ვისაც შეეძლო ფინანსურად დაგვხმარებოდა დაბლოკეს, პარტიამ გადაწყვიტა ცენტრალური ოფისი გაეყიდა თბილისში, თან ისეთ ფასად, რომ ბიზნესმენებს კბილები უწაკწაკებდათ. მაგრამ, რა გასაკვირია, რომ ხელისუფლებამ ეს საკითხიც პირად კონტროლზე აიყვანა და ოფისი ვერ გაიყიდა. ამის შემდეგ გადაწყდა, რომ გირაოში ჩადებულიყო მიშა სააკაშვილის ბიბლიოთეკა, რომელიც საკმაოდ პრესტიჟულ უბანში_ საბურთალოზე მდებარეობს, ამაზეც ყველა ბანკს უარი ათქმევინეს. რაც შეეხება ლანჩხუთის სიტუაციას, გამომდინარე ჩემი ურთიერთობებიდან და გაკეთებული საქმეებიდან, მქონდა მორალური უფლება დახმარება მეთხოვა რამდენიმე შეძლებული ადამიანისთვის, რათა წინასაარჩევნო კამპანია როგორმე ნორმალურად წარგვემართა. იცით რა შემომითვალეს?_ ,,კახა რას გვერჩიო“. ალბათ დაგაინტერესებთ რამდენი დავხარჯეთ წინასაარჩევნოდ, 8 000 ლარი და შევიძინეთ ტონანახევარი საწვავი, როცა მარტო 20 ოქტომბერს ოცნების აქტივმა 17 000 ლარის ბენზინი ჩაისხა ,,სოკარზე“. მე მგონი ამით ყველაფერია ნათქვამი.


- როდესაც არჩევნები დამთავრდა, გავრცელდა ინფორმაცია, რომ თქვენ არ აპირებდით საკრებულოში შესვლას და ასევე გადადგებოდით ლანჩხუთის ადგილობრივი ორგანიზაციის თავმჯდომარის პოსტიდან. რა ხდება სინამდვილეში და რა სამომავლო გეგმები გაქვთ?



-პირველ რიგში, დიდი მადლობა მინდა გადავუხადო იმ ადამიანებს, ვინც ხმა მოგვცა. მათ გაუძლეს ყველანაირ ზეწოლას და სახე არ დაკარგეს. ძალიან მაგრად იმუშავა ჩვენმა ახალგაზრდულმა ფრთამ, მათ ფაქტიურად კარდაკარ შემოიარეს მუნიციპალიტეტი. არ ვარ გაბრაზებული იმ ამომრჩევლებზე, რომლებიც, ყველა გათვლებით, ჩვენ გვაძლევდნენ ხმას, მაგრამ ზემოთ ხსენებული ბინძური ხრიკები გამოიყენეს, რათა ხმა ოცნების სასარგებლოდ მიეცათ. ჩვენ ვაგრძელებთ ბრძოლას, აუცილებლად დადგება დრო, როდესაც ხელისუფლება შეიცვლება და ყველა სიბინძურეს აეხდება ფარდა. როგორ იცით, ჩვენი პარტიის მხრიდან გასაჩივრებულია არჩევნების შედეგები. ჯერ საარჩევნო პროცესი არ დამთავრებულა. კონკრეტულად ერთი კახა ასკურავა გაზაფხულს ვერ მოიყვანს, ასე რომ იყოს, სიამოვნებით ვიტყოდი დეპუტატის მანდატზე უარს. ველოდები ცენტრალური ოფისის საბოლოო გადაწყვეტილებას, თუ პარტია ბოიკოტს გამოაცხადებს, მაშინ რასაკვირველია, ჩვენც არ შევალთ ლანჩხუთის საკრებულოში. პირადად ჩემი აზრია, რომ მიუხედავად ყველაფრისა, უპატივცემულობა იქნება ჩვენი გარეთ დარჩენა იმ მოსახლეობის მიმართ, პირველ რიგში, ვინც ხმა მოგვცა. უახლოეს ხანში პარტია ყველაფერზე ჩამოყალიბდება და დაწვრილებით ინფორმაციას მოგაწვდით.
თორნიკე ჯიჯიეშვილი

 

მოიწონეთ სტატია