პროექტი ,,სოციალური გაკვეთილი“, რომელიც წარმატებით შედგა

hhhhhმედიაჰოლდინგ ,,ჰო და არასთან" არსებულ საზოგადოებრივ დარბაზში გაიმართა ჩიბათის საჯარო სკოლისა და ,,თავისუფალი სახლის" ერთობლივი ღონისძიება. ვუმასპინძლეთ რეგიონის სოციალური სამსახურის მუშაკებს და ხელმძღვანელ პირებს. პროექტის მიზანი იყო: მოსწავლე-ახალგაზრდობის ცნობიერების ამაღლება სოციალური პრობლემების და სოციალური გამოწვევების შესახებ. ღონისძიებაში მონაწილეობა მიიღეს ლანჩხუთის მუნიციპალიტეტის საჯარო სკოლების მოსწავლეებმა.
ინიციატივა ეკუთვნოდა მასწავლებლის ეროვნული ჯილდოს მფლობელს ლადო აფხაზავას, რომელმაც ,,თავისუფალ სახლში“ მოიწვია რეგიონის სოციალური მომსახურების სააგენტოს ხელმძღვანელი თეა ლომჯარია, უფროსი სოციალური მუშაკი მაია ჯაში, ლანჩხუთის სოციალური მომსახურების სააგენტოს მუშაკი ნინო ჩხარტიშვილი, ლანჩხუთის სოციალური მომსახურების სააგენტოს ხელმძღვანელის მოვალეობის შემსრულებელი ეკა წილოსანი, ასევე ამ სააგენტოს იურისტი ნინო შატბერაშვილი. შეხვედრას მოწვეული სტუმრის რანგში ესწრებოდა ოზურგეთის საკრებულოს დეპუტატი ხათუნა ცერცვაძე.


სტუმრების მოსვლამდე, ლადო აფხაზავა შეეცადა მოსწავლეებისთვის აეხსნა, თუ რა დიდ საქმეს აკეთებს სოციალური სამსახური: ,, უნდა აღინიშნოს, რომ სოციალური მომსახურების სააგენტო მუდმივად უარყოფითი კონტექსტში იხსენიება და მათი დაუღალავი შრომა და საქმიანობა მოსახლეობის დიდი მასისთვის უცნობია, მათ შორის მოსწავლე ახალგაზრდობისთვის. მინდა გითხრათ, რომ ეს ადამიანები საქმეს აკეთბენ ძალიან ჩუმად, როგორც მოგეხსენებათ, ღრმა მდინარეები არ ხმაურობენ. არის შემთხვევები, როდესაც სოციალური მუშაკები შაბათ-კვირასაც მუშაობენ, მათ აქვთ თავიანთი ოჯახები, მაგრამ სამსახურის გამო ყველაფერი გვერდზე აქვთ გადადებული. ეს შეხვედრა ემსახურება იმას, რომ თქვენ მიიღოთ სრული და ამომწურავი ინფორმაცია ამ სამსახურის შესახებ. ნინო ჩხარტიშვილი, რომელიც არის ლანჩხუთის რაიონში სოციალური მუშაკი, უბრალოდ წარმოუდგენელი ენერგიის და სიკეთის მატარებელი პიროვნებაა, რომელსაც ,,დეიდა ნატოც“ კი შევარქვით“-ასე მიმართა მოსწავლეებს ლადო აფხაზავამ.
სტუმრების მოსვლის შემდეგ, ლადო აფხაზავამ მოსწავლეებს ჰკითხა, თუ რა ინფორმაციას ფლობდნენ აღნიშნული სამსახურის შესახებ. უამრავი მოსწავლით გადაჭედილ დარბაზში ერთი მოსწავლეც არ აღმოჩნდა , რომელიც თუნდაც მიახლოებით გააჟღერებდა სოციალური მომსახურეობის სააგენტოს საქმიანობას. სწორედ ამიტომაც განხორციელდა პროექტი " სოციალური გაკვეთილი" .
რეგიონის სოცილაური სამსახურის უფროსმა, თეა ლომჯარიამ ვრცლად ისაუბრა იმ საქმიანობის შესახებ, რომელსაც ეს სამსახური ანხორციელებს:,, სოციალური მომსახურების სააგენტო ადმინისტრირებას უწევს რამდენიმე ათეულ სოციალურ და ჯანმრთელობის დაცვის სახელმწიფო პროგრამას. სააგენტო მრავალმილიონიანი ხარჯების განმკარგავი სამსახურია, რომელიც მიმართულია მრავალფეროვანი, მომსახურებისა თუ დახმარების საჭიროების მქონე კონტინგენტის - ბენეფიციართა - სოციალური გასაცემლებით, ჯანდაცვისა და სოციალური სახელმწიფო პროგრამებით მაქსიმალური უზრუნველყოფისკენ. სახელმწიფო პენსია, სოციალური დახმარება, ჯანმრთელობის დაზღვევა, შეზღუდული შესაძლებლობის სტატუსის მქონე პირთა სათანადო უზრუნველყოფა, მზრუნველობამოკლებული ბავშვების მეურვეობა-მზრუნველობა და სხვა საკითხები.სოციალური მომსახურების სააგენტოს ძირითადი მიზანი მოსახლეობის სოციალურად ყველაზე დაუცველი ფენის მხარდაჭერა, მოქალაქეთათვის გაწეული მომსახურების ხარისხის ამაღლება, სერვისების დახვეწა, უფრო მოქნილ, მარტივ და სწრაფ, მოსახლეობისათვის ადვილად ხელმისაწვდომ მექანიზმებზე გადაყვანაა“_აუხსნა მოსწავლეებს თეა ლომჯარიამ.
ხათუნა ცერცვაძემ სთხოვა მოსწავლეებს, რომ ჩაერთონ სოციალურ პროგრამებში, დაეხმარნონ სხვებს და ამით ცხოვრება შეუმსუბუქონ გვერდით მყოფებს. ასევე, მან იმედი გამოთქვა, რომ ,,სოციალური გაკვეთილის“ შემდეგ, ბევრ მოსწავლეს გაუჩნდება სურვილი, მომავალში გახდეს სოციალური მუშაკი.
სამსახურის უფროსმა სოციალურმა მუშაკმა მაია ჯაშმა, სოციალურმა მუშაკმა ნინო ჩხარტიშვილმაც სრული ინფორმაცია მიაწოდეს ბავშვებს სოციალური მუშაკის სამიანოიბაზე და აღწერეს ერთი სამუშაო დღ, რომელმაც მოსწავლეებზე ეფექტი მოახდინა.


კომპეტენტური პირების გამოსვლების შემდეგ ,მოსწავლეების პრეზენტაციების ჯერი დადგა, მათ მუშაობა სწორედ იმ პრინციპით მოუწიათ, როგორც სოციალურ სამსახურის მუშაკებს უწევთ თანამშრომლობა, რამაც პრეზენტაციების მაღალი ხარისხი დაანახა მოსწავლეებს და დამსწრე საზოგადოებას. სოციალური სამსახურის წარმომადგენლები აღფრთოვანებულები დარჩნენ იმ ფაქტით, რომ მოსწავლეებმა მაქსიმალურად მოკლე დროში მოახერხეს და ზუსტი ინფორმაცია მიიღეს ამ სააგენტოს საქმიანობის შესახებ. ბავშვები ხუთ ჯგუფად იყვნენ დაყოფილები, ხუთივე ჯგუფმა წარმოადგინა მათ მიერ გაკეთებული პოსტერები, ყველა მათგანმა უდიდესი მოწონება დაიმსახურა.
შეხვედრის ბოლოს სტუმრები და მოსწავლეები ერთმანეთს თბილად ჩაეხუტნენ და ასეთ მაჟორულ ნოტაზე, ცოტათი თვალცრემლიანებმა დატოვეს დარბაზი.
თორნიკე ჯიჯიეშვილი

ჩიბათის საჯარო სკოლისა და ,,თავისუფალი სახლის" ერთობლივი ღონისძიება

afxa 6263814865796009876 nსამშაბათს, 19 დეკემბერს 15:00 საათზე მედიაჰოლდინგ ,,ჰო და არასთან" არსებულ საზოგადოებრივ დარბაზში გაიმართება ჩიბათის საჯარო სკოლისა და ,,თავისუფალი სახლის" ერთობლივი ღონისძიება. ვუმასპინძლებთ რეგიონის სოციალური სამსახურის მუშაკებს და ხელმძღვანელ პირებს. პროექტის მიზანია: მოსწავლე-ახალგაზრდობის ცნობიერების ამაღლება სოციალური პრობლემების და სოციალური გამოწვევების შესახებ. ღონისძიებაში მონაწილეობას მიიღებენ ლანჩხუთის მუნიციპალიტეტის საჯარო სკოლების მოსწავლეები და პედაგოგები.

გოგი ურუშაძის თვალით დანახული ლანჩხუთის წარსული და მომავალი

gogiiiრა გადაარჩენს სოფლის მეურნეობას?!! და როგორცხოვრობდა ლანჩხუთის მოსახლეობა სულ ოცდაათიოდე წლის წინ, როგორია ლანჩხუთი ახლა და რა სიკეთეები შეიძლება მოგვიტანოს კოოპერატივების განვითარებამ გვესაუბრება, ა(ა)იპ `საგარეო-ეკონომიკური ურთიერთობების, ინვესტიციების, ტრანსპორტის, ტურიზმისა და მეწარმეობის განვითარების ცენტრის დირექტორის მოადგილე გოგი ურუშაძე.
-ბატონო გოგი, მე მინდა გესაუბროთ სოფლის მეურნეობის სპეციალისტებზე, აგრონომებზე მექანიზატორებზე და ა.შ . როგორი იყო ლანჩხუთი მაშინ, როცა ამ დარგის სპეციალისტები იყო მოთხოვნადი და რა პერსპექტივებს ხედავთ სამომავლოდ ამ კუთხით?
- დავამთავრე, სოხუმის სასოფლო-სამეურნეო ინსტიტუტის ჩაისა და სუბტროპიკულ კულტურათა ფაკულტეტი, სპეციალობით ვარ აგრონომი. მეამაყება, ისეთ პერიოდში მომიწია, სწავლა- განათლების მიღება და ლანჩხუთის რაიონის წამყვან სამსახურებში მუშაობა. ძალიან ახალგაზრდა, დავინიშნე ჩაის ფაბრიკის დირექტორად, შემდეგ კოლმეურნეობის თავმჯდომარედ. 29 წლის ასაკში დავინიშნე, სოფლის მეურნეობის სამინისტროს, აგროპრომის კოპერირებისა და სასურსაოთო, ექსპერიმენტალური პროგრამის ხელმძღვანელის თანამდებობაზე, სადაც ხელშეკრულებით იწარმოებოდა პროდუქცია, ვაწარმოებდით დიდი რაოდენობით ხორცს, მიმდინარეობდა მოსახლეობაზე შესაფუთი მასალის გაცემა, მარტივი ტიპის ლიმონარიუმისათვის, ეს არ ხდებოდა უფასოდ, შესაბამისი თანხა იყო პირადზე დარიცხული და წლების მანძილზე იხდიდა მოქალაქე , ან კიდევ იმ ნედლეულის ღირებულებიდან, რომელსაც თავად აწარმოებდა, ხდებოდა ამ თანხის დაფარვა. ასე იყო მეცხოველეობაშიც, ვცემდით კომბინირებულ საკვებს, ასვე ვარიგებდით გოჭებს გამოსაზრდელად.
ვინც კოოპერირებაში იყო ჩაბმული, მათ უფასოდ დაუხნავდნენ და დაუთესავდნენ საყანე ფართობებს, თითოეულ სოფელში სამი წარმომადგენელი გვყავდა: ორგანიზატორი, დამამზადებელი და ბუღალტერი. ყოველი თვის ბოლოს მიწევდა ანგარიშწორება სამინისტროსთან, ძალიან ახალგაზრდა ვიყავი და როგორც სამინისტროს წარმომადგენელს ისეთივე საშვი მქონდა, რომელიც დღესაც მაქვს შენახული.
1983 წლის დასაწყისში, ამირჩიეს გულიანის კოლმეურნეობის თავმჯდომარედ, სადაც დიდი რაოდენობით პროდუქცია იქმნებოდა, წამყვანი იყო ჩაი და ციტრუსი. საკუთარი დანაზოგიდან ავაშენე ჩაის ფაბრიკა, ჩემი სოფლის გარდა, ვღებულობდით და ვამუშავებდით მთელი თემის ჩაის ნედლეულს და ოზურგეთის მოსაზღვრე სოფლებისაც. გვქონდა მაღალი რენტაბელობა, ალბათ წაიკითხავენ და გაიხსენებენ სოფელ გულიანის მაცხოვრებლები, თუ როგორი წარმატებები გვქონდა ჩვენ. გლეხს არ სჭირდებოდა სოფლიდან გასვლა, შემომქონდა სულგუნი, ყველი, კარაქი, შაქარი, ზეთი და სხვა აუცილებელი პროდუქტები რომელთა გადაცვლაც ხდებოდა ჩაის პროდუქციაზე.
-ანუ ამ დროს სოფელი ჰყვაოდა ასე გამოდის?
-არ იფიქროს გაზეთის მკითხველმა , რომ კოლმეურნეობას მივსტირი, დღეს კიდევ უკეთესი საშუალებაა სოფლის მეურნეობის პროდუქციის წარმოებისათვის, განა ეს ხელისუფლებას არ უნდა? !! მაგრამ არის კატეგორია ხელმძღვანელი თანამდებობის პირების , როგორიც არის სოფლის მეურნეობის სააგენტო, რომლებიც ისე ინიშნებიან, რომ წარმოდგენა არა აქვთ სოფელზე, ასევე სოფლის მეურნეობის სამინისტროში, აღარ დარჩა ძველი კადრი თუ მხედველობაში არ მივიღებთ, ბატონ თამაზ კუნჭულიას, როცა მოიყრის თავს რაღაც საინტერესო თემები, გავრბივარ და მას ბევრს რამეს ვეკითხები.
მადლიერი ვარ იმ კაცის და ბედნიერი ვარ, რომ ის ჩემი ისნტიტუტის რექტორი იყო , ბატონ პოპოლეონ ქარქაშაძის.. ამ ცოტა ხნის წინ მეცნიერებათა აკადემიამ მოაწყო შეხვედრა და რატოღაც რაიონიდან ჩემს მეტი არავინ იყო დამსწრეთაგან, შეხვედრა შეხვედრისათვის ასე დამთავრდა იქ, არადა ამ დარგის შველა შეიძლება ძალიან ლამაზად....
-წლები გადის და არაფერი ადგილიდან არ იძვრის სოფლის მეურნეობაში , რას გვეტყვით ვის შეუძლია ამ დარგის შველა?
-ეს საქმე უნდა აკეთოს, ისეთმა ხალხმა ვისაც, უშუალოდ აქვს შეხება სოფლის მეურნეობასთან, სოფლის მეურნეობის ინსტიტუტი აყალიბებდა ამ დარგით, დაინტერესებულ ახალგაზრდობას, ჩვენი რაიონი იყო სოფლის მეუნეობის და არ შემიძლია ყველა ყოფილ რაიკომის მდივანზე ცუდათ ვიმსჯელო, იმათაც აინტერესებდათ ინოვაციური პროექტები. მაგალითისათვის: ამ რამდენიმე წლის წინ სააკაშივილის მთავრობამ მოგვიტანა, ყვითელი სიმინდი და გვითხრა, ასე დათესეთო, ძალიან კარგად ვიცოდით ჩვენ და ჩვენმა სპეცილისტებმა ეს ამბავი, 40 წლის წინ ვთესავდით ჰიბრიდულ თესლებს, პირიქით იქეთ ვასწავლით, თუ ვინმე დაინტერესდება.
-ერთი შეხვედრა მინდა გაგახსენოთ, სადაც ცხარე კამათი იყო შხამ-ქიმიკატებთან დაკავშირებით და თქვენ განაცხადეთ, რომ ამ კითხვას უნდა უპასუხოს სოფ-ქიმიის სპეცილისტებმა, რომელიც საკმაოდ სერიოზული დარგია დღეს კი ამას ყურადღებას არ აქცევს, როგორ ფიქრობთ დადგება თუ არა მსგავსი დარგების აღორძინების აუცილებლობა კვლავ?
-მუშაობად დავიწყე, რიგითი გლეხის პოზიციიდან, მაქვს პირველი საკოლმეურნე შრომის ბარათი, იმის შემდეგ ვიყავი, ბრიგადირი, ლაბორანტი, რაიონის მთავარი აგრონომი, ენტომოლოგი და ა.შ.
მაშინ ციტრუსები 4-5 ჯერ იწამლებოდა,ძლიერი პრეპარატებით, ტარა რომელშიც მოთავსებული იყო შხამქიმიკატი დაუშვებელი იყო ვინმესთვის მიმეცა, ხელი მქონდა მოწერილი, იმის უკან ჩაბარებაზე დღეს ვინ რას შვება არავინ იცის. არ არის ეს ყოველივე ასე.
მკითხველმა ესეც უნდა გაიგოს და იცოდეს, რომ ძალიან კარგია ის შესაწამლი აპარატურები, რომლებიც მეც მინდა შევიძინო, მაგრამ არც ეს ხდება ასე მარტივად.
უნდა ვიფიქროთ კოოპერატივებზე, კოოპერატივი არ ნიშნავს კოლმეურნეობას, თუმცა წესდება თითქმის არ განსხვავდება, ძველი ახლისაგან. დღეს არასამთავრობო ორგანიზაციებს ჰგონიათ, ისინი აკეთებენ რამეს, ჩვენი პირობებისათვის, მაგრამ ეს ასე არაა. ჩვენ ძალიან კარგად ვიცით კოოპერატივს რა შეუძლია, კოოპერატივი შეიძლება მრავალ დარგში განვითარდეს, განა არ აინტერესბს მთავრობას, მაგრამ ის ვისაც რეალურად უნდა აინტერესებდეს: ესენია სოფლის მეურნეობის სამინისტრო და მისი სააგენტო, რომელიც ხელმძღვანელობს, ვაი იმ ხელმძღვანელობას, ეს ხელმძრვანელობა არაა... ამისათვის უნდა ჩამოვიდეს სოფელში, უნდა ჩაატაროს კვლევები და შეისწავლოს. არის სოფლები სადაც შეიძლება ჩაის კულტურა აღდგეს, ზოგან შეიძლება ერთწლიანი კულტურები იქნება უკეთესი და ა>შ.
სოფელში ერთი ან ორი კოოპერატივი აუცილებლად უნდა იყოს, რომელიც იმიტომაა საჭირო, რომ აწარმოებს პიროვნება პროდუქციას და არ იცის მერე სად წაიღოს, ეს პრობლემა აღარ შეექმნება. ორი ფორმით შეიძლება კოოპერატივმა იხელმძღვანელოს, იმხალხთან, რომლებიც სოფლებში დღეს არის დარჩენილი.
ერთი ფორმაა სახელშეკრულებო, მეორეა მისი ნაკვეთი იქნება თუ სხვა ქონება, მთლიანად შევიდეს კოოპერატივში, არავინ არ უნდა იფიქროს, რომ კოოპერატივი ვიმეს რაიმეს ართმევს, ეს იმისათვიაა საჭირო რო ,რომ ჭარბ პროდუქციას მიმართულებას მისცემს.
მე მჯერა, რომ ხვალ-ზეგ მოვა, სოფლის მეურნეობით დაინტერესებული პირი, როგორიც გვყავდა ჩვენ ბატონი გურამ მგელაძე, ამ წუთას გვყავს თამაზ კუნჭულია და ბატონი ნაპოლეონ ქარქაშაძე. ჭითანავა იყო სოფლის მეურნეობის მინისტრი ,რომლის ანალოგი მსოფლიოს არ ჰყავს და შევეკითხოთ ამისთანა ხალხს, რომ ვეკითხებით არასამთავრობოებს და ისეთ ხალხს რომელსაც წარმოდგენა არა აქვს სოფლის მეურნეობაზე.
ამიტომ დაინგრა ჩვენი რაიონი სწორედ, 2600 ჰექტარზე იყო ჩაის კულტურა გაშენებული რაიონის მასშტაბით, აქედან 300-400 ჰექტარი არ დარჩა სარეაბილიტაციოდ, არის ფართობები, რომლის ახლად გაშენება უფრო მარტივი იქნება ვიდრე მისი რეაბილიტაცია.
-გახლა გააშენებს ვინმე ჩაის?
-გააშენებს!!! მკითხველმა უნდა იცოდეს, რომ ჩაი რომ მომგებიანია, ისეთი არც ერთი კულტურა არაა. დღეს ჩინელი კაცი ჩამოსულია სამეგრელოში და ერთ კილო ნედლეულში 20 ლარს აძლევს, ამ ჩაის ამუშავებს და ჩინეთში მიაქვს, ჩვენმა ხელისუფლებამ, ხომ უნდა გაიგოს ერთხელ და სამუდამოდ, რომ მოგვაქციოს ყურადღება , ჩვენც გავაკეთოთ ყოველივე ეს და ჩვენ გავყიდოთ აქაური პროდუქცია.
ბევრი რამ კეთდებ,ა არ შეიძლება ითქვას რომ სულ არაფერი არ კეთდება, მაგრამ ვინ აკეთებს ამას და იმის უკან ვინ დგას საქმე იმაშია, ამიტომ უკეთესი ისაა, რომ გრანტი იქნება, თუ იაფი სესხი, მიეცეს სოფელს და სოფლის კოოპერატივს, ის გადაწყვეტს რა გააკეთოს მან და თუ არ გააკეთებს თავადვე აგებს პასუხს.
ჩვენ უკვე მისული ვარ კრიზისის უკანასკნელ ფორმასთან, ინიშნებიან ისეთი ადამაინები, რომლებსაც ჯერ არ უკეთებიათ სოფლის საქმე.
თუ ეს ასე არ მოხდა, ძალიან დიდ ხანს მოგვიწევს ამ ქაოსში ცხოვრება.
ჯერ კიდევ შემოგვჩა სოფელში აგრონომები, ჯერ კიდევ შეიძლება ამ ხალხის გამოყენება.
-სასოფლო -სამეურნეო ტექნიკაზე რას იტყვით?
-თბილისში შეიმნა შ.პ.ს ,,მექანიზატორი“ მაგრამ თბილისში ის საჭირო?!!. აღნიშნული ტექნიკა უნდა გადანაწილდეს, სოფლების მიხედვით და სოფლებმა უნდა მოიხმაროს საჭიროებისამებრ, იქ ხარჯის მეტს არაფერს აკეთებენ, ეს ტრაქტორები. შ.პ.ს მექანიზატორში ერთ სპეციალისტს ვერ ნახავთ მექანიზატორს, არიან ეკონომისტები ან იურისტები.
მე მინდა დავამთავრო ასე: როცა კოლმეუნეობიდან წამოვედი და ფაბრიკის დირექტორად გადმომიყვანენ ლანჩხუთში, სამი დღე ღვაწლმოსილი იურისტი ბატონი ილია კეკელიძე წავიყვანე სოფელში და ვამუშავე იმდენი თანხა მქონდა ნარჩენი. კოლმეურნეობის ძირითადი თანხა რომ გავეცი, შემდეგ გავეცი პრემიალური.აგრეთვე მქონდა თანხა, რომელიც მეყოფოდა მომავალ წლამდე ჩაის რეკულტივაციისათვიდ და სხვადასხვა სამუშაოზე, ამის გარდა მქონდა კიდევ გარკვეული თანხა, ნუ მიწყენს ადრინდელი რაიონის ხელმძღვანელები, თუ დაინახავდნენ ანაგარიშზე თანხას, გადაგარიცხვინებდნენ სხვასთან და სხვასთან რომ არ მომხდარიყო ჩემი თანხა, წავიყვანე იურისტი კაცი, ვამუშავე სამი დღე და სესხის სახით გავეცი ჩემს მოსახლეობაზე, უპროცენტოდ. ჩავსვით ათი ოჯახი ახალი სახლის მსენებლობაზე, თხუთმეტი ოჯახი-სამზადი და დამხრე სათავსოები რომ აეშენებინა და ა.შ, სოფელი წყვეტდა ამას, პირველი ხუთი ოჯახი ვინ უნდა ყოფილიყო?!!, ასე რომ ანაზღაურების ყველა ფორმა მქონდა მე სოფელში. წაბრძანდეს ამის წამკითხველი და შეეკითხოს გულიანის მოსახლეობას, თუ ეს ასე არ იყო!!!, ან ერთი კაციც დამისახელოს, წამოსული ვარ, ოცი წელია იმ სოფლიდან, თუ ვინმეს ათი კაპიკი დააკლდა ოდესმე, ჩემი მუშაობის პერიოდში?!!, პირიქით რაც ძირითადი ანაზრაურება ჰქონდა, ერთ იმდენს დამატებით ღებულობდა პრემია- დანამატებით.
-დღევანდელ რეალობაში ხედავთ მსგავს შესაძლებლობას?
მერწმუნეთ, რომ დღეს ცოტა მეტი შრომა მოუწევს ხალხს, გავა წლები და ანალოგიას დავუბრუნდებით, კოოპერატივი არის სოფლის მეურნეობის განვითარებისათვის სუკეთესო ფორმა.
როცა რაიმე არ იცი, სხვისთვის შეკითხვა სირცხვილი არ არის, 67 წლის კაცი ვარ და თუ რამე არ ვიცი, ვეკითხები მას ვინც იცის, ამიტომ თუ ვინმე მსგავს საკითხებში ვერ ერკვევა შეგვეკითხოს ვისაც რამე გვიკეთებია, ამ კუთხით.
მოვედი დღემდე, რომ დარჩენილი ცხოვრება კვლავ დავიკავშირო სოფლის მეურნეობას, იყო პერიოდი როცა არ მიმუშავია , მაგრამ დამემოწმება ვიც მიცნობს, ყანაში თოხი მქონდა ხელში და იქ ვმუშაობდი, არც მივაჭრია, არც მაღაზია მქონია არც რესტორანი გამიხსნია, ან ამისთანა სხვა რამე, მე პატივს ვცემ ჩემს პროფესიას და სულ ასე იქნება.
ესაუბრა მაია კუკულაძე

 

რამდენიმე წუთში დაიწყება ,,ჰო და არას" ახალი პროექტის- ,,თავისუფალი სახლის" პრეზენტაცია

,,ჰო და არამ" გასულ ნომერში დაანონსა თავისი ახალი პროექტის ,,თავისუფალი სახლის" პრეზენტაცია, რომელიც სულ მალე დაიწყება!ho da ara

ილია ტუღუშს არავითარი სამსახურეობრივი ურთიერთობა არ ჰქონია კლუბთან

gurisaiiaსაფეხბურთო კლუბი ლანჩხუთის ,,გურია“ ღრმა მწუხარებას გამოთქვამს ილია ტუღუშის გარდაცვალების გამო და სამძიმარს უცხადებს გარდაცვლილის ოჯახის წევრებს და ახლობლებს.
ილია ტუღუშს ყველა ნაცნობი ახასიათებს როგორც მოწესრიგებულ, განათლებულ და ოჯახის მოყვარულ პიროვნებას, რომელსაც ყველასთან ნორმალური ურთიერთობა ჰქონდა. იყო თავისი საქმის კარგი სპეციალისტი. დასანანია ასეთი პიროვნების უდროო დანაკლისი, როგორც ოჯახისათვის, ასევე სრულიად საქართველოსთვის.
ამასთან ვაცხადებთ, რომ ილია ტუღუშს არავითარი სამსახურებრივი ურთიერთობა არ ჰქონია კლუბთან. არ გააჩნდა პრო-2 ლიგაში ოფიციალური მატჩების მსაჯობის ლიცენზია. მსაჯობდა მხოლოდ ამხანაგურ მატჩებს. იგი როგორც ლანჩხუთელი, იყო ლანჩხუთის ,,გურია“-ს დიდი გულშემატკივარი და როგორც სხვა ლანჩხუთელი ხშირად ესწრებოდა მატჩებს.
ვინმე ირაკლი ბახტაძეს, არავითარი კავშირი არ ჰქონია კლუბთან და არც დასაქმებული არ ყოფილა. რაც შეეხება გიორგი იმნაიშვილს, ოფიციალურად არც ის ყოფილა დასაქმებული კლუბში. იგი როგორც ბიზნესმენი, ზოგჯერ ეხმარებოდა ფეხბურთელებს მკურნალობაში, რასაკვირველია თავისი ხარჯებით. ვინაიდან, კლუბს არ ჰყავდა სპორტული დირექტორი, ხოლო იმნაიშვილი წარსულში იყო ფეხბურთლი და ჰქონდა სპორტული გამოცდილება, სურვილი გვქონდა მოგვეწვია ის აღნიშნულ თანამდებობაზე, თუმცა ბოლომდე მოლაპარაკება არ ყოფილა მიღწეული.
რაც შეეხება გარიგებულ თამაშებს, ეს სრული აბსურდია, ამაზე მიმდინარე წელს ,,გურიის“ ,,წარმატებებიც“ მიუთითებს. ამასთან, დღევანდელი ფეხბურთის ფედერაცია განსაკუთრებულ ყურადღებას ამ საკითხებს და თუ არა მსაჯის უნებლიე შეცდომები, მათთან მოლაპარაკების გზით მატჩების მოგებაზე საუბარი გამორიცხულია. თუ გუნდი ძლიერია, ასეთი შეცდომები შედეგზე განსაკუთრებულ მნიშვნელობას ვერ იქონიებს.
გვინდა ვაღიაროთ, რომ მიმდინარე სეზონზე ჩვენ გვყავდა სუსტი გუნდი, რაც გამოწვეული იყო როგორც ობიექტური, ისე სუბიექტური მიზეზებით და სათანადო შედეგი მოვიმკეთ.
კლუბს ჰყავს ადმინისტრაცია, პრესცენტრი და ჟურნალისტებს ვთხოვთ, ობიექტური ინფორმაციის მისაღებად, საკადრო და კლუბში მიმდინარე სხვა პროცესებზე ჩვენ მოგვმართოს და არა რიგით თანამშრომლებს, რომლებიც ყველა საკითხში ვერ ერკვევიან, რის გამოც მკითხველიც და მაყურებელიც არასწორ ინფორმაციას იღებს, რაც მოცემულ შემთხვევაში ბახტაძის და იმნაიშვილის შემთხვევაში მოხდა. რაც შეეხება ნუგზარ ჩხაიძეს, ის ნამდვილად მუშაობს კლუბის აღმასრულებელი დირექტორის მოადგილედ.
ილია ტუღუშის საქმეზე მიმდინარეობს გამოძიება, რომელიც დაადგენს ობიექტურ ჭეშმარიტებას და ყველა შესაძლო დამნაშავე, თუ კი რამე წვლილი მიუზღვის ტუღუშის დაღუპვაში, სათანადო პასუხს აგებს კანონის წინაშე. ამიტომაც, შესაძლო ვერსიებისგან და მკითხაობისგან ყველას თავის შეკავება მართებს.
თელავის ,,თელავთან“ ორივე შეხვედრაში იყო შეუპოვარი ბრძოლა, ობიექტური მსაჯობა და თელავის ახალგაზრდულმა გუნდმა დამსახურებულად გაიმარჯვა. მათ მხარეზე იყო ფორტუნაც, რამაც წარმატება მოუტანა მათ და გულითადად ვულოცავთ აღმასვლას. აწ გარდაცვლილ ი. ტუღუშს არავითარი კავშირი არ ჰქონია ამ თამაშებთან და თავისი კომპეტენციითაც არ შეეძლო რაიმე გავლენის მოხდენა. ამასთან, როგორც გავიკითხეთ, ის იყო უპატიოსნესი პიროვნება და ასეთ დანაშაულებრივ საქმიანობაში, არ გვგონია მონაწილეობა მიეღო, თუნდაც მასზედ წვდომა ჰქონოდა.
ამიტომაც გთხოვთ, ეჭქვეშ ნუ დააყენებთ მის პატიოსნებას და კლუბის რეპუტაციას. მოვითმინოთ, თუნდაც გამოძიების დასრულებამდე.
კლუბის ყველა თანამშრომელი ქედს იხრის ბატონი ილოს ხსოვნის წინაშე.
საფეხბურთო კლუბ ლანჩხუთის ,,გურია“-ს ადმინისტრაცია

მოიწონეთ სტატია