ჰო და არას ჭიდილია ერთადერთი გზა ჭეშმარიტების აღმოჩენისა და პოვნისა ილია

"ჰო და არას ჭიდილია ერთადერთი გზა ჭეშმარიტების აღმოჩენისა და პოვნისა" ილია

სჯობს კოვზებით გათხარონ მეტი ადამიანი ,,დასაქმდება"

სჯობს კოვზებით გათხარონ მეტი ადამიანი ,,დასაქმდება"
4-04-2022, 16:45

პარასკევის ,,ჰო და არა"-ში  წავიკითხე, თუ  როგორ ჩაანაცვლა თვითდასაქმებული სასაფლაოს მომვლელი, რომელსაც ხელფასს კერძო პირები უხდიდნენ,  ადგილობრივმა ხელისუფლებამ სხვა პიროვნებით, რომელსაც ხელფასს, აწ უკვე, ბიუჯეტიდან გადაუხდიან. ეს მავნებლობა კი ხდება სახელმწიფოს იმ ახალი პროგრამის ფარგლებში, რომელიც ვითომდა სოციალურად დაუცველების დასაქმებას ითვალისწინებს. სულ ორასი ათასი ადამიანის დასაქმებაა გათვალისწინებული. წელს მხოლოდ 50 ათასის. საიდან მოიტანეს ეს ციფრები? კვლევა ჩაატარეს და დაადგინეს, რომ ამდენი ვაკანსია არსებობს და დაუსაქმებელმა და დამსაქმებელმა ერთმანეთი ვერ იპოვა? პირდაპირ  სულზე მოგვისწრო მთავრობამ!  სინამდვილეში  თვალთმაქცობენ, დასაქმების ილუზიას ქმნიან. ძალიან გავს საბჭოთა მეთოდს, ყველა რომ დასაქმებული იყო, ეკონომიკა კი ინგრეოდა! სამუშაო ადგილებს ქმნის ღია ბაზარი და კერძო სექტორი, მხოლოდ ასე იქმნება დოვლათი, იზრდება  კეთილდღეობა და ეკონომიკა. დასაქმება ბიუჯეტის ხარჯზე პირიქით, ჭამს დოვლათს, ამცირებს ეკონომიკის ზომას და გვაღატაკებს! ხელოვნურად  გამოგონილი სამუშაო ადგილი, დასაქმება ლამაზი სტატისტიკისთვის, უფრო საშიში სოციალური მოვლენაა, ვიდრე უმუშევრობა. სახელმწიფოს მცდარი წარმოდგენები საზოგადოების ფუნქციონირებაზე ხალხში აღვივებს ცრუმოლოდინებს, ზრდის სოციალურად შეჭირვებულთა რიგებს  და არ ამცირებს. ჩვენი ეკონომიკის პრობლემა სწორედ ისაა, რომ მთავარი დამსაქმებელი სახელმწიფოა. აქტივების 80% ზე მეტის მფლობელი სახელმწიფოა, მილიარდობით დოლარის ქონებას სძინავს, არაა ჩართული ეკონომიკურ საქმიანობაში. აი, უმუშევრობის მთავარი მიზეზი. რაც მეტად ჩაერევა სახლმწიფო ეკონომიკაში, უფრო და უფრო ცუდი შედეგები დადგება. სახელმწიფო ქონების განკერძოება, დებიუროკრატიზაცია, გადასახადების შემცირება, ნაკლები ფული ბიუჯეტს და მეტი ფული ხალხს! ასეთ პრინციპებზე დაფუძნებული ეკონომიკა ქმნის სამუშაო ადგილებს და არა მთავრობა!
პ.ს. ცნობილი ნობელიანტი ეკონომისტი მილტონ ფრიდმანი, ჩინეთში იმყოფებოდა,  სარწყავი არხის მშენებლობა დაათვალიერებინეს. ხალხი წერაქვით, ნიჩბებით, ხელის ურიკებით მუშაობდა. ტრაქტორებს და ბულდოზერებს რატომ არ იყენებთო, უკითხავს ფრიდმანს, მიუგეს: ასე მეტი ადამიანი გვყავს დასაქმებულიო, ფრიდმანმა სარკასტულად უთხრა, სჯობს კოვზებით გათხარონ მეტი ადამიანი ,,დასაქმდებაო!"

    ვახტანგ ზენაიშვილი

განყოფილება: ---
გადასვლები: 436
FACEBOOK კომენტარები
მსგავსი სიახლეები
ვრცლად
ეკონომიკის გაჯანსაღების პირველი ნიშნები სახეზეა ეკონომიკის გაჯანსაღების პირველი ნიშნები სახეზეა
ეკონომიკის გაჯანსაღების პირველი ნიშნები სახეზეა
31-07-2020, 18:26
ვრცლად
საიდან იღებს სათავეს „არაჩემიანების“ სამშობლოს მტრად გამოცხადება?!
საიდან იღებს სათავეს „არაჩემიანების“ სამშობლოს მტრად გამოცხადება?!
14-04-2021, 12:13
ვრცლად
მართლაც საინტერესო და ინოვაციური პროგრამა გვაქვს და რაც მთავარია, ყველა ამ ინიციატივის უკან დგას რეალური ციფრები, რეალური გათვლები და ჩვენი პროფესიონალური გუნდის დიდი შრომა. მართლაც საინტერესო და ინოვაციური პროგრამა გვაქვს და რაც მთავარია, ყველა ამ ინიციატივის უკან დგას რეალური ციფრები, რეალური გათვლები და ჩვენი პროფესიონალური გუნდის დიდი შრომა.
მართლაც საინტერესო და ინოვაციური პროგრამა გვაქვს და რაც მთავარია, ყველა ამ ინიციატივის უკან დგას რეალური ციფრები, რეალური გათვლები და ჩვენი პროფესიონალური გუნდის დიდი შრომა.
22-09-2016, 00:00
ვრცლად
ვახტანგ ზენაიშვილი: `ფული უნდა დარჩეს ხალხში, ბაზარი თვითონ გადაანაწილებს სამართლიანად, მთავრობა ამას ვერ იზამს, ის ფულს მოიპარავს...~ ვახტანგ ზენაიშვილი: `ფული უნდა დარჩეს ხალხში, ბაზარი თვითონ გადაანაწილებს სამართლიანად, მთავრობა ამას ვერ იზამს, ის ფულს მოიპარავს...~
ვახტანგ ზენაიშვილი: `ფული უნდა დარჩეს ხალხში, ბაზარი თვითონ გადაანაწილებს სამართლიანად, მთავრობა ამას ვერ იზამს, ის ფულს მოიპარავს...~
18-02-2017, 00:00
ვრცლად
2020 წელს საქართველომ ტურიზმიდან დაახლოებით 3 მილიარდი დოლარი ვერ მიიღო
2020 წელს საქართველომ ტურიზმიდან დაახლოებით 3 მილიარდი დოლარი ვერ მიიღო
4-02-2021, 11:26
რეკლამა